ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

«ՄՐՑԱԿՑԱՅԻՆ ԻՐԱՎԻՃԱԿԻ ԳՆԱՀԱՏՄԱՆ ՄԵԹՈԴԻԿԱՅՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

1. Հավանություն տալ «Մրցակցային իրավիճակի գնահատման մեթոդիկայում փոփոխություններ կատարելու մասին» Եվրասիական տնտեսական հանձնաժողովի խորհրդի որոշման նախագծին (կցվում է) և այն ներկայացնել Եվրասիական տնտեսական հանձնաժողովի խորհրդի քննարկմանը:

2. Սույն կարգադրությունն ուժի մեջ է մտնում «Ինտերնետ» տեղեկատվական հեռահաղորդակցական ցանցում՝ Եվրասիական տնտեսական միության պաշտոնական կայքում դրա հրապարակման օրվանից:

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
 
ԽՈՐՀՈՒՐԴ
 
Ո Ր Ո Շ ՈՒ Մ

ՄՐՑԱԿՑԱՅԻՆ ԻՐԱՎԻՃԱԿԻ ԳՆԱՀԱՏՄԱՆ ՄԵԹՈԴԻԿԱՅՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Մրցակցության ընդհանուր սկզբունքների և կանոնների մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 19 հավելված) 11-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 65-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Եվրասիական տնտեսական հանձնաժողովի խորհրդի 2013 թվականի հունվարի 30-ի թիվ 7 որոշմամբ հաստատված՝ Մրցակցային իրավիճակի գնահատման մեթոդիկայում կատարել փոփոխություններ՝ համաձայն հավելվածի:

2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո:

Եվրասիական տնտեսական հանձնաժողովի խորհրդի անդամներ՝

ՓՈՓՈԽՈՒԹՅՈՒՆՆԵՐ

Մրցակցային իրավիճակի գնահատման մեթոդիկայում կատարվող

1. Տեքստում «Մաքսային միության» բառերը փոխարինել «Միության» բառով, «մրցակցության կանոնների» բառերը փոխարինել «անդրսահմանային շուկաներում մրցակցության ընդհանուր կանոնների» բառերով (բացառությամբ 64-րդ կետի՝ Մրցակցության կանոնների խախտումների վերաբերյալ քննություն անցկացնելու կարգի անվանման մասով), համապատասխան հոլովով «անդրսահմանային ապրանքային շուկա» բառերը փոխարինել համապատասխան հոլովով «անդրսահմանային շուկա» բառերով, ««Հատուկ միջոցներ կիրառելու մասին» համաձայնագրի 30-րդ հոդվածի 16-րդ կետի» բառերը փոխարինել «թիվ 8 հավելվածի 221-րդ կետի» բառերով:

2. 1-ին կետում՝

ա) առաջին պարբերությունը շարադրել հետևյալ խմբագրությամբ՝

«1. Սույն մեթոդիկան մշակվել է «Մրցակցության ընդհանուր սկզբունքների և կանոնների մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 19 հավելված) (այսուհետ համապատասխանաբար՝ Արձանագրություն, Պայմանագիր) 11-րդ կետին համապատասխան՝ Եվրասիական տնտեսական միության երկու և ավելի անդամ պետությունների տարածքներում անդրսահմանային շուկաներում (այսուհետ համապատասխանաբար՝ Միություն, անդամ պետություններ, անդրսահմանային շուկաներ) մրցակցության ընդհանուր կանոնների պահպանման նկատմամբ Եվրասիական տնտեսական հանձնաժողովի կողմից (այսուհետ՝ Հանձնաժողով) հսկողության լիազորությունների իրականացման նպատակով:».

բ) երկրորդ պարբերությունում «Համաձայնագրի 2-րդ հոդվածում» բառերը փոխարինել «Արձանագրության 2-րդ կետում» բառերով:

3. 2-րդ կետում՝

ա) առաջին պարբերությունում «Եվրասիական տնտեսական հանձնաժողովի կողմից (այսուհետ՝ Հանձնաժողով)» բառերը փոխարինել «Հանձնաժողովի կողմից» բառերով.

բ) «ա» ենթակետում «Համաձայնագրի III բաժնում (այսուհետ՝ մրցակցության կանոններ), անդրսահմանային ապրանքային շուկաներում» բառերը փոխարինել «Պայմանագրի 76-րդ հոդվածով» բառերով.

գ) «գ» ենթակետը շարադրել հետևյալ խմբագրությամբ՝

«գ) «Երրորդ երկրների նկատմամբ հատուկ պաշտպանական, հակագնագցման և փոխհատուցման միջոցներ կիրառելու մասին» արձանագրության (Պայմանագրի թիվ 8 հավելված) (այսուհետ՝ թիվ 8 հավելված) 221-րդ կետն իրագործելու նպատակով Միության ապրանքային շուկայում գերիշխող դիրքը որոշելիս.».

դ) «դ» ենթակետում «Համաձայնագրի 18-րդ հոդվածի 1-ին կետով» բառերը փոխարինել «Արձանագրության 87-րդ կետով» բառերով:

4. 3-րդ կետի «դ» ենթակետը «սուբյեկտների» բառից հետո լրացնել «(շուկայում գործող սուբյեկտների) (այսուհետ՝ տնտեսավարող սուբյեկտներ)» բառերով:

5. 4-րդ կետում՝

ա) առաջին պարբերությունում «Համաձայնագրի 10-րդ հոդվածով» բառերը փոխարինել «Պայմանագրի 76-րդ հոդվածի 3-6-րդ կետերով» բառերով.

բ) երկրորդ պարբերությունում «Համաձայնագրի 13-րդ հոդվածով» բառերը փոխարինել «Պայմանագրի 76-րդ հոդվածի 2-րդ կետով» բառերով:

6. 10-րդ կետում «քննությունն սկսելու օրվան նախորդող օրվանից 2 տարի» բառերը փոխարինել «քննությունն սկսելու օրվան անմիջապես նախորդող 2 օրացուցային տարի» բառերով:

7. 22-րդ կետում ««Հատուկ միջոցներ կիրառելու մասին» համաձայնագրի 2-րդ հոդվածին» բառերը փոխարինել «թիվ 8 հավելվածի 2-րդ կետին» բառերով:

8. 25-րդ կետի «ա» ենթակետից հանել «միասնական» բառը:

9. 31-րդ կետում «Մաքսային միության միասնական մաքսային տարածքի սահմանները» բառերը փոխարինել «բոլոր անդամ պետությունների տարածքները» բառերով:

10. 34-րդ կետի «բ» ենթակետը լրացնել «տնտեսավարող սուբյեկտի» բառերով։

11. 49-րդ կետի երկրորդ պարբերությունում «Համաձայնագրի 2-րդ հոդվածի 16-րդ կետում» բառերը փոխարինել «Արձանագրության 2-րդ կետի 15-րդ ենթակետում» բառերով:

12. 50-րդ կետի «բ» ենթակետում «54» թվանշանները փոխարինել «52» թվանշաններով։

13. XI բաժնի անվանումը շարադրել հետևյալ խմբագրությամբ՝

«XI. Տնտեսավարող սուբյեկտի գերիշխող դիրքը որոշելը»: