ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ

«26» նոյեմբերի 2025 թ. ք. Երևան

N 32-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐՈՒԹՅՈՒՆ ՀԱՄԱԿԱՐԳՈՂ ՆԱԽԱՐԱՐԻ 2006 ԹՎԱԿԱՆԻ N 11-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով, հիմք ընդունելով «Համայնքային ծառայության մասին» օրենքի 14-րդ հոդվածի 7-րդ մասը և 19-րդ հոդվածի 10-րդ մասի «բ» կետի 3-րդ պարբերությունը։

ՀՐԱՄԱՅՈՒՄ ԵՄ

1. Հայաստանի Հանրապետության տարածքային կառավարման նախարարություն համակարգող նախարարի 2006 թվականի «Համայնքային ծառայության թափուր պաշտոն զբաղեցնելու համար մրցույթ և համայնքային ծառայողների ատեստավորում անցկացնելու համար թեստեր կազմելու կարգը հաստատելու մասին» N 11-Ն հրամանում (այսուհետ՝ Հրաման) կատարել հետևյալ փոփոխությունները և լրացումները․

1) Հրամանի վերնագրից և Հրամանի հավելվածով հաստատված կարգի (այսուհետ՝ Կարգ) ամբողջ տեքստից հանել «hամայնքային ծառայության թափուր պաշտոն զբաղեցնելու համար մրցույթ և» բառերը։

2) Կարգի 2-րդ կետում «տարածքային կառավարման» բառերից հետո լրացնել «և ենթակառուցվածքների» բառերը։

3) Կարգի 4-րդ կետը շարադրել նոր խմբագրությամբ․

«4․ Համայնքային ծառայության յուրաքանչյուր պաշտոնի համար համայնքայյին ծառայության ատեստավորման անցկացման համար կազմված հարցաշարերն ընդգրկում են`

1) համայնքային ծառայության գլխավոր պաշտոնների խմբի համար` առնվազն 120 հարց (խնդիր).

բ) համայնքային ծառայության առաջատար պաշտոնների խմբի համար` առնվազն 90 հարց (խնդիր).

գ) համայնքային ծառայության կրտսեր պաշտոնների խմբի համար՝ առնվազն 60 հարց (խնդիր):»։

4) Կարգի 6-րդ և 14-րդ կետերից հանել «մրցույթի կամ» բառերը։

5) Կարգի 6-րդ և 8-րդ կետերում «Քաղաքապետարան (գյուղապետարան)» բառերը իր բոլոր հոլովաձևերով փոխարինել «համայնք» բառի համապատասխան հոլովաձևերով։

6) Կարգի 11-րդ կետը շարադրել նոր խմբագրությամբ․

«11․ Համայնքային ծառայողների ատեստավորման համար կազմված թեստերում ընդգրկվող հարցերի (խնդիրների) քանակը հետևյալն է`

1) համայնքային ծառայության գլխավոր պաշտոնների խմբի համար՝ 40 հարց (խնդիր).

2) համայնքային ծառայության առաջատար պաշտոնների խմբի համար՝ 30 հարց (խնդիր).

3) համայնքային ծառայության կրտսեր պաշտոնների խմբի համար՝ 20 հարց (խնդիր):»։

11․1 Թեստերում ընդգրկվում են սույն կարգի 5-րդ կետում նշված տոկոսային հարաբերակցությամբ բնագավառների հարցեր (խնդիրներ):

2․ Սույն հրամանն ուժի մեջ է մտնում պաշտոնական հրապարակմանը հաջորդող օրվանից։

Նախարար`   11/26/2025

Դ. Խուդաթյան

Պաշտոնական հրապարակման օրը՝ 28 նոյեմբերի 2025 թվական: