ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐ

«22» ՍԵՊՏԵՄԲԵՐԻ 2025 թ. քաղ. Երևան

N 615-Ն

Հ Ր Ա Մ Ա Ն

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով.

ՀՐԱՄԱՅՈՒՄ ԵՄ՝

1. Հայաստանի Հանրապետության արդարադատության նախարարի 2011 թվականի նոյեմբերի 21-ի «Հայաստանի Հանրապետության արդարադատության նախարարության քրեակատարողական ծառայության պահպանության ապահովման կառուցվածքային ստորաբաժանումների գործունեության կարգերը հաստատելու մասին» N 195-Ն հրամանով հաստատված հավելվածում (այսուհետ՝ Հավելված)՝ կատարել հետևյալ փոփոխությունները և լրացումները․

1) Հավելվածում «Վարչություն» բառը և դրա հոլովաձևերը փոխարինել «Ծառայություն» բառով և դրա հոլովաձևերով:

2) Հավելվածի՝

ա. 9-րդ կետի 3-րդ ենթակետից հետո լրացնել հետևյալ բովանդակությամբ նոր՝ 4-րդ ենթակետ․

«4) ապահովել կալանավորված անձանց և ազատությունից զրկելու հետ կապված պատժի դատապարտված անձանց պահպանությունը և հսկողությունը։»․

բ. 34-րդ կետի առաջին նախադասությունը շարադրել հետևյալ խմբագրությամբ․

«34. Հերթափոխային ծառայությունն իրականացվում է տասներկուժամյա կամ շուրջօրյա աշխատանքային ռեժիմով՝ պահպանությունն ապահովող համապատասխան հերթապահ խմբերով։»․

գ. 100-րդ կետը շարադրել հետևյալ խմբագրությամբ՝

«100․ Քաղաքացիական առողջապահական հաստատությունում նշանակված պահակետում ծառայության են նշանակվում առնվազն երկու կրտսեր խմբի ծառայողներ` մեկ կալանավորված անձի կամ դատապարտյալի հաշվարկով` յուրաքանչյուր հերթափոխից՝ բացառությամբ այն քաղաքացիական առողջապահական հաստատությունների, որտեղ առկա են պահպանության հատուկ առանձնացված և հարմարեցված մասնաշենքեր (այսուհետ՝ Հատուկ առանձնացված մասնաշենք), որոնց արտաքին պահպանությունը մշտական իրականացվում է օրենսդրությամբ լիազորված զինված ստորաբաժանման կողմից։ Այդ դեպքում պահախմբում քրեակատարողական ծառայողների թվաքանակը որոշում է պահպանության ապահովումն իրականացնող ստորաբաժանման ղեկավարը։»․

դ. 102-րդ կետը լրացնել հետևյալ բովանդակությամբ` նոր նախադասությամբ.

«Հատուկ առանձնացված մասնաշենքում անհրաժեշտ զենք-զինամթերքի, ինքնապաշտպանական և հատուկ միջոցների առկայությունը, տեսակը կամ քանակը որոշում է պահպանության ապահովումն իրականացնող ստորաբաժանման ղեկավարը։»․

ե. 103-րդ կետը լրացնել հետևյալ բովանդակությամբ՝ նոր նախադասությամբ.

«Հատուկ առանձնացված մասնաշենքում ծառայությունը կարող է իրականացվել առանց ծառայողի՝ հիվանդասենյակում կամ հիվանդասենյակի առանձնացված հատվածում գտնվելու»․

զ. 106-րդ կետը լրացնել հետևյալ բովանդակությամբ՝ նոր նախադասությամբ.

«Հատուկ առանձնացված մասնաշենքում ծառայությունը կարող է իրականացվել առանց զենք-զինամթերքի, անհրաժեշտ ինքնապաշտպանական և հատուկ միջոցների։»․

է. 107-րդ կետը լրացնել հետևյալ բովանդակությամբ՝ նոր նախադասությամբ.

«Հատուկ առանձնացված մասնաշենքում ծառայությունը կարող է իրականացվել առանց զենքի։»:

3) Հավելվածի 107-րդ կետից հետո լրացնել հետևյալ բովանդակությամբ նոր՝ 107․1-ին կետ․

«107․1․ Հատուկ առանձնացված մասնաշենքում կալանավորված անձանց և դատապարտյալների ստացիոնար բուժման ընդունման, նրանց հեռախոսազանգերի, տեսազանգերի կամ տեսակցությունների տրամադրման, հանձնուքների ստացման, ինչպես նաև դուրս գրման վերաբերյալ տեղեկատվությունը ամփոփվում է օրվա հերթափոխի կողմից լրացվող ամփոփագրում (Ձև 15)։»։

 «Ձև 15

ԱՄՓՈՓԱԳԻՐ

Կալանավորված անձանց և դատապարտյալների «Հոգեկան առողջության պահպանման ազգային կենտրոնում» ընդունված և դուրս գրված կալանավորված անձանց և դատապարտյալների հաշվառման

Պահախմբի պետ, պահախմբի պետի օգնական

_______________________________________________________________________________________

Պահակետը ընդունեց «    » ____ 20.... թ. Ժամը ________

Բուժկենտրոն մուտք և ելք եղած կալանավորված անձանց և դատապարտյալների թվաքանակը, հեռախոսազանգ,տեսազանգ, տեսակցություն,
հ․հ	ժամ	մուտք բուժկենտրոն անձի Ա.Ա․Հ.	ժամ	ելք բուժկենտրոնից անձի Ա.Ա.Հ.	հեռախոսազանգ, տեսազանգ ժամ	տեսակցություն, այցելություն, ժամ
1
2
3
4
5
6
7
8
9
10
11
12
13
14
15

Պահակետը հանձնեց ____________________________________________________________________

«    » ___20 թ. ժամը _______ »։

2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

Ս. ԳԱԼՅԱՆ

Պաշտոնական հրապարակման օրը՝ 24 սեպտեմբերի 2025 թվական: