Basic information
Number
N 96
Type
Որոշում
Act type
Ինկորպորացիա (22.07.1992-մինչ օրս)
Source
ՀՀԿՈ 1992/2-3, փետրվար, մարտ 1992 Հոդ. 16
Enactment organisation
ՀՀ կառավարություն
Enactment date
10.02.1992
Signing organisation
ՀՀ փոխնախագահ, վարչապետ ՀՀ կառավարության գործերի կառավարչի պաշտոնակատար
Signing date
10.02.1992

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ԱՐՏԱԴՐԱՆՔՆԵՐԻ (ԱՊՐԱՆՔՆԵՐԻ) ՉՎԵՐԱՀՍԿՎՈՂ ԴՈՒՐՍԲԵՐՈՒՄԸ ԿԱՆԽԵԼՈՒ ԵՎ ՆԵՐՔԻՆ ՇՈՒԿԱՅԻ ՊԱՇՏՊԱՆՈՒԹՅՈՒՆՆ ԱՊԱՀՈՎԵԼՈՒ ՄԻՋՈՑԱՌՈՒՄՆԵՐԻ ՄԱՍԻՆ

 

Հայաստանի Հանրապետությունից արտադրանքների (ապրանքների) չվերահսկվող դուրսբերումը կանխելու և ներքին շուկայի պաշտպանվածությունն ապահովելու նպատակով Հայաստանի Հանրապետության կառավարությունը որոշում է`

1. (կետն ուժը կորցրել է 22.07.92 N 410) 

2. Միջպետական համաձայնագրերով արտադրանքների (ապրանքների) քվոտավորումը և լիցենզավորումը կատարել ըստ Հայաստանի Հանրապետության կառավարության 1992 թվականի հունվարի 5-ի N 7 որոշմամբ սահմանված կարգով և այդ որոշման համաձայն հաստատված լիցենզիաների միասնական ձևերով:

3. Հայաստանի Հանրապետության մաքսային վարչությանը`

ա) Հայաստանի Հանրապետության ներքին գործերի նախարարության, ազգային անվտանգության պետական վարչության, Հայաստանի Հանրապետության երկաթգծի, Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության ու տրանսպորտի և հաղորդակցության նախարարության հետ համատեղ սույն որոշման 1-ին ու 2-րդ կետերի պահանջների կատարումն ապահովելու համար անհապաղ կազմակերպել մաքսային ծառայության կետեր` երկաթուղային կայարաններում, օդանավակայաններում, ավտոմոբիլային մայրուղիներում և հանրապետությունից դուրս եկող այլ ճանապարհներում.

բ) մշակել և մինչև 1992 թվականի մարտի 1-ը Հայաստանի Հանրապետության էկոնոմիկայի նախարարությանը ներկայացնել քաղաքացիների կողմից հանրապետությունից դուրս տարվող առաջին անհրաժեշտության ապրանքների, պարենային և այլ ապրանքների արտահանման թույլատրելի նորմաները.

գ) Հայաստանի Հանրապետության ճարտարապետության և քաղաքաշինության պետական վարչության հետ համատեղ մշակել և մեկամսյա ժամկետում էկոնոմիկայի նախարարությանը ներկայացնել հարևան պետությունների սահմաններում մաքսային զննման կետերի շինարարության նախագծանախահաշվային փաստաթղթերը և աշխատանքի ծավալները:

Հայաստանի Հանրապետության էկոնոմիկայի նախարարությանը և ֆինանսների նախարարությանը` համապատասխան աշխատանքների իրականացումը նախատեսել Հայաստանի Հանրապետության 1992 թվականի սոցիալ-տնտեսական զարգացման ծրագրում և բյուջեում:

4. Հայաստանի Հանրապետության գյուղատնտեսության նախարարությանը, պատգամավորների տեղական խորհուրդների գործկոմներին` մաքսային վարչության և սույն որոշման 3-րդ կետի «ա» ենթակետում նշված գերատեսչությունների հետ համատեղ նախապատրաստել և սահմանված կարգով Հայաստանի Հանրապետության կառավարություն ներկայացնել առաջարկություններ մաքսային զննման կետերի շինարարության համար հողհատկացումների մասին:

5. Պատգամավորների տեղական խորհուրդների գործկոմներին` ցուցաբերել համակողմանի աջակցություն համապատասխան մաքսային կետերի կազմակերպման, ինչպես նաև նրանց աշխատողների համար աշխատանքային նորմալ պայմանների ստեղծման գործում:

6. Հայաստանի Հանրապետության ներքին գործերի նախարարությանը`

ա) (ենթակետն ուժը կորցրել է 22.07.92 N 410)

բ) ապահովել մաքսային զննման կետերում հասարակական կարգի պահպանումը, հանցագործությունների կանխումը և ավտոմոբիլային տրանսպորտի կանոնավոր երթևեկությունը:

(6-րդ կետը փոփ. 22.07.92 N 410) 

 

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

 

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ

 

10 փետրվարի 1992 թ. N 96

քաղ. Երևան