ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ընդունված է 2025 թվականի հոկտեմբերի 2-ին

«ՌԱԶՄԱԿԱՆ ՈՍՏԻԿԱՆՈՒԹՅԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Ռազմական ոստիկանության մասին» 2006 թվականի դեկտեմբերի 21-ի ՀՕ-13-Ն օրենքի (այսուհետ՝ Օրենք) 4-րդ հոդվածի 1-ին մասում՝

1) 2-րդ կետը «խափանումը» բառից հետո լրացնել «, ինչպես նաև հայտնաբերումը և բացահայտումը» բառերով.

2) 3-րդ կետը «պահպանությունը» բառից հետո լրացնել «և այդ գույքի դեմ ուղղված հակաիրավական գործողությունների հայտնաբերումը, խափանումը և բացահայտումը» բառերով.

3) լրացնել հետևյալ բովանդակությամբ 6-րդ կետով.

«6) աջակցություն զինվորական կոմիսարիատներին զինապարտ քաղաքացիներին զինվորական հաշվառման վերցնելու, պարտադիր զինվորական ծառայության կամ զորահավաքային զինվորական ծառայության զորակոչելու կամ պահեստազորային պատրաստության միջոցառումներին ներգրավելու գործընթացում:»:

Հոդված 2. Օրենքի 8-րդ հոդվածի վերնագիրը և 1-ին մասը «խափանելիս» բառից հետո լրացնել «, ինչպես նաև կատարված հանցագործությունները հայտնաբերելիս և բացահայտելիս» բառերով:

Հոդված 3. Օրենքի 11.1-ին հոդվածը լրացնել հետևյալ բովանդակությամբ 1.1-ին մասով.

«1.1. Ռազմական ոստիկանությունը քրեական վարույթ իրականացնող մարմինների գրավոր պահանջի հիման վրա ապահովում է վարույթի շրջանակներում անցնող տարբեր դատավարական կարգավիճակ ունեցող (ձերբակալված կամ կալանավորված) պարտադիր ժամկետային և այլ զինծառայողների տեղափոխումը և ուղեկցումը վարույթն իրականացնող մարմնի պահանջով մատնանշված վայրեր և կազմակերպություններ՝ անհրաժեշտ քննչական և դատավարական գործողություններին մասնակցելու համար:»:

Հոդված 4.

1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

2. Սույն օրենքից բխող ենթաօրենսդրական նորմատիվ իրավական ակտերում անհրաժեշտ փոփոխությունները և լրացումներն ընդունվում են սույն օրենքն ուժի մեջ մտնելուց հետո՝ 90 օրացուցային օրվա ընթացքում:

Հանրապետության նախագահ	Վ. Խաչատուրյան
2025 թ. հոկտեմբերի 20 Երևան ՀՕ-311-Ն

Պաշտոնական հրապարակման օրը՝ 20 հոկտեմբերի 2025 թվական: