ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 570-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏԻ 2023 ԹՎԱԿԱՆԻ ՄԱՐՏԻ 21-Ի N 219-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՆՈՒՅՆ ՈՐՈՇՄԱՄԲ ՀԱՍՏԱՏՎԱԾ ԾՐԱԳՐԻ ՇՐՋԱՆԱԿՆԵՐՈՒՄ ԱՎՏՈՄԵՔԵՆԱՅԻ ՆԵՐՄՈՒԾՄԱՆ ՄԱՍԻՆ

Համաձայն «Նորմատիվ իրավական ակտերի մասին» օրենքի 34-րդ հոդվածի 1-ին մասի և հիմք ընդունելով «Բարեգործության մասին» օրենքի 13-րդ հոդվածի 2-րդ մասի 3-րդ կետը՝

1. Հայաստանի Հանրապետության փոխվարչապետի 2023 թվականի մարտի 21-ի «Վայրի բնության և մշակութային արժեքների պահպանման հիմնադրամի կողմից իրականացվող «Կենսաբազմազանության պահպանության և բնապահպանական կրթության ազգային կենտրոն» ծրագրի մասին» N 219-Ա որոշման հավելվածում կատարել հետևյալ փոփոխությունները՝

1) 9-րդ և 10-րդ կետերի 13-րդ ենթակետերում «455,719,000» թիվը փոխարինել «450,719,000» թվով.

2) 9-րդ և 10-րդ կետերի 13-րդ ենթակետերի «ե.» պարբերություններում «mercedes sprinter» բառերը փոխարինել «Toyota Hiace Commuter» բառերով.

3) 9-րդ և 10-րդ կետերի 18-րդ ենթակետերում «45,000,000» թիվը փոխարինել «50,000,000» թվով.

4) 10-րդ կետի 13-րդ ենթակետի «ե.» պարբերությունում «19,000,000» թիվը փոխարինել «14,000,000» թվով.

5) 10-րդ կետի 18-րդ ենթակետի «բ.» պարբերությունում «20,000,000» թիվը փոխարինել «25,000,000» թվով:

2. Սահմանել, որ Վայրի բնության և մշակութային արժեքների պահպանման հիմնադրամի կողմից ձեռք բերված 2025 թվականի արտադրության Toyota Hiace Commuter մակնիշի ավտոմեքենան (նույնականացման համարը՝ JTGHN9CP3S6029710, 33,000 եվրոյին համարժեք դրամ արժողությամբ, փոխադրման ծախսերը կազմել են 1,100 ԱՄՆ-ի դոլար, մաքսային ձևակերպումները կատարվելու են Արտաքին տնտեսական գործունեության մաքսային սպասարկման և հսկողության վարչությունում) ներմուծվում է Հայաստանի Հանրապետության փոխվարչապետի 2023 թվականի մարտի 21-ի N 219-Ա որոշմամբ հաստատված ծրագրի շրջանակներում: