ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ

«18» նոյեմբերի 2025 թ. ք. Երևան

N 29-Ն

ՀԱՄԱՅՆՔԱՅԻՆ ԾԱՌԱՅՈՒԹՅԱՆ ԿԱԴՐԵՐԻ ՌԵԶԵՐՎԸ ՎԱՐԵԼՈՒ, ԿԱԴՐԵՐԻ ՌԵԶԵՐՎՈՒՄ ԳՐԱՆՑԵԼՈՒ ԵՎ ԿԱԴՐԵՐԻ ՌԵԶԵՐՎԻՑ ՀԱՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Համայնքային ծառայության մասին» Հայաստանի Հանրապետության օրենքի 21-րդ հոդվածի 3-րդ մասով և 35.2-րդ հոդվածի 1-ին մասի «ը» կետով`

ՀՐԱՄԱՅՈՒՄ ԵՄ

1․ Սահմանել համայնքային ծառայության կադրերի ռեզերվը վարելու, կադրերի ռեզերվում գրանցելու և կադրերի ռեզերվից հանելու կարգը՝ համաձայն հավելվածի:

2․ Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

Նախարար`   11/18/2025

Դ. Խուդաթյան

Հավելված ՀՀ տարածքային կառավարման և  ենթակառուցվածքների նախարարի 18.11.2025 թվականի N 29-Ն հրամանի

ԿԱՐԳ

ՀԱՄԱՅՆՔԱՅԻՆ ԾԱՌԱՅՈՒԹՅԱՆ ԿԱԴՐԵՐԻ ՌԵԶԵՐՎԸ ՎԱՐԵԼՈՒ, ԿԱԴՐԵՐԻ ՌԵԶԵՐՎՈՒՄ ԳՐԱՆՑԵԼՈՒ ԵՎ ԿԱԴՐԵՐԻ ՌԵԶԵՐՎԻՑ ՀԱՆԵԼՈՒ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է համայնքային ծառայության կադրերի ռեզերվը (այսուհետ` կադրերի ռեզերվ) վարելու, համայնքային ծառայողներին (բացառությամբ համայնքային ծառայության այն պաշտոնների, որոնք զբաղեցվում են ժամկետային աշխատանքային պայմանագրերով) կադրերի ռեզերվում գրանցելու և կադրերի ռեզերվից հանելու ընթացակարգը:

2. Կադրերի ռեզերվը «Համայնքային ծառայության մասին» Հայաստանի Հանրապետության օրենքի 21-րդ հոդվածով սահմանված համայնքային ծառայության պաշտոններ չբաղեցնող անձանց հանրույթ է, որի կազմում ընդգրկվում են համապատասխան կրթություն, մասնագիտական փորձ կամ կարողություններ ունեցող անձինք և ովքեր առանց մրցույթի, օրենքով սահմանված կարգով կարող են փոխարինել համայնքային ծառայողի ժամանակավոր բացակայության դեպքում։

3. Կադրերի ռեզերվում միանգամյա գտնվելու առավելագույն ժամկետը մեկ տարի է, բայց ոչ ավելի, քան կադրերի ռեզերվում գրանցված անձի 65 տարին լրանալը։

4. Կադրերի ռեզերվում միանգամյա գտնվելու առավելագույն ժամկետը լրանալուց հետո անձը կարող է գրանցվել կադրերի ռեզերվում «Համայնքային ծառայության մասին» Հայաստանի Հանրապետության օրենքի 21-րդ հոդվածով սահմանված հիմքերից որևէ մեկի կրկին ի հայտ գալու դեպքում։

5. Հաստիքի կրճատման կամ համապատասխան մարմնի գործունեության դադարեցման հիմքով համայնքային ծառայության կադրերի ռեզերվում գրանցված լինելու ժամանակահատվածը համարվում է համայնքային ծառայության ստաժ:

2. ԿԱԴՐԵՐԻ ՌԵԶԵՐՎԻ ՎԱՐՈՒՄԸ

6. Կադրերի ռեզերվը էլեկտրոնային եղանակով վարում է Կառավարության լիազորած պետական կառավարման մարմնի (այսուհետ՝ Լիազոր մարմին) համայնքային ծառայության ոլորտը համակարգող համապատասխան ստորաբաժանումը։

7. Լիազոր մարմնի համապատասխան ստորաբաժանման կողմից Համայնքային ծառայողների կադրերի ռեզերվում գրանցելու և կադրերի ռեզերվից հանելու էլեկտրոնային եղանակով վարվող տեղեկատվական բազայում ներառվում են հետևյալ տեղեկությունները՝

1) գրանցման դիմումի ամսաթիվը,

2) գրանցման հիմքը,

3) կադրերի ռեզերվում գրանցելու մասին հրամանի համարը, ամսաթիվը,

4) զբաղեցրած համայնքային ծառայության վերջին պաշտոնը, ծածկագիրը,

5) ազատման հրամանի (որոշման) համարը, ամսաթիվը,

6) կադրերի ռեզերվից հանելու հիմքը,

7) կադրերի ռեզերվից հանելու հրամանի համարը, ամսաթիվը,

8) համայնքային ծառայողի անունը, ազգանունը, հայրանունը,

9) ծննդյան տարեթիվը, ամիսը, ամսաթիվը,

10) անձը հաստատող փաստաթղթի համարը, տալու և վավերականության ամսաթվերը, ում կողմից է տրվել, հանրային ծառայության համարանիշը,

11) կրթությունը (ուսումնական հաստատության անվանումը, ուսման սկիզբը՝ առկայության դեպքում, ավարտը, ստացած մասնագիտությունը, որակավորումը կամ կրթական աստիճանը, դիպլոմի կամ վկայականի սերիան, համարը և տալու ամսաթիվը),

12) օտար լեզվի իմացությունը, տիրապետման աստիճանը,

13) համակարգչային գիտելիքների իմացությունը,

14) ընդհանուր աշխատանքային ստաժը, այդ թվում՝ համայնքային ծառայության ստաժը և մասնագիտական աշխատանքային ստաժը,

15) հաշվառման և բնակության վայրը (փոստային հասցեն), հեռախոսահամարները, էլեկտրոնային փոստի հասցեն,

16) ծանոթություն (լրացվում է ըստ անհրաժեշտության):

3. ԿԱԴՐԵՐԻ ՌԵԶԵՐՎՈՒՄ ԳՐԱՆՑԵԼԸ

8. Համայնքային ծառայողները կադրերի ռեզերվում գրանցվում են՝ համաձայն իրենց դիմումի (Ձև N 1):

9. Կադրերի ռեզերվում գրանցվելու համար «Համայնքային ծառայության մասին» Հայաստանի Հանրապետության օրենքի 21-րդ հոդվածում uահմանված հիմքերից որևէ մեկի ի հայտ գալուց հետո անձը 5 աշխատանքային oրվա ընթացքում համապատասխան համայնքի աշխատակազմ` (Երևանում` Երևանի քաղաքապետարանի աշխատակազմ) (այսուհետ` աշխատակազմ) ներկայացնում է կադրերի ռեզերվում գրանցվելու վերաբերյալ դիմում։

10. Դիմումին կից ներկայացվում են հետևյալ փաստաթղթերը՝

1) համայնքային ծառայողի դեպքում՝ անձնական թերթիկ,

2) անձը հաստատող փաստաթղթի, կրթությունը հավաuտող փաuտաթղթի և աշխատանքային գրքույկի պատճենները,

3) անձնական տվյալներ՝ հեռախոսահամար, փաստացի բնակության վայրի հասցեն, էլեկտրոնային փոստի հասցեն և այլն,

4) երկու լուuանկար:

11. Համապատասխան համայնքի աշխատակազմի քարտուղարը 10-րդ կետում նշված փաստաթղթերը ստանալուց հետո 10 աշխատանքային օրվա, իսկ Երևանի քաղաքապետարանի աշխատակազմի քարտուղարը 5 աշխատանքային օրվա ընթացքում դրանք ներկայացնում է Լիազոր մարմին։

12. Համայնքային ծառայության թափուր պաշտոն զբաղեցնելու համար անցկացված մրցույթում օրենքով սահմանված կարգով հաղթող ճանաչված, սակայն պաշտոնի չնշանակված անձանց դեպքում 10-րդ կետով նախատեսված փաստաթղթերի հետ միասին ներկայացնում է նաև համայնքային ծառայության թափուր պաշտոն զբաղեցնելու համար անցկացված մրցույթում հաղթող ճանաչված մասնակիցների վերաբերյալ մրցութային հանձնաժողովի եզրակացության պատճենը:

13. «Համայնքային ծառայության մասին» Հայաստանի Հանրապետության օրենքի 21-րդ հոդվածով սահմանված որևէ հիմքի առկայության դեպքում և սույն կարգի 11-րդ կետով սահմանված կարգով համապատասխան փաստաթղթերն Լիազոր մարմին մուտքագրվելուց հետո 5 աշխատանքային օրվա ընթացքում Լիազոր մարմնի գլխավոր քարտուղարը ընդունում է հրաման համայնքային ծառայողին կադրերի ռեզերվում գրանցելու վերաբերյալ:

14. Սույն կարգի 12-րդ կետում նշված հրամանն ընդունելուց հետո 3 աշխատանքային օրվա ընթացքում լրացվում է գրանցման թերթիկ (համաձայն Ձև 2-ի):

15. Գրանցման թերթիկը կազմվում է մեկ oրինակով, որը փոստով կամ առձեռն տրամադրվում է կադրերի ռեզերվում գրանցված անձին կամ ներկայացվում է այն համայնքի աշխատակազմ որտեղ ներկայացվել է կադրերի ռեզերվում գրանցվելու դիմում, իսկ պատճենը պահվում է Լիազոր մարմնի համապատասխան ստորաբաժանումում։

16. Կադրերի ռեզերվում գրանցված անձի վերաբերյալ տվյալները սույն կարգի 13-րդ կետում նշված հրամանի ընդունումից հետո 3 աշխատանքային օրվա ընթացքում ընդգրկվում են Լիազոր մարմնի էլեկտրոնային տեղեկատվական բազայում։

4. ԿԱԴՐԵՐԻ ՌԵԶԵՐՎԻՑ ՀԱՆԵԼԸ

17. Համայնքային ծառայողը կադրերի ռեզերվից հանվում է հետևյալ հիմքերի առկայության դեպքում՝

1) անձնական դիմումի հիման վրա.

2) սույն կարգի խախտմամբ կադրերի ռեզերվում գրանցվելը.

3) օրենքով սահմանված առավելագույն տարիքը լրանալու դեպքում.

4) կադրերի ռեզերվում միանգամյա գտնվելու առավելագույն ժամկետը լրանալու դեպքում.

5) ժամկետային աշխատանքային պայմանագիր կնքելը.

6) հանրային պաշտոն կամ հանրային ծառայության պաշտոն զբաղեցնելու կամ այլ աշխատանքի անցնելու դեպքում, որը համատեղելի չէ համայնքային ծառայության պաշտոնի հետ.

7) «Հանրային ծառայության մասին» Հայաստանի Հանրապետության օրենքով սահմանված անհամատեղելիության պահանջները չպահպանելու դեպքում․

8) Հայաստանի Հանրապետության քաղաքացիությունը դադարեցնելու կամ փախստականի կարգավիճակը կորցնելը` առանց Հայաստանի Հանրապետության քաղաքացիության ձեռքբերման դեպքում.

9) Կադրերի ռեզերվում գրանցված և նախապատվություն ստացած անձի 3 անգամ Հայաստանի Հանրապետության մարզերի համայնքների կամ Երևանի քաղաքապետարանի աշխատակազմ չներկայանալու կամ ներկայանալուց հետո 3 անգամ պայմանագիր չկնքելու դեպքում․

10) ուժի մեջ մտած՝ նրա նկատմամբ կայացված մեղադրական դատավճռի դեպքում, բացառությամբ այն դեպքերի, երբ որպես հիմնական պատիժ նշանակվել է տուգանք:

11) դատական կարգով անգործունակ կամ սահմանափակ գործունակ կամ անհայտ բացակայող ճանաչվելու դեպքում.

12) դատական կարգով քաղաքացիական ծառայության պաշտոն զբաղեցնելու իրավունքից զրկվելու դեպքում.

13) Կառավարության հաստատած հիվանդություններից որևէ մեկով հիվանդանալու դեպքում.

14) Կադրերի ռեզերվում գրանցված և նախապատվություն ստացած անձի 3 անգամ Հայաստանի Հանրապետության մարզերի համայնքների կամ Երևանի քաղաքապետարանի աշխատակազմ չներկայանալու կամ ներկայանալուց հետո 3 անգամ պայմանագիր չկնքելու դեպքում․

15) կադրերի ռեզերվում գրանցված անձի մահվան դեպքում:

18. Սույն կարգի 17-րդ կետով սահմանված հիմքերի ի հայտ գալուց և համապատասխան համայնքի աշխատակազմի կողմից Լիազոր մարմին ներկայացվելուց հետո 3 աշխատանքային օրվա ընթացքում Լիազոր մարմնի գլխավոր քարտուղարը ընդունում է հրաման` անձին կադրերի ռեզերվից հանելու մասին։

19. Կադրերի ռեզերվում ռեզերվից հանելու հրամանն ընդունելու օրվան հաջորդող աշխատանքային օրը ռեզերվից հանելու սահմանված հիմքը և համապատասխան հրամանի ամսաթիվը և համարը ընդգրկվում են Լիազոր մարմնի էլեկտրոնային տեղեկատվական բազայում։

Ձև N 1

 ---------------------------------------------------------

(Օրենքով սահմանված պաշտոնատար անձի)

պաշտոնը, անունը, ազգանունը)

-------------------------------------------------------------

(Կադրերում գրանցվող անձի

ծառայողի անունը, ազգանունը, հայրանունը)

Դիմում

Հարգելի՛ պարոն/ տիկին

Խնդրում եմ ներկայացնել կադրերի ռեզերվում գրանցելու մասին դիմումս Կառավարության լիազորած պետական կառավարման մարմին։

Հայտնում եմ, որ տեղեկացված եմ հանրային պաշտոն կամ հանրային ծառայության պաշտոն զբաղեցնելու կամ այլ աշխատանքի անցնելու դեպքում սահմանված կարգով ինձ ռեզերվից հանելու մասին դիմում ներկայացնելու վերաբերյալ։

Դիմող՝ (ստորագրություն, անուն, ազգանուն)

Ամսաթիվը, ամիսը, տարեթիվը

Ձև 2

ԳՐԱՆՑՄԱՆ ԹԵՐԹԻԿ № _____   (համայնքային ծառայության կադրերի ռեզերվի)   1. Ազգանունը, անունը, հայրանունը  ________________________________________________________   2. Ծննդյան տարին, ամիսը, ամսաթիվը ______________________________________________________   3. Անձը հաստատող փաստաթուղթ____________________________________________________________________________ (սերիան, համարը, ում կողմից է տրվել և տրման ամսաթիվը)   4. Հանրային ծառայության զբաղեցրած վերջին պաշտոնը_______________________________________________________________________________ (պաշտոնի անվանումը, ծածկագիրը)   5. Հանրային ծառայության դասային աստիճանը (կոչումը) ______ ______________________________   6. Կադրերի ռեզերվում գրանցելու հիմքը ____________________________________________________   7. Կադրերի ռեզերվում գրանցելու վերաբերյալ Կառավարության լիազորած պետական կառավարման մարմնի գլխավոր քարտուղարի հրամանի համարը և ամսաթիվը _______________________________________________________________________________________ _____________________________________________   8. Կադրերի ռեզերվում գրանցման ժամանակաշրջանը   "--------"--------------------- թ-ից մինչև "--------"----------------------------թ.    ……………………………….. Գլխավոր քարտուղար Կ. Տ.   --------------------------------- ստորագրությունը   "____"______________ 20 __թ.     Կադրերի ռեզերվում գրանցված տվյալ անձի գրանցման ժամանակաշրջանն ավարտվում է միանգամյա գտնվելու առավելագույն ժամկետից շուտ «Համայնքային ծառայության մասին» ՀՀ օրենքով սահմանված դեպքերում:

Պաշտոնական հրապարակման օրը՝ 28 նոյեմբերի 2025 թվական: