ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

15 դեկտեմբերի 2015 թվականի

թիվ 151

քաղ. Մոսկվա

«2016 ԹՎԱԿԱՆԻՆ «ԵՎՐԱՍԻԱԿԱՆ ՇԱԲԱԹ» ՑՈՒՑԱՀԱՆԴԵՍԱՅԻՆ ՖՈՐՈՒՄ ԱՆՑԿԱՑՆԵԼՈՒ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ԿԱՐԳԱԴՐՈՒԹՅԱՆ ՆԱԽԱԳԾԻ ՄԱՍԻՆ

1. Հավանություն տալ «2016 թվականին «Եվրասիական շաբաթ» ցուցահանդեսային ֆորում անցկացնելու մասին» Եվրասիական տնտեսական հանձնաժողովի խորհրդի կարգադրության նախագծին (կցվում է) և ներկայացնել այն Եվրասիական տնտեսական հանձնաժողովի խորհրդի քննարկմանը 2015 թվականի դեկտեմբերին։

2. Սույն Կարգադրությունն ուժի մեջ է մտնում դրա ընդունման օրվանից։

Եվրասիական տնտեսական հանձնաժողովի կոլեգիայի նախագահ

Վ. Խրիստենկո

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
 
ԽՈՐՀՈՒՐԴ
 

Եվրասիական միջկառավարական խորհրդի՝ 2015 թվականի մայիսի 29-ի «Արտահանումը զարգացնելուն ուղղված միջոցների մասին» թիվ 2 որոշման 4-րդ կետի իրագործման նպատակով՝

1. Համաձայնել 2016 թվականին «Եվրասիական շաբաթ» ցուցահանդեսային ֆորումի անցկացմանը (այսուհետ՝ ցուցահանդեսային ֆորում) Ռուսաստանի Դաշնության առաջարկին համապատասխան՝ Մոսկվա քաղաքում՝ «Բաց նորարարություններ» մոսկովյան նորարարական զարգացման միջազգային ֆորումի հարթակում` հոկտեմբերի 27-30-ը։

2. Եվրասիական տնտեսական միության անդամ պետությունների կառավարություններին և Եվրասիական տնտեսական հանձնաժողովին (այսուհետ համապատասխանաբար՝ անդամ պետություններ, Հանձնաժողով)՝ ուսումնասիրել ցուցահանդեսային ֆորումի կազմակերպման աջակցության և անցկացման վերաբերյալ հարցերը։

3. Անդամ պետությունների կառավարություններին՝

մինչև 2016 թվականի փետրվարի 1-ը Հանձնաժողով ներկայացնել թեկնածություններ՝ ցուցահանդեսային ֆորումի կազմակերպական կոմիտեի (այսուհետ՝ կազմակերպական կոմիտե) կազմի մեջ ընդգրկելու համար՝ անհրաժեշտության դեպքում նախատեսելով գործարար համայնքի ներկայացուցիչների մասնակցությունը դրան.

քննարկել ազգային ցուցահանդեսային էքսպոզիցիաների ֆինանսավորման հետ կապված հարցերը և սահմանել դրանց ձևաչափը՝ հաշվի առնելով ցուցահանդեսային ֆորում անցկացնելու հայեցակարգը։

4. Հանձնաժողովին՝ անդամ պետությունների հետ փոխգործակցությամբ քննարկել երրորդ երկրների ներկայացուցիչներին ցուցահանդեսային ֆորումին հրավիրելու վերաբերյալ հարցերը։

5. Հանձնաժողովի Կոլեգիային՝

մինչև 2016 թվականի մարտի 1-ը հաստատել կազմակերպական կոմիտեի կազմը Հանձնաժողովի Կոլեգիայի անդամի ղեկավարությամբ՝ դրանում ներառելով անդամ պետությունների և Հանձնաժողովի ներկայացուցիչներին,

ապահովել կազմակերպական կոմիտեի գործունեությունը։

6. Սույն Կարգադրությունն ուժի մեջ է մտնում դրա ընդունման օրվանից։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից	Բելառուսի Հանրապետությունից	Ղազախստանի Հանրապետությունից	Ղրղզստանի Հանրապետությունից	Ռուսաստանի Դաշնությունից
Վ. Գաբրիելյան	Վ. Մատյուշևսկի	Բ. Սագինտաև	О. Պանկրատով	Ի. Շուվալով