ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ՀԱՆՁՆԱԺՈՂՈՎ

Հիմք ընդունելով «Զանգվածային լրատվության մասին» օրենքի 6-րդ հոդվածի 1-ին մասի 3-րդ պարբերության և «Տեսալսողական մեդիայի մասին» օրենքի 32-րդ հոդվածի 7-րդ մասի դրույթները և ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Հեռուստատեսության և ռադիոյի հանձնաժողովը որոշում է.

1. Հեռուստատեսության և ռադիոյի ազգային հանձնաժողովի 2004 թվականի մայիսի 6-ի «Հեռուստատեսության և ռադիոյի ազգային հանձնաժողովում լրագրողների հավատարմագրման կարգը հաստատելու մասին» թիվ 8-Ն որոշման (այսուհետ՝ Որոշում) և որոշմամբ հաստատված հավելվածի (այսուհետ՝ Հավելված) մեջ կատարել հետևյալ փոփոխությունները և լրացումները․

1) Որոշման և Հավելվածի ամբողջ տեքստում՝ «Հեռուստատեսության և ռադիոյի ազգային հանձնաժողով» բառերը՝ իր հոլովաձևերով փոխարինել «Հեռուստատեսության և ռադիոյի հանձնաժողով» բառերով՝ համապատասխան հոլովաձևերով։

2) Հավելվածի 3-րդ կետի վերջին նախադասությունը հանել։

3) Հավելվածի 4-րդ կետում «երկու» բառը փոխարինել «վեց» բառով, «էլեկտրոնային էջում» բառերը ՝«պաշտոնական կայքէջում» բառերով և «յուրաքանչյուր վեց ամիսը» բառերը փոխարինել «տարին» բառով։

4) Հավելվածի 5-րդ կետում «Հանձնաժողովի նախագահի նշանակած անձը» բառերը փոխարինել «Հանձնաժողովի միջազգային կապերի, հասարակայնության հետ կապերի և զարգացման ծրագրերի բաժինը» բառերով։

5) Հավելվածի 6-րդ կետի

ա․ 1-ին նախադասությունում «գրավոր դիմում է ներկայացնում Հանձնաժողով՝» բառերը փոխարինել «հայտ է ներկայացնում Հանձնաժողովի պաշտոնական կայքէջում (այսուհետ՝ հայտ)՝ լրացնելով լրագրողների հավատարմագրում դաշտը՝» բառերով։

բ․ Հավելվածի 6-րդ կետի «դ» ենթակետում «հասցեները» բառից հետո լրացնել «(ինչպես նաև պաշտոնական կայքէջի և սոցիալական ցանցերի հասցեները)» բառերը և հանել «ու հեռապատճենների համարները (եթե այդպիսիք առկա են)» բառերը։

6) Հավելվածի 7-րդ կետը ուժը կորցրած ճանաչել։

7) Հավելվածի 8-րդ կետը շարադրել հետևյալ խմբագրությամբ՝

«8․Հավատարմագրումն իրականացվում է մեկ տարի ժամկետով։»

8) Հավելվածի 10-րդ կետում «դիմումն» բառը փոխարինել «հայտը» բառերով (համապատասխան հոլովաձևերով), իսկ «հնգօրյա» բառը փոխարինել «տասնօրյա» բառով։

9) Հավելվածի 11-րդ կետում «դիմումը» բառը փոխարինել «հայտը» բառերով։

10) Հավելվածի 12-րդ կետը շարադրել հետևյալ խմբագրությամբ՝

«12․ Հավատարմագրված լրագրողների ցուցակը հանձնվում է Հանձնաժողովի անցագրային կետ։»

11) Հավելվածի 13-րդ կետից հանել «Լրագրողի հավատարմագրման դադարեցումն իրականացվում է լրագրողների հավատարմագրման մատյանում համապատասխան գրառում կատարելու միջոցով։» նախադասությունը, իսկ «մեկօրյա» բառը փոխարինել «եռօրյա» բառով։

12) Հավելվածի 14-րդ կետի 1-ին նախադասության «դիմումին» բառը փոխարինել «հայտին» բառերով և 14-րդ կետի 3-րդ պարբերության «դիմումը» բառը փոխարինել «հայտը» բառերով։

Հեռուստատեսության և ռադիոյի հանձնաժողովի նախագահ	Տ. Հակոբյան
2025 թ. սեպտեմբերի 26 ք. Երևան

Պաշտոնական հրապարակման օրը՝ 2 հոկտեմբերի 2025 թվական: