ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

20 հոկտեմբերի 1993 թ. N 533

Քաղ. Երևան

Քաղաքային տնտեսությունում միասնական համակարգ ստեղծելու նպատակով Հայաստանի Հանրապետության կառավարությունը որոշում է.

1. 1993 թվականի հոկտեմբերի 16-ից «Հայէներգոարդ» ՀՆՊՁ-ի «Երքաղէլեկտրացանց» հատուկ նշանակության պետական ձեռնարկությունը հանձնել պատգամավորների Երևանի քաղաքային խորհրդի գործկոմի ենթակայությանը:

2. Պատգամավորների Երքաղխորհրդի գործկոմին ու Հայաստանի Հանրապետության էներգետիկայի և վառելիքի նախարարությանը`

ա) մինչև 1993 թվականի նոյեմբերի 1-ը ավարտել նշված ձեռնարկության գույքի սահմանված կարգով ընդունում-հանձնումը.

բ) շարունակել էլեկտրացանցը ձմռան ժամանակաշրջանին նախապատրաստելու աշխատանքները:

3. Պատգամավորների Երքաղխորհրդի գործկոմին` մինչև 1993 թվականի նոյեմբերի 1-ը սահմանված կարգով Հայաստանի Հանրապետության կառավարության հաստատմանը ներկայացնել «Երքաղէլեկտրացանց» հատուկ նշանակության պետական ձեռնարկության կանոնադրության նախագիծը:

4. Սույն որոշման կատարման հսկողությունը դնել Հայաստանի Հանրապետության պետական նախարար Գ. Մարտիրոսյանի վրա:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ