ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2020 թվականի հունիսի 18-ին

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. Հայաստանի Հանրապետության 1998 թվականի հուլիսի 1-ի քրեական դատավարության օրենսգրքի (այսուհետ` Օրենսգիրք) 245-րդ հոդվածը լրացնել հետևյալ բովանդակությամբ 3-րդ մասով.

«3. Դատահոգեբուժական փորձաքննությունն իրականացվում է միայն հանձնաժողովային կարգով:»:

Հոդված 2. Օրենսգրքի 457-րդ հոդվածի 2-րդ մասի 2-րդ կետում`

1) «հիվանդանոցում» բառը փոխարինել «կազմակերպությունում» բառով.

2) «տեղավորելը» բառից հետո լրացնել «և բուժելը» բառերով:

Հոդված 3. Օրենսգրքի 459-րդ հոդվածում`

1) վերնագիրը և 2-րդ մասը «տեղավորելը» բառից հետո լրացնել «և բուժելը» բառերով․

2) վերնագրի «հիվանդանոցում» բառը, իսկ 1-ին և 2-րդ մասերի «հաստատությունում» բառը փոխարինել «կազմակերպությունում» բառով․

3) 1-ին մասը «տեղավորվել» բառից հետո լրացնել «և բուժվել» բառերով:

Հոդված 4. Սույն օրենքն ուժի մեջ է մտնում պաշտոնական հրապարակումից երեք ամիս հետո:

Հանրապետության նախագահ	Ա. Սարգսյան
2020 թ. հուլիսի 3 Երևան ՀՕ-348-Ն

 

Պաշտոնական հրապարակման օրը՝ 6 հուլիսի 2020 թվական: