ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

29 նոյեմբերի 2024 թվականի

թիվ 107

քաղ. Մոսկվա

ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ՈՐՈՇ ՈՐՈՇՈՒՄՆԵՐՈՒՄ ԽՈՇՈՐ ԵՂՋԵՐԱՎՈՐ ԱՆԱՍՈՒՆՆԵՐԻ ՄՍԻ ԱՌԱՆՁԻՆ ՏԵՍԱԿՆԵՐԻ ՄԱՍՈՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 43-րդ և 45-րդ հոդվածներին, «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 16-րդ կետին, Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 7-րդ և 16-րդ կետերին համապատասխան՝ Եվրասիական տնտեսական հանձնաժողովի խորհուրդը որոշեց.

1. Մաքսային միության հանձնաժողովի 2009 թվականի նոյեմբերի 27-ի «Եվրասիական տնտեսական միության միասնական մաքսասակագնային կարգավորման մասին» թիվ 130 որոշման 7-րդ կետը լրացնել հետևյալ բովանդակությամբ 7.1.75 ենթակետով.

«7.1.75. Խոշոր եղջերավոր անասունների միս, որը նախատեսված է մսամթերքի արտադրության մեջ օգտագործելու համար.

թարմ կամ պաղեցրած՝ ԵԱՏՄ ԱՏԳ ԱԱ 0201 10 000 8, 0201 20 200 8, 0201 20 300 8, 0201 20 500 8, 0201 20 900 8 և 0201 30 000 8 ծածկագրերով դասակարգվող, և սառեցրած՝ ԵԱՏՄ ԱՏԳ ԱԱ 0202 10 000 8, 0202 20 100 8, 0202 20 300 8, 0202 20 500 8, 0202 20 900 8, 0202 30 100 8, 0202 30 500 8 և 0202 30 900 8 ծածկագրերով դասակարգվող, որը ներմուծվում է Բելառուսի Հանրապետություն ոչ ավելի, քան 7,5 հազար տոննա ծավալով.

սառեցրած, որի նկատմամբ կիրառվում է սակագնային արտոնություն՝ Եվրասիական տնտեսական հանձնաժողովի կոլեգիայի 2024 թվականի օգոստոսի 20-ի թիվ 99 որոշմանը համապատասխան՝

ԵԱՏՄ ԱՏԳ ԱԱ 0202 10 000 1, 0202 20 100 1, 0202 20 300 1, 0202 20 500 1, 0202 20 900 1, 0202 30 100 4, 0202 30 500 4 և 0202 30 900 4 ծածկագրերով դասակարգվող և Հայաստանի Հանրապետություն ոչ ավելի, քան 9 հազար տոննա ծավալով և Ղրղզստանի Հանրապետություն ոչ ավելի, քան 2,5 հազար տոննա ծավալով ներմուծվող․

ԵԱՏՄ ԱՏԳ ԱԱ 0202 30 100 4, 0202 30 500 4 և 0202 30 900 4 ծածկագրերով դասակարգվող ու Ռուսաստանի Դաշնություն ոչ ավելի, քան 100 հազար տոննա ծավալով ներմուծվող:

Նշված սակագնային արտոնությունը տրամադրվում է ներմուծվող ապրանքները սույն ենթակետում նշված ապրանքներին դասելու մասին հաստատման առկայության դեպքում, որը տրված է համապատասխանաբար Հայաստանի Հանրապետության, Բելառուսի Հանրապետության, Ղրղզստանի Հանրապետության կամ Ռուսաստանի Դաշնության լիազորված մարմնի կողմից և պարունակում է տեղեկություններ խոշոր եղջերավոր անասունի միս ներմուծող կազմակերպությունների, այդ ապրանքի անվանացանկի և քանակի վերաբերյալ:

«Բացթողում՝ ներքին սպառման համար» մաքսային ընթացակարգով ձևակերպված ապրանքների իրացումը (վաճառքը) նշված սակագնային արտոնության կիրառմամբ թույլատրվում է միայն մսամթերքի արտադրության համար և Հայաստանի Հանրապետությունում, Բելառուսի Հանրապետությունում, Ղրղզստանի Հանրապետությունում կամ Ռուսաստանի Դաշնությունում գրանցված և մսամթերք արտադրող անձանց, որոնց կատեգորիային դասելու չափանիշները կամ մսամթերք արտադրողների (այսուհետ՝ մսի վերամշակման ձեռնարկություններ) ցանկը կարող է սահմանվել Հայաստանի Հանրապետության, Բելառուսի Հանրապետության, Ղրղզստանի Հանրապետության կամ Ռուսաստանի Դաշնության օրենսդրությամբ:

Նշված սակագնային արտոնության կիրառմամբ «բացթողում՝ ներքին սպառման համար» մաքսային ընթացակարգով ձևակերպված ապրանքների օգտագործման և (կամ) տնօրինման սահմանափակումները գործում են՝

մսամթերքի վերամշակման ձեռնարկությունների կողմից տվյալ ապրանքներն այդ մաքսային ընթացակարգով ձևակերպվելիս՝ մինչև ապրանքները ձեռնարկության պահեստ մուտք գործելու պահը, սակայն այդ ապրանքների բացթողման օրվանից 1 տարուց ոչ ավելի՝ «բացթողում՝ ներքին սպառման համար» մաքսային ընթացակարգին համապատասխան․

մսամթերքի վերամշակման ձեռնարկություններ չհանդիսացող անձանց կողմից տվյալ ապրանքներն այդ մաքսային ընթացակարգով ձևակերպվելիս՝ մինչև ապրանքները մսամթերքի վերամշակման ձեռնարկություններին իրացնելու (վաճառելու) պահը, սակայն այդ ապրանքների բացթողման օրվանից 1 տարուց ոչ ավելի՝ «բացթողում՝ ներքին սպառման համար» մաքսային ընթացակարգին համապատասխան։

Մսամթերքի վերամշակման ձեռնարկության պահեստ ապրանքների մուտք գործելը կամ մսամթերքի վերամշակման ձեռնարկությանն այդ ապրանքների իրացումը (վաճառքը) հաստատող փաստաթուղթն այդ ապրանքների ընդունման կամ ընդունման-հանձնման ակտն է կամ դրա պատճենը:

Հայաստանի Հանրապետության, Բելառուսի Հանրապետության, Ղրղզստանի Հանրապետության և Ռուսաստանի Դաշնության կառավարությունները ձեռնարկում են անհրաժեշտ միջոցներ իրենց տարածքից այն պատրաստի մսամթերքի արտահանումը թույլ չտալու ուղղությամբ, որն արտադրվել է այլ անդամ պետությունների տարածքում նշված սակագնային արտոնության կիրառմամբ «բացթողում՝ ներքին սպառման համար» մաքսային ընթացակարգով ձևակերպված ապրանքների օգտագործմամբ։

Սույն ենթակետով նախատեսված սակագնային արտոնությունը տրամադրվում է «բացթողում՝ ներքին սպառման համար» մաքսային ընթացակարգով ձևակերպվող (ձևակերպված) ապրանքների համար, որոնց վերաբերյալ ապրանքների հայտարարագիրը, իսկ մինչև ապրանքների հայտարարագիր ներկայացնելն ապրանքների բացթողման դեպքում՝ մինչև ապրանքների հայտարարագիր ներկայացնելը ապրանքների բացթողման մասին դիմումը գրանցվել են Հայաստանի Հանրապետության, Բելառուսի Հանրապետության, Ղրղզստանի Հանրապետության կամ Ռուսաստանի Դաշնության մաքսային մարմնի կողմից 2025 թվականի հունվարի 1-ից մինչև 2025 թվականի դեկտեմբերի 31-ը ներառյալ։»։

2. Մաքսային միության հանձնաժողովի 2011 թվականի հուլիսի 15-ի թիվ 728 որոշմամբ հաստատված՝ Մաքսային միության միասնական մաքսային տարածք ապրանքների առանձին կատեգորիաների ներմուծման ժամանակ մաքսատուրքերի վճարումից ազատում կիրառելու կարգի 15-րդ կետում «7.1.74» թվերը փոխարինել «7.1.75» թվերով:

3. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո, սակայն 2025 թվականի հունվարի 1-ից ոչ շուտ։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ս. Ժումանգարին	Ա. Կասիմալիև	Ա. Օվերչուկ

Պաշտոնական հրապարակման օրը՝ 29 օգոստոսի 2025 թվական: