ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2014 թվականի հունիսի 21-ին

«ՊԵՏԱԿԱՆ ՏՈՒՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» Հայաստանի Հանրապետության 1997 թվականի դեկտեմբերի 27-ի ՀՕ-186 օրենքի 19-րդ հոդվածի 12-րդ բաժինը լրացնել հետևյալ բովանդակությամբ 12.4-րդ ենթակետով.

«12.4. Շրջակա միջավայրի վրա ազդեցության փորձաքննություն.
1. փորձաքննության գործընթացի իրականացման համար
ա) հիմնադրութային փաստաթղթի համար՝	բազային տուրքի 500-ապատիկի չափով
բ) նախատեսվող գործունեության Ա կատեգորիայի համար՝	բազային տուրքի 500-ապատիկի չափով
գ) նախատեսվող գործունեության Բ կատեգորիայի համար՝	բազային տուրքի 400-ապատիկի չափով
դ) նախատեսվող գործունեության Գ կատեգորիայի համար՝	բազային տուրքի 15-ապատիկի չափով»:

Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության Նախագահ	Ս. Սարգսյան
2014 թ. հուլիսի 22 Երևան ՀՕ-111-Ն