Ընդունված է 2015 թվականի նոյեմբերի 13-ին

«ՀԱՐԿԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Հարկերի մասին» Հայաստանի Հանրապետության 1997 թվականի ապրիլի 14-ի ՀՕ-107 օրենքի 26-րդ հոդվածի երկրորդ պարբերությունում՝

1) առաջին նախադասությունը «լիցենզավորման» բառից հետո լրացնել «կամ ծանուցման» բառերով, «գործունեությունն առանց լիցենզիայի» բառերից հետո՝ «կամ առանց ծանուցման» բառերով, և «տրման» բառից հետո՝ «կամ ծանուցվող գործունեության» բառերով.

2) երկրորդ նախադասությունը «կամ թույլտվության» բառերից հետո լրացնել «կամ ծանուցման» բառերով, «լիցենզիայի տրման» բառերից հետո՝ «կամ ծանուցման ենթակա գործունեությամբ զբաղվելու իրավունք ձեռք բերելու» բառերով:

Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը։

Հայաստանի Հանրապետության Նախագահ	Ս. Սարգսյան
2015 թ. նոյեմբերի 24 Երևան ՀՕ-127-Ն