ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԱՆԱՁՈՐ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

08 ապրիլի 2024 թվականի N 3-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶԻ ՎԱՆԱՁՈՐ ՀԱՄԱՅՆՔԻ ԱՎԱԳԱՆՈՒ 2023 ԹՎԱԿԱՆԻ ՆՈՅԵՄԲԵՐԻ 29-Ի ԹԻՎ 39-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Հայաստանի Հանրապետության բյուջետային համակարգի մասին» օրենքի 33-րդ հոդվածի 4-րդ մասով, «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետով և «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Վանաձոր համայնքի ավագանին որոշում է.

1. Հայաստանի Հանրապետության Լոռու մարզի Վանաձոր համայնքի ավագանու 2023 թվականի նոյեմբերի 29-ի «Հայաստանի Հանրապետության Լոռու մարզի Վանաձոր համայնքի 2024 թվականի բյուջեն հաստատելու մասին» N 39-Ն որոշման մեջ կատարել հետևյալ փոփոխությունները.

1) որոշման 1-ին կետի 1-ին ենթակետի «6 619 103 400 (վեց միլիարդ վեց հարյուր տասնինը միլիոն հարյուր երեք հազար չորս հարյուր)» թիվը և բառերը փոխարինել «7 278 357 600 (յոթ միլիարդ երկու հարյուր յոթանասունութ միլիոն երեք հարյուր հիսունյոթ հազար վեց հարյուր)» թվով և բառերով:

2) որոշման 1-ին կետի 2-րդ ենթակետի «6 819 103 400 (վեց միլիարդ ութ հարյուր տասնինը միլիոն հարյուր երեք հազար չորս հարյուր)» թիվը և բառերը փոխարինել «7 611 110 500 (յոթ միլիարդ վեց հարյուր տասնմեկ միլիոն հարյուր տասը հազար հինգ հարյուր)» թվով և բառերով:

3) որոշման 1-ին կետի 3-րդ ենթակետի «200 000 000 (երկու հարյուր միլիոն)» թիվը և բառերը փոխարինել «332 752 900 (երեք հարյուր երեսուներկու միլիոն յոթ հարյուր հիսուներկու հազար ինը հարյուր)» բառերով:

2. Հայաստանի Հանրապետության Լոռու մարզի Վանաձոր համայնքի ավագանու 2023 թվականի նոյեմբերի 29-ի «Հայաստանի Հանրապետության Լոռու մարզի Վանաձոր համայնքի 2024 թվականի բյուջեն հաստատելու մասին» N 39-Ն որոշման 1-ին կետով հաստատված հավելվածի եկամտային և ծախսային մասերում կատարել փոփոխություններ՝ համաձայն թիվ 1, թիվ 2 և թիվ 3 հավելվածների.

1) հաստատել Վանաձոր համայնքի 2023 թվականի բյուջեի կատարման արդյունքում առաջացած պարտքերը՝ համաձայն թիվ 1 հավելվածի:

2) որոշման հավելվածի 1-ին, 4-րդ և 5-րդ հատվածներում կատարել փոփոխություններ՝ համաձայն թիվ 2 հավելվածի:

3) որոշման հավելվածի 2-րդ, 3-րդ և 6-րդ հատվածներում կատարել փոփոխություններ՝ համաձայն թիվ 3 հավելվածի:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՀԱՄԱՅՆՔԻ ՂԵԿԱՎԱՐԻ ՊԱՇՏՈՆԱԿԱՏԱՐ՝ ԱՐԿԱԴԻ ՓԵԼԵՇՅԱՆ

ԿՈՂՄ ( 17 )		ԴԵՄ( 0 )	ՁԵՌՆՊԱՀ ( 0 )
Ա․ Փելեշյան Ա․ Բերնեցյան	Վ. Օհանյան Լ․ Թադևոսյան
Ա․ Դեմիրխանյան	Վ․ Մկրտչյան
Ա. Խաչատրյան	Հ․ Մանուկյան
Հ․ Խլոպուզյան	Գ․ Հարությունյան
Լ. Հովսեփյան	Ա․ Հարությունյան
Գ․ Քալանթարյան	Ն․ Հովհաննիսյան
Ս․ Ղամբարյան	Դ․ Խաչատրյան
	Է․ Մարգարյան

ՀԱՄԱՅՆՔԻ ՂԵԿԱՎԱՐԻ ՊԱՇՏՈՆԱԿԱՏԱՐ՝	Արկադի ՓԵԼԵՇՅԱՆ
2024 թ. ապրիլի 08 ք.Վանաձոր

Հավելվածներ 1-3 ՀՀ Լոռու մարզի Վանաձոր համայնքի ավագանու «08» ապրիլի 2024 թ. թիվ 3-Ն որոշման