ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

27 մարտի 2025թ. ք. Երևան

N 19-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎԻ 2022 ԹՎԱԿԱՆԻ ՀՈՒՆՎԱՐԻ 21-Ի N 3-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասով և 34-րդ հոդվածով` Հայաստանի Հանրապետության կենտրոնական ընտրական հանձնաժողովը

ՈՐՈՇՈՒՄ Է.

1․ Հայաստանի Հանրապետության կենտրոնական ընտրական հանձնաժողովի 2022 թվականի հունվարի 21-ի «Դիտորդների հավատարմագրման և հավատարմագրման համար անհրաժեշտ փաստաթղթերի ներկայացման կարգը, դիտորդների և այցելուների վկայականների, հավատարմագրման համար անհրաժեշտ փաստաթղթի էլեկտրոնային ձևը սահմանելու մասին» N 3-Ն որոշման (այսուհետ նաև՝ Որոշում)՝

1) վերնագիրը շարադրել նոր խմբագրությամբ՝ «Դիտորդների հավատարմագրման և հավատարմագրման համար անհրաժեշտ փաստաթղթերի ներկայացման կարգը, դիտորդների, այցելուների, միջազգային դիտորդներին և այցելուներին ուղեկցող թարգմանիչների վկայականների, հավատարմագրման համար անհրաժեշտ փաստաթղթի էլեկտրոնային ձևը սահմանելու մասին»․

2) 1-ին կետի 3-րդ ենթակետը «այցելուի» բառից հետո լրացնել «, միջազգային դիտորդներին և այցելուներին ուղեկցող թարգմանչի» բառերով։

2․ Որոշմամբ հաստատված N 1 հավելվածի՝

1) 4-րդ կետը լրացնել նոր 3-րդ պարբերությամբ՝ «Սույն կետի 2-րդ պարբերության մեջ նշված փաստաթղթերը պետք է պարունակեն նշում միջազգային դիտորդներին ուղեկցող թարգմանիչների քանակի վերաբերյալ։»․

2) 20-րդ կետը շարադրել հետևյալ խմբագրությամբ.

«Միջազգային դիտորդներին և նրանց ուղեկցող թարգմանիչներին տրամադրվում են հայերեն և անգլերեն կամ հայերեն և ռուսերեն լեզուներով լրացված վկայականներ։ Միջազգային դիտորդներին ուղեկցող թարգմանիչների վկայականներում թարգմանչի ազգանունը, անունը լրացվում է համապատասխան կազմակերպության կողմից և տրամադրվում է թարգմանչին։»։

3) 21-րդ կետի «անունները, ազգանունները» բառերը փոխարինել «անունները, ազգանունները և նրանց ուղեկցող թարգմանիչների քանակը» բառերով.

4) 22-րդ կետը շարադրել հետևյալ խմբագրությամբ.

«Հայաստանի Հանրապետության արտաքին գործերի նախարարության կողմից հայտը ստանալուց հետո ոչ ուշ, քան հնգօրյա ժամկետում Կենտրոնական ընտրական հանձնաժողովի կողմից լրացվում են այցելուների վկայականները և փոխանցվում Հայաստանի Հանրապետության արտաքին գործերի նախարարություն՝ Հայաստանի Հանրապետությունում հավատարմագրված դիվանագիտական և հյուպատոսական ներկայացուցչություններին տրամադրելու համար:

Այցելուների վկայականների հետ միաժամանակ Հայաստանի Հանրապետության արտաքին գործերի նախարարությանն է տրամադրվում պահանջված քանակի այցելուին ուղեկցող թարգմանչի վկայական։

Այցելուներին ուղեկցող թարգմանիչների վկայականներում թարգմանչի ազգանունը, անունը լրացվում է համապատասխան դիվանագիտական և հյուպատոսական ներկայացուցչության կողմից և տրամադրվում է թարգմանչին։».

5) 23-րդ կետը լրացնել 2-րդ պարբերությամբ.

«Այցելուներին ուղեկցող թարգմանիչներին տրամադրվում են թարգմանչի վկայականներ։»։

3․ Որոշմամբ հաստատված N 3 հավելվածը լրացնել Ձև 7, 8 վկայականի ձևերով՝ համաձայն հավելվածի։

4․ Սույն որոշումն ուժի մեջ է մտնում 2025թ ապրիլի 1-ից։

Հայաստանի Հանրապետության կենտրոնական ընտրական հանձնաժողովի նախագահ

Վ. Հովակիմյան

Հավելված Հայաստանի Հանրապետության կենտրոնական ընտրական հանձնաժողովի 2025 թ. մարտի 27-ի N 19-Ն որոշման

«Ձև 7

Հայաստանի Հանրապետություն Կենտրոնական ընտրական հանձնաժողով   [նշվում է ընտրության անվանումը]   [նշվում է քվեարկության օրը]   ԹԱՐԳՄԱՆԻՉ _____________________________________ ազգանուն, անուն _____________________________________ միջազգային կազմակերպության (դիվանագիտական և հյուպատոսական ներկայացուցչության կամ այլ պետության ընտրական մարմնի) անվանում   Հանձնաժողովի նախագահ _____________ ստորագրություն      Կ.Տ.   Տրված է   Վկայականն ուժի մեջ է անձը հաստատող փաստաթուղթ ներկայացնելու դեպքում		REPUBLIC OF ARMENIA CENTRAL ELECTORAL COMMISSION   [ the name of the Election is indicated ]   [the voting day is indicated]   TRANSLATOR _____________________________________ Name, surname ______________________________________ name of the international organization (diplomatic and consular representation or electoral body of another state)   Commission Chairperson _______________ signature          CEC Seal   Date of issue   The certificate is valid upon presenting identification document
Հայաստանի Հանրապետություն   Կենտրոնական ընտրական հանձնաժողով   [նշվում է ընտրության անվանումը]   [նշվում է քվեարկության օրը]   ԹԱՐԳՄԱՆԻՉ _____________________________________ ազգանուն, անուն _____________________________________ միջազգային կազմակերպության (դիվանագիտական և հյուպատոսական ներկայացուցչության կամ այլ պետության ընտրական մարմնի) անվանում   Հանձնաժողովի նախագահ____________ ստորագրություն   Կ.Տ.   Տրված է   Վկայականն ուժի մեջ է անձը հաստատող փաստաթուղթ ներկայացնելու դեպքում		РЕСПУБЛИКА АРМЕНИЯ   ЦЕНТРАЛЬНАЯ ИЗБИРАТЕЛЬНАЯ КОМИССИЯ   [указывается название выборов]   [указывается день проведения голосования]   ПЕРЕВОДЧИК _____________________________________ фамилия, имя _____________________________________ Наименование международной организации (дипломатического или консульского представительства или избирательного органа иного государства)   Председатель комиссии ______________ подпись               М. П.   Дата выдачи   Удостоверение действительно по предъявлению документа, удостоверяющего личность

Ձև 8

Հայաստանի Հանրապետություն   Կենտրոնական ընտրական հանձնաժողով   [նշվում է հանրաքվեի (տեղական հանրաքվեի) անվանումը]   [նշվում է քվեարկության օրը]   ԹԱՐԳՄԱՆԻՉ _____________________________________ ազգանուն, անուն _____________________________________ միջազգային կազմակերպության (դիվանագիտական և հյուպատոսական ներկայացուցչության կամ այլ պետության ընտրական մարմնի) անվանում   Հանձնաժողովի նախագահ ___________ ստորագրություն   Կ.Տ.   Տրված է   Վկայականն ուժի մեջ է անձը հաստատող փաստաթուղթ ներկայացնելու դեպքում     REPUBLIC OF ARMENIA   CENTRAL ELECTORAL COMMISSION   [ the name of the Referendum (Local Referendum) is indicated]   [the voting day is indicated]   TRANSLATOR _____________________________________ Name, surname _____________________________________ name of the international organization (diplomatic and consular representation or electoral body of another state)   Commission Chairperson _________________ signature   CEC Seal   Date of issue   The certificate is valid upon presenting identification document     Հայաստանի Հանրապետություն Կենտրոնական ընտրական հանձնաժողով   [նշվում է հանրաքվեի ( տեղական հանրաքվեի) անվանումը]   [նշվում է քվեարկության օրը]   ԹԱՐԳՄԱՆԻՉ _____________________________________ ազգանուն, անուն _____________________________________ միջազգային կազմակերպության (դիվանագիտական և հյուպատոսական ներկայացուցչության կամ այլ պետության ընտրական մարմնի) անվանում   Հանձնաժողովի նախագահ ______________ տորագրություն           Կ.Տ.   Տրված է   Վկայականն ուժի մեջ է անձը հաստատող փաստաթուղթ ներկայացնելու դեպքում   РЕСПУБЛИКА АРМЕНИЯ   ЦЕНТРАЛЬНАЯ ИЗБИРАТЕЛЬНАЯ КОМИССИЯ   [указывается название референдума (местного референдума)]   [указывается день проведения голосования]   ПЕРЕВОДЧИК _____________________________________ фамилия, имя _____________________________________ Наименование международной организации (дипломатического или консульского представительства или избирательного органа иного государства)   Председатель комиссии _____________ подпись                М. П.   Дата выдачи   Удостоверение действительно по предъявлению документа, удостоверяющего личность

»

Պաշտոնական հրապարակման օրը՝ 31 մարտի 2025 թվական: