«ԳՅՈՒՂԱՏՆՏԵՍԱԿԱՆ ԿԵՆԴԱՆԻՆԵՐԻ ՀԱՇՎԱՌՄԱՆ ՀԱՆՐԱԳՈՒՄԱՐՆԵՐԸ» ՁԵՎ 6-ԳՏՀ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2008 ԹՎԱԿԱՆԻ ԴԵԿՏԵՄԲԵՐԻ 24-Ի ԹԻՎ 24-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Գյուղատնտեսական կենդանիների հաշվառման հանրագումարները» Ձև 6-ԳՏՀ (տարեկան) վիճակագրական ամփոփ հաշվետվության ձևը՝ համաձայն հավելված 1-ի:

2. Հաստատել «Գյուղատնտեսական կենդանիների հաշվառման հանրագումարները» Ձև 6-ԳՏՀ (տարեկան) վիճակագրական ամփոփ հաշվետվության լրացման հրահանգը՝ համաձայն հավելված 2-ի:

(2-րդ կետը փոփ. 01.11.23 թիվ 28-Ն)

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2008 թվականի դեկտեմբերի 24-ի ««Անասունների հաշվառման հանրագումարների մասին» Ձև թիվ 6-ԳՏՀ (տարեկան)» պետական վիճակագրական ամփոփ հաշվետվության ձևը և լրացման հրահանգը հաստատելու և մասին» թիվ 24-Ն որոշումը:

4. Սույն որոշումն ուժի մեջ է մտնում 2019 թվականի հուլիսի 1-ից:

Նախագահ`

Ս. Մնացականյան

Հավելված 1 Հայաստանի Հանրապետության վիճակագրության պետական  խորհրդի 2019 թվականի մարտի 20-ի թիվ 22-Ն որոշման

Բաժին 1. Գյուղատնտեսական կենդանիների հաշվառման հանրագումարները

Ցուցանիշի անվանումը	Տողի ծածկա-գիրը	Չափման միավորը	Ընդամենը
Ա	Բ	Գ	1
Տնտեսությունների թիվը` կենդանի ունեցող և չունեցող, ընդամենը, որից՝	100	միավոր
բացակայող տնտեսությունների թիվը	100.1	միավոր
Խոշոր եղջերավոր կենդանիներ, ընդամենը, որից`	105	գլուխ
կովեր	105.1	գլուխ
արտադրող ցուլեր	105.2	գլուխ
բանող եզներ	105.3	գլուխ
երինջներ 1-ից մինչև 2 տարեկան	105.4	գլուխ
երինջներ 2 տարեկանից բարձր	105.5	գլուխ
չսերմնավորված էգ մոզիներ 2 տարեկանից բարձր	105.6	գլուխ
Խոզեր, ընդամենը, որից`	110	գլուխ
մայր խոզեր հիմնական հոտի	110.1	գլուխ
էգ խոզեր կազմալրման համար` 4 -12 ամսական	110.2	գլուխ
Ոչխարներ բոլոր ցեղերի, ընդամենը, որից`	115	գլուխ
մաքիներ	115.1	գլուխ
շիշակներ	115.2	գլուխ
Այծեր, ընդամենը, որից`	120	գլուխ
մայր այծեր	120.1	գլուխ
Ձիեր, ընդամենը, որից`	125	գլուխ
զամբիկներ 3 տարեկան և ավելի	125.1	գլուխ
Ճագարներ, ընդամենը, որից`	130	գլուխ
մայր ճագարներ	130.1	գլուխ
Թռչուններ, ընդամենը, որից`	135	գլուխ
ածան հավեր	135.1	գլուխ
բրոյլեր հավեր	135.2	գլուխ
հնդկահավեր	135.3	գլուխ
սագեր	135.4	գլուխ
Մորթատու գազաններ, որից`	140	գլուխ
մայրեր	140.1	գլուխ
Մեղվաընտանիքներ	145	հատ
Ավանակներ	150	գլուխ
Ջորիներ	155	գլուխ
Գոմեշներ	160	գլուխ

Ղեկավար՝	__________________			__________________
	(Ազգանուն, անուն)			(Ստորագրություն)
Լրացնող (լիազորված անձ)՝		__________________		__________________
	(Ազգանուն, անուն)			(Ստորագրություն)
				« _ _ »__________20___թ.

(հավելվածը խմբ. 01.11.23 թիվ 28-Ն, 03.11.25 թիվ 17-Ն)

Հավելված 2 Հայաստանի Հանրապետության վիճակագրության պետական  խորհրդի 2019 թվականի մարտի 20-ի թիվ 22-Ն որոշման

Հ Ր Ա Հ Ա Ն Գ

«ԳՅՈՒՂԱՏՆՏԵՍԱԿԱՆ ԿԵՆԴԱՆԻՆԵՐԻ ՀԱՇՎԱՌՄԱՆ ՀԱՆՐԱԳՈՒՄԱՐՆԵՐԸ» ՁԵՎ 6-ԳՏՀ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

(վերնագիրը խմբ. 01.11.23 թիվ 28-Ն)

1. ԸՆԴՀԱՆՈՒՐ ԴՐՈՒՅԹՆԵՐ

 1. Սույն հրահանգը կարգավորում է «Գյուղատնտեսական կենդանիների հաշվառման հանրագումարները» Ձև 6-ԳՏՀ (տարեկան) վիճակագրական ամփոփ հաշվետվության (այսուհետ` Հաշվետվություն) լրացման կարգի հետ կապված հարաբերությունները:

 2. Հաշվետվությունը ներկայացնում են համայնքապետարանները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

 3. Հաշվետվությունը ներկայացվում է Հայաստանի Հանրապետության վիճակագրական կոմիտե՝ Հաշվետվության ձևի վրա նշված ժամկետներում և պարբերականությամբ՝ հունվարի 1-ի դրությամբ հանրապետությունում յուրաքանչյուր տարի անցկացվող գյուղատնտեսական կենդանիների համատարած հաշվառման (գյուղատնտեսական կենդանիների համատարած հաշվառումը հանրապետությունում յուրաքանչյուր տարի անց է կացվում հունվարի 1-ի դրությամբ հանրապետության բոլոր համայնքներում, գյուղական վայրերում` բոլոր, իսկ քաղաքային վայրերում` միայն կենդանի ունեցող տնտեսություններում) արդյունքների հիման վրա:

 4. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԼՐԱՑՄԱՆ ԿԱՐԳԸ

 5. «105» ծածկագրով տողում լրացվում է բոլոր տեսակի և հասակի խոշոր եղջերավոր կենդանիների, իսկ «105.1-105.6» ծածկագրերով տողերում` ըստ առանձնացված սեռահասակային խմբերի գլխաքանակը:

6. «105.2» ծածկագրով տողում լրացվում է վերարտադրման համար օգտագործվող արու կենդանիների գլխաքանակը:

7. «105.3» ծածկագրով տողում լրացվում է տարբեր գյուղատնտեսական աշխատանքների համար օգտագործվող եզների գլխաքանակը:

8. «105.4» ծածկագրով տողում լրացվում է 1-ից 2 տարեկան դեռ չծնած, էգ խոշոր եղջերավոր կենդանիների գլխաքանակը:

9. «105.5» ծածկագրով տողում լրացվում է 2 տարեկանից բարձր դեռ չծնած, էգ խոշոր եղջերավոր կենդանիների գլխաքանակը:

10. «110» ծածկագրով տողում լրացվում է խոզերի գլխաքանակը:

11. «110.1» ծածկագրով տողում լրացվում է հիմնական և ստուգված խոզամայրերի գլխաքանակը:

12. «110.2» ծածկագրով տողում լրացվում է հիմնական մայրական խմբին դեռ չդասվող էգ աճեցվող մատղաշների գլխաքանակը:

13. «115» ծածկագրով տողում լրացվում է բոլոր ցեղերի ոչխարների գլխաքանակը:

14. «115.1» ծածկագրով տողում լրացվում է նրբագեղմ, կիսանրբագեղմ, կիսակոպտաբուրդ և կոպտաբուրդ ցեղերի մաքիների գլխաքանակը:

15. «115.2» ծածկագրով տողում լրացվում է 1 տարեկանից բարձր նրբագեղմ, կիսանրբագեղմ, կիսակոպտաբուրդ և կոպտաբուրդ ցեղերի շիշակների գլխաքանակը:

16. «120», «125», «130» և «140» ծածկագրերով տողերում լրացվում է համապատասխանաբար՝ այծերի, ձիերի, ճագարների և մորթատու գազանների (անկախ սեռահասակային խմբից) գլխաքանակը, իսկ «120.1», «125.1», «130.1» և «140.1» ծածկագրերով տողերում համապատասխանաբար՝ այծերի, ձիերի, ճագարների և մորթատու գազանների մայրական կազմի գլխաքանակը:

17. «135» ծածկագրով տողում լրացվում է բոլոր տեսակի և հասակի թռչունների գլխաքանակը (հավեր, աքլորներ, հնդկահավեր, բադեր, սագեր և այլն), «135.1» ծածկագրով տողում` ածան հավերի գլխաքանակը, «135.2» ծածկագրով տողում` բրոյլեր հավերի գլխաքանակը, «135.3» ծածկագրով տողում` հնդկահավերի գլխաքանակը, «135.4» ծածկագրով տողում` սագերի գլխաքանակը:

18. «145» ծածկագրով տողում լրացվում է բոլոր մեղվաընտանիքների (փեթակների) թիվը, «150», «155» և «160» ծածկագրերով տողերում լրացվում է համապատասխանաբար՝ ավանակների, ջորիների և գոմեշների (անկախ սեռահասակային խմբից) գլխաքանակը:

(հավելվածը խմբ. 01.11.23 թիվ 28-Ն, 03.11.25 թիվ 17-Ն)