ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 սեպտեմբերի 1994 թ. N 467

Քաղ. Երևան

ՍԵՓԱԿԱՆԱՇՆՈՐՀՄԱՆ ՍԵՐՏԻՖԻԿԱՏԻ ԱՆՎԱՆԱԿԱՆ ԱՐԺԵՔԻ ՀԱՅՏԱՐԱՐՄԱՆ ՄԱՍԻՆ

Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1994 թվականի ծրագրի կատարումն ապահովելու նպատակով Հայաստանի Հանրապետության կառավարությունը որոշում է.

1. 1994 թվականի սեփականաշնորհման սերտիֆիկատի անվանական արժեքը հայտարարել 10.000 (տասը հազար) դրամ:

2. Սահմանել, որ 1994 թվականի սեփականաշնորհման սերտիֆիկատի հայտարարված արժեքը մնում է գործողության մեջ մինչև սահմանված կարգով Հայաստանի Հանրապետության կառավարության կողմից սեփականաշնորհման սերտիֆիկատի նոր անվանական արժեքի հայտարարումը:

3. Հայաստանի Հանրապետության ֆինանսների նախարարությանը` Հայաստանի Հանրապետության էկոնոմիկայի նախարարության հետ համատեղ մեկշաբաթյա ժամկետում Հայաստանի Հանրապետության կառավարություն ներկայացնել հիմնական ֆոնդերի վերագնահատման վերաբերյալ սույն որոշումից բխող առաջարկություններ:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏյան

ՀԱՅԱՍՏԱՆի հանրապետության կԱՌԱՎԱՐՈՒԹյԱՆ ԳՈՐԾԵՐԻ ԿԱՌԱՎԱՐիչ

Ս. ՄԱՆԱՍԱՐՅԱՆ