ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՈՒՐԴ

11 հոկտեմբերի 2017 թվականի

թիվ 3

քաղ. Սոչի

Ի գիտություն ընդունելով «Բնական մենաշնորհի սուբյեկտների գործունեության կարգավորման միասնական սկզբունքների և կանոնների մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 20 հավելված) 20-րդ կետի 3-րդ և 4-րդ ենթակետերում նշված Եվրասիական տնտեսական հանձնաժողովի կողմից 2016 թվականին կատարված աշխատանքների արդյունքների մասին տեղեկությունները՝

1. Եվրասիական տնտեսական հանձնաժողովին՝ 2018 թվականի առաջին կիսամյակում Եվրասիական տնտեսական բարձրագույն խորհրդի քննարկմանը ներկայացնել «Բնական մենաշնորհի սուբյեկտների գործունեության կարգավորման միասնական սկզբունքների և կանոնների մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 20 հավելված) 20-րդ կետի 3-րդ և 4-րդ ենթակետերին համապատասխան 2017 թվականին կատարված աշխատանքների արդյունքների մասին Եվրասիական տնտեսական միության անդամ պետությունների լիազորված մարմինների հետ համաձայնեցված տեղեկությունները:

2. Եվրասիական տնտեսական հանձնաժողովի խորհրդին՝ մինչև 2017 թվականի դեկտեմբերի 31-ը հաստատել բնական մենաշնորհի կարգավորման ոլորտում օրենսդրության ներդաշնակեցմանն ուղղված համապատասխան միջոցառումների իրականացման հաջորդականությունը որոշելու մասով միջոցառումների ծրագիրը («ճանապարհային քարտեզ»)։

3. Սույն կարգադրությունն ուժի մեջ է մտնում Եվրասիական տնտեսական միության պաշտոնական կայքում դրա հրապարակման օրվանից:

Եվրասիական տնտեսական բարձրագույն խորհրդի անդամներ՝

Հայաստանի Հանրապետությունից՝

Բելառուսի Հանրապետությունից՝

Ղազախստանի Հանրապետությունից՝

Ղրղզստանի Հանրապետությունից՝

Ռուսաստանի Դաշնությունից՝