Basic information
Number
N 1-Ա
Type
Որոշում
Act type
Հիմնական ակտ (13.01.2006-մինչ օրս)
Status
Գործում է
Source
«ՀՀ» օրաթերթ 2007.11.27/218(4314)
Enactment organisation
ՀՀ կառավարություն
Enactment date
12.01.2006
Signing organisation
ՀՀ վարչապետ
Signing date
12.01.2006
Ratification organisation
ՀՀ Նախագահ
Ratification date
12.01.2006
Effective date
13.01.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
12 հունվարի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 հունվարի 2006 թվականի N 1-Ա

 

«ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ ԱՇԽԱՏԱԿԱԶՄ» ՊԵՏԱԿԱՆ ՀԻՄՆԱՐԿԻ ԳՈՐԾՈՒՆԵՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ

 

Հաշվի առնելով այն հանգամանքը, որ «Մարդու իրավունքների պաշտպանի մասին» Հայաստանի Հանրապետության օրենքի 27-րդ հոդվածի 2-րդ մասի համաձայն լրացել է Մարդու իրավունքների պաշտպանի պաշտոնավարման ժամկետը և նկատի ունենալով, որ «Մարդու իրավունքների պաշտպանի աշխատակազմ» պետական հիմնարկում աշխատակազմի ղեկավարի պաշտոնի բացակայության պայմաններում կազմալուծվել է Մարդու իրավունքների պաշտպանի աշխատակազմը, ինչպես նաև Հայաստանի Հանրապետության օրենսդրության համաձայն որևէ մարմին կամ անձ իրավունք չունի նշանակելու Մարդու իրավունքների պաշտպանի աշխատակազմի ղեկավար կամ փոխարինելու նրան և հիմք ընդունելով «Իրավական ակտերի մասին» Հայաստանի Հանրապետության օրենքի 14-րդ հոդվածի 3-րդ մասի դրույթները` Հայաստանի Հանրապետության կառավարությունը որոշում է.

1. Մինչև Մարդու իրավունքների պաշտպանի ընտրությունը` կասեցնել «Մարդու իրավունքների պաշտպանի աշխատակազմ» պետական հիմնարկի գործունեությունը` աշխատողներին համարելով ոչ իրենց մեղքով պարապուրդում գտնվողներ:

2. Հայաստանի Հանրապետության ֆինանսների և էկոնոմիկայի նախարարին ու Հայաստանի Հանրապետության աշխատանքի և սոցիալական հարցերի նախարարին` Հայաստանի Հանրապետության աշխատանքային օրենսգրքի համաձայն ապահովել «Մարդու իրավունքների պաշտպանի աշխատակազմ» պետական հիմնարկի աշխատողների սոցիալական երաշխիքների իրականացումը, այդ թվում` կատարել վճարումներ` կապված ոչ աշխատողի մեղքով տեղի ունեցած պարապուրդի համար:

3. Հայաստանի Հանրապետության ֆինանսների և էկոնոմիկայի նախարարին ու Հայաստանի Հանրապետության կառավարությանն առընթեր պետական գույքի կառավարման վարչության պետին՝ իրականացնել «Մարդու իրավունքների պաշտպանի աշխատակազմ» պետական հիմնարկի գույքի և ֆինանսական միջոցների պահպանությունը` մինչև Մարդու իրավունքների պաշտպանի ընտրությունը:


Հայաստանի Հանրապետության
վարչապետ

 Ա. Մարգարյան
   

2006 թ. հունվարի 12
Երևան

Change History
Changing Act Corresponding incorporation
Changed acts
Changing Act Corresponding incorporation