ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԻՐԱՎՈՒՆՔԻ ՄԱՍ ԿԱԶՄՈՂ, ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆԵԼՈՒ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԻ ՁԵՎԱԿԵՐՊՄԱՆ ԵՎ ՕԳՏԱԳՈՐԾՄԱՆ ՀԵՏ ԿԱՊՎԱԾ, «ՄԵԿ ՊԱՏՈՒՀԱՆԻ» ԱԶԳԱՅԻՆ ՄԵԽԱՆԻԶՄՆԵՐԻ ԶԱՐԳԱՑՄԱՆ ՎՐԱ ԱԶԴԵՑՈՒԹՅՈՒՆ ԹՈՂՆՈՂ ԱԿՏԵՐԻ ՆԱԽԱԳԾԵՐԻ ՀԱՄԱՁԱՅՆԵՑՈՒՄԸ ՀԱՄԱԿԱՐԳԵԼՈՒ ԿԱՐԳԻ ՄԱՍԻՆ

«Եվրասիական տնտեսական հանձնաժողովի» մասին հիմնադրույթի 43-րդ կետի 15-րդ ենթակետին համապատասխան («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված)՝ Եվրասիական տնտեսական հանձնաժողովի խորհրդի 2015 թվականի փետրվարի 4-ի թիվ 4 որոշմամբ հաստատված արտաքին տնտեսական գործունեության կարգավորման համակարգում «մեկ պատուհանի» մեխանիզմի զարգացման հիմնական ուղղությունների իրագործման միջոցառումների պլանի կատարման մասով 2015 թվականի համար մանրամասնեցված պլանի 3.3.2-րդ ենթակետի իրականացման նպատակներով՝

1. Եվրասիական տնտեսական միության իրավունքի մաս կազմող, արտաքին տնտեսական գործունեության իրականացման համար անհրաժեշտ փաստաթղթերի ձևակերպման և օգտագործման հետ կապված, «մեկ պատուհանի» ազգային մեխանիզմների զարգացման վրա ազդեցություն թողնող ակտերի նախագծերի նախապատրաստման և համաձայնեցման ժամանակ, Եվրասիական տնտեսական հանձնաժողովի դեպարտամենտներին, որոնց իրավասությունը կապված է մաքսային, արժութային, հարկային, մաքսասակագնային, ոչ սակագնային, տեխնիկական կարգավորման, սանիտարական, անասնաբուժասանիտարական, կարանտինային բուսասանիտարական միջոցառումների կիրառման, ֆինանսական ծառայությունների (բանկային, ապահովագրական) կարգավորման, տրանսպորտի և փոխադրումների, մտավոր սեփականության ոլորտների հետ, ապահովել նշված ակտերի նախագծերի համաձայնեցումը Եվրասիական տնտեսական հանձնաժողովի այն դեպարտամենտների հետ, որոնց իրավասության շրջանակներում են գտնվում մաքսային ենթակառուցվածքին և տեղեկատվական տեխնոլոգիաներին վերաբերող հարցերը, այն դրույթների ներառման անհրաժեշտության մասով, որոնք նախատեսում են՝

փաստաթղթերի՝ էլեկտրոնային փաստաթղթերի տեսքով ձևակերպման հնարավորություն,

էլեկտրոնային փաստաթղթերի ձևակերպման և օգտագործման կարգի հաստատում,

էլեկտրոնային փաստաթղթերի ձևաչափերի և կառուցվածքների հաստատում:

2. Եվրասիական տնտեսական հանձնաժողովի 2015 թվականի սեպտեմբերի 28-ի թիվ 124 որոշմանը համապատասխան ստեղծված՝ Արտաքին տնտեսական գործունեության կարգավորման համակարգում «մեկ պատուհանի» մեխանիզմի զարգացման հիմնական ուղղությունների իրագործման վերաբերյալ միջոցառումների պլանի կատարման մասով աշխատանքային խմբի ղեկավարին՝ ապահովել՝ արտաքին տնտեսական գործունեության իրականացման համար անհրաժեշտ փաստաթղթերի ձևակերպման և օգտագործման հետ կապված, Եվրասիական տնտեսական միության իրավունքի մաս կազմող ակտերում փոփոխություններ կատարելու մասով արտաքին տնտեսական գործունեության կարգավորման համակարգում «մեկ պատուհանի» մեխանիզմի զարգացման հիմնական ուղղությունների իրագործման վերաբերյալ միջոցառումների իրականացման մասով ամենամյա մանրամասնեցված պլանի մեջ ներառելը՝ էլեկտրոնային փաստաթղթերի ձևակերպմանն ու օգտագործմանն անցնելու համար պայմանների ստեղծման նպատակով:

3. Սույն Կարգադրությունն ուժի մեջ է մտնում Ինտերնետ տեղեկատվական-հեռահաղորդակցական ցանցում` Միության պաշտոնական կայքում դրա հրապարակման օրվանից: