ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 հուլիսի 1993 թ. N 384

Քաղ. Երևան

Փախստականների բնակարաններով ապահովումն արագացնելու նպատակով Հայաստանի Հանրապետության կառավարությունը որոշում է.

1. Հանձնարարել Հայաստանի Հանրապետության ֆինանսների նախարարությանը` անհատական բնակարանային շինարարության երկարաժամկետ վարկավորման համար հատկացված վարկային էմիսիայի ընդհանուր միջոցներից 1 մլրդ ռուբլի նախատեսել փախստականների համար Կոտայքի շրջանի Արզնի ավանում` 100, Մասիսի շրջանի Հայանիստ գյուղում` 130 և Նաիրիի շրջանի Նոր Արտամետ գյուղում 170 բնակելի տների կառուցման համար, ըստ սահմանված կարգով հատկացված հողամասերի:

2. (կետն ուժը կորցրել է 06.10.93 N 508)

3. (կետն ուժը կորցրել է 06.10.93 N 508)

4. Սահմանել, որ անհատական բնակելի տների շինարարությունն իրականացվում է կապալային հիմունքներով` որպես բանվորական ուժ անհատ կառուցապատողների ներգրավմամբ:

5.  (կետն ուժը կորցրել է 06.10.93 N 508)

6. (կետն ուժը կորցրել է 06.10.93 N 508)

7. Հայաստանի Հանրապետության ճարտարապետության և քաղաքաշինության պետական վարչությանը` վերահսկողություն սահմանել կառուցապատվող տարածքի սեյսմակայունությանը համապատասխան փախստականների համար անհատական բնակարանային շինարարության իրականացման և աշխատանքների որակի նկատմամբ:

8. Հայաստանի Հանրապետության էկոնոմիկայի նախարարությանը և ֆինանսների նախարարությանը` մշակել փախստականների համար անհատական բնակարանային շինարարության վարկավորման մեխանիզմ` նկատի ունենալով դրամի արժեզրկման ընթացքը:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ

Ա. ԽԱՉԱՏՐՅԱՆ