ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 սեպտեմբերի 1994 թ. N 468

Քաղ. Երևան

Հայաստանի Հանրապետության կառավարությունը որոշում է.

1. 1994 թվականի հոկտեմբերի 1-ից սահմանել՝

ա) հացի մանրածախ գին՝ 1 կգ 6 դրամ, ալյուրի՝ 1 կգ 4 դրամ 60 լումա, ներառյալ 3,5 տոկոս առևտրական զեղչը։

Սահմանել, որ հացի և բնակչությանն իրացման ենթակա ալյուրի բեռնումն ու մինչև սպառողը փոխադրումը կատարվում է մատակարարի միջոցով և նրա հաշվին, իսկ բեռնաթափումը՝ ստացողի միջոցով և նրա հաշվին.

բ) կենցաղային կարիքների համար բնակչությանը տրվող էլեկտրաէներգիայի միասնական սակագին՝ 1 կվտ. Ժամը 1 դրամ 30 լումա.

գ) պետության կողմից կարգավորվող` բնակչությանն իրացվող հիմնական ծառայությունների անվանացանկը, սակագները և սահմանային գործակիցները, համաձայն հավելվածի.

դ) ներքաղաքային տրանսպորտով (տրոլեյբուս, տրամվայ) և մետրոյով ուղևորների փոխադրման համար սակագին՝ յուրաքանչյուր անձից 5 դրամ:

2. Հայաստանի Հանրապետության էկոնոմիկայի նախարարությանը՝

ա) Հայաստանի Հանրապետության ֆինանսների նախարարության, առևտրի նախարարության և Հայկոոպի վարչության հետ համաձայնեցնելով, 1994 թվականի հոկտեմբերի 1-ի դրությամբ սահմանել հացի և ալյուրի մնացորդների վերագնահատման կարգ.

բ) հաստատել հացի մանրածախ գնի գնացուցակը և բոլոր սպառող կազմակերպություններն ու ձեռնարկություններն ապահովել նշված գնացուցակով։

3. Սույն որոշման ընդունման պահից ուժը կորցրած ճանաչել Հայաստանի Հանրապետության կառավարության 1994 թվականի ապրիլի 1-ի «Բնակչությանն իրացվող հիմնական ծառայությունների սակագների փոփոխման մասին» N 144 որոշումը, բացառությամբ 1-ին կետի «գ» ենթակետի և 1994 թվականի մայիսի 6-ի «Բնակչությանն իրացվող հացի, ալյուրի մանրածախ գների և ներքաղաքային տրանսպորտի սակագների փոփոխման մասին» N 210 որոշումը, բացառությամբ 1-ին կետի «գ» ենթակետի։

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ

Հավելված ՀՀ կառավարության 1994 թ. սեպտեմբերի 28-ի N 468 որոշման

Անվանացանկ	Սահմանային գործակիցները՝ գործող սակագների նկատմամբ	Սահմանային շահութաբերության չափը տոկոսներով
1	2	3
Բնակչությանն իրացվող կերակրի աղ	_	առանց փոփոխության
Բնակվարձ, ներառյալ հանրակացարաններում բնակվելու համար վարձը*)	8
Ուսանողական հանրակացարաններում բնակվելու համար վարձը	առանց փոփոխության
Ջրախողովակից օգտվելու ծառայություն	2
Կոյուղուց օգտվելու ծառայություն	3
Բնակելի շենքերի ջեռուցում	3
Տաք ջրամատակարարում	2
Կենցաղային աղբի տեղափոխում	2
Բնական գազ	_	4
Կապի ծառայություններ
քաղաքային և տեղական հեռախոսային կապի համար աբոնենտային վճար	առանց փոփոխության
Հեռախոսային կապ
ներհանրապետական	առանց փոփոխության
Հեռագրային կապ
հանրապետությունից դուրս (ԱՊՀ անդամ և նախկին ԽՍՀՄ հանրապետություններ)	առանց փոփոխության
Փոստային կապ
բացի ծանրոցների առաքումից	առանց փոփոխության
ծանրոցների առաքում	առանց փոփոխության

*) Սեփականաշնորհված բնակարանների տերերը բնակարանային վարձ չեն մուծում։

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ

Անվանումը	Չափի միավորը	Սահմանվող գինը կամ սակագինը (դրամ)	Նախկին գինը կամ սակագինը (դրամ)	Փաստացի ծախսերը (դրամ)
1	2	3	4	5
Հաց (առանց հացահատիկի գնի)	կգ	6	4,5	15,5
Ալյուր (առանց հացահատիկի գնի)	կգ	4,6	3,5	4,34
էլեկտրաէներգիա	1 կվտ. ժամ	1,3	1	5,1
Քաղաքային տրանսպորտ
մետրո	1 ուղեվարձ	5	4	8
տրամվայ	- » -	5	4	8,3
տրոլեյբուս	- » -	5	4	8,5
Բնակվարձ	ամսական 1 քառ. մ	0,5	0,0625	8,9
Ջրախողովակից օգտվելու ծառայություն	1 խոր. մ (քաղ. Երևան)	0,54	0,27	10,3
Ջրախողովակից օգտվելու ծառայություն	1 խոր. մ («Հայբնակ-կոմտնտ» ՀՄ)	0,90	0,45	9,6
Կոյուղուց օգտվելու ծառայություն	1 խոր. մ (Երևան)	0,09	0,03	0,56
Կոյուղուց օգտվելու ծառայություն	1 խոր. մ («Հայբնակ-կոմտնտ» ՀՄ)	0,36	0,12	0,86
Կենցաղային աղբի տեղափոխում	ամսական մեկ անձի համար (Երևան)	12,16	6,08	24,7
Ջեռուցում	1 քառ. մ տարեկան (Երևան)	360	120	1056
Տաք ջրամատակարարում	ամսական մեկ անձի համար (Երևան)	16	8	185