ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 ապրիլի 1993 թ. N 186

Քաղ. Երևան

1993 ԹՎԱԿԱՆԸ ՏԱՐԵՑ ՄԱՐԴԿԱՆՑ ԵՎ ՍԵՐՈՒՆԴՆԵՐԻ ՀԱՄԵՐԱՇԽՈՒԹՅԱՆ ՏԱՐԻ ՀՌՉԱԿԵԼՈՒ ՄԱՍԻՆ

Բարձր գնահատելով տարեց մարդկանց ներդրումը հասարակական կյանքում, դիտակցելով մարդու իրավունքների համընդհանուր Հռչակագրում այդ իրավունքների հստակ սահմանման անհրաժեշտությունը և ավագ սերնդի նկատմամբ մեր ունեցած ավանդական վերաբերմունքը, ինչպես նաև ելնելով Եվրոպայի տնտեսական ընկերակցության Նախարարների խորհրդի 1993 թվականը տարեց մարդկանց և սերունդների համերաշխության տարի հայտարարելու որոշումից, Հայաստանի Հանրապետության կառավարությունը որոշում է.

1. 1993 թվականը հռչակել տարեց մարդկանց և սերունդների համերաշխության տարի։

2. Ստեղծել տարեց մարդկանց և սերունդների համերաշխության տարվա անցկացման հանձնաժողով հետևյալ կազմով՝

Ա. Եսայան	- ՀՀ աշխատանքի և սոցիալական ապահովության նախարար (նախագահ)
Ա. Ղազարյան	-պատերազմի և աշխատանքի վետերանների հանրապետական խորհրդի նախագահ
Մ. Երանոսյան	- ՀՀ ֆինանսների նախարարի տեղակալ
Մ. Հարությունյան	- ՀԱՄԿ-ի նախագահ
Լ. Ճգնավորյան	- ՀՀ պետական սիմֆոնիկ նվագախմբի գլխավոր դիրիժոր
Ն. Հակոբյան	-  կանանց հանրապետական խորհրդի նախագահ
Վ. Պետրոսյան	- Երևանի կենսաթոշակառուների սոցիալական սպասարկման կենտրոնի տնօրեն
Ա. Նավասարդյան	- ՀՀ արտաքին գործերի նախարարի տեղակալ
է. Միլիտոնյան	- ՀՀ հեռուստատեսության և ռադիոհաղորդումների պետական վարչության պետի տեղակալ
Տ. Գարեգին արքեպիսկոպոս Ներսիսյան	- Արարատյան հայրապետական թեմի առաջնորդական փոխանորդ
Ջ. Բաղդասարյան	- ՀՀ աշխատանքի և սոցիալական ապահովության նախարարության վարչության պետ (քարտուղար )

3. Հանձնաժողովին՝ երկշաբաթյա ժամկետում կազմել տարեց մարդկանց և սերունդների համերաշխության տարվա անցկացման միջոցառումների ծրագիր։

4. Հայաստանի Հանրապետության հեռուստատեսության և ռադիոհաղորդումների պետական վարչությանն ու Հայաստանի Հանրապետության կառավարությանն առընթեր հրատարակչական գործի վարչությանը՝ լուսաբանել կատարվող աշխատանքները։

Հայաստանի Հանրապետության վարչապետ

Հ. ԲԱԳՐԱՏՅԱՆ

Հայաստանի Հանրապետության կառավարության գործերի կառավարիչ

Ա. ԽԱՉԱՏՐՅԱՆ