ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 հոկտեմբերի 1992 թ. N 511 

Քաղ. Երևան

Հայաստանի Հանրապետության զինված ուժերի զինծառայողների սոցիալական պաշտպանվածության ապահովման նպատակով Հայաստանի Հանրապետության կառավարությունը որոշում է.

1. Սահմանել Հայաստանի Հանրապետության պաշտպանության նախարարության և նրա համակարգի՝

ա) սպայական և ենթասպայական անձնակազմի պաշտոնային դրույքները, համաձայն N 1 հավելվածի.

բ) զինծառայողների զինվորական կոչումների դրույքաչափերը, համաձայն N 2 հավելվածի.

գ) ժամկետային զինծառայողների դրամական բավարարման չափերը, համաձայն N 3 հավելվածի.

դ) սպայական և ենթասպայական անձնակազմին պարենամթերքի դիմաց փոխհատուցման չափը՝ ամսական 1200 ռուբլի։

2. Սահմանել սահմանապահ զորամիավորումներում և մյուս զինվորական կազմավորումներում, բացառությամբ հատուկ նշանակության զորամիավորումների, պայմանագրային զինվորական ծառայության զինծառայողների ամսական աշխատավարձի չափը՝ 3-4 հազար ռուբլի, ելնելով պայմանագրի պայմաններից։

3. Թույլատրել Հայաստանի Հանրապետության պաշտպանության նախարարությանն իր համակարգի բանվոր-ծառայողների պաշտոնային դրույքաչափերը բարձրացնել 70 տոկոսի չափով։

4. Հանձնարարել Հայաստանի Հանրապետության ֆինանսների նախարարությանը՝ 2-շաբաթյա ժամկետում, Հայաստանի Հանրապետության պաշտպանության նախարարության հետ համատեղ, սույն որոշման պահանջներին համապատասխան կազմել և Հայաստանի Հանրապետության կառավարության քննարկմանը ներկայացնել Հայաստանի Հանրապետության պաշտպանության նախարարության ծախսերի ճշտված նախահաշիվը։

5. Հայաստանի Հանրապետության արդարադատության նախարարությանը՝ երկամսյա ժամկետում Հայաստանի Հանրապետության կառավարություն ներկայացնել առաջարկություն՝ Հայաստանի Հանրապետության գործող օրենսդրության մեջ սույն որոշումից բխող համապատասխան փոփոխություններ և լրացումներ կատարելու մասին։

Հայաստանի Հանրապետության վարչապետ

Խ. ՀԱՐՈՒԹՅՈՒՆՅԱՆ

Հայաստանի Հանրապետության կառավարության գործերի կառավարչի պաշտոնակատար

Հ. ՔՈԹԱՆՅԱՆ

ՀԱՎԵԼՎԱԾ N 1 ՀՀ կառավարության 1992 թ. հոկտեմբերի 14-ի N 511 որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ԵՎ ՆՐԱ ՀԱՄԱԿԱՐԳԻ ՍՊԱՅԱԿԱՆ ԵՎ ԵՆԹԱՍՊԱՅԱԿԱՆ ԱՆՁՆԱԿԱԶՄԻ ՊԱՇՏՈՆԱՅԻՆ ԴՐՈՒՅՔՆԵՐԸ

Պաշտոնները	Պաշտոնային դրույքները (ռուբլիներով)
1	2
Կենտրոնական ապարատ
Նախարար	5000
Նախարարի առաջին տեղակալ (զինված ուժերի հրամանատար)	4900
Նախարարի առաջին տեղակալ	4800
Նախարարի տեղակալ	4700
Վարչության պետ	4500
Բաժնի պետ	4200
Բաժանմունքի պետ	3900
Խմբի պետ	3600
Ավագ սպա	3500
Սպա	3200
Զինվորական միավորումներ և ստորաբաժանումներ
Դիվիզիայի հրամանատար	4200
Բրիգադայի հրամանատար	3900
Գնդի հրամանատար	3600
Գումարտակի (դիվիզիոնի) հրամանատար	3400
Վաշտի (մարտկոցի) հրամանատար	3300
Դասակի հրամանատար	3100
Ջոկի հրամանատար	3000

Ծանոթություններ. 1. Սահմանապահ զորքերի սպայական և ենթասպայական անձնակազմի պաշտոնային դրույքները սահմանվում են ընդհանուր նշանակության զորատեսակների զինծառայողների պաշտոնային դրույքներից 200 ռուբլով ավելի:

2. Ռազմաօդային և հակաօդային պաշտպանության ուժերի սպաների և ենթասպաների պաշտոնային դրույքները սահմանվում են ընդհանուր նշանակության զորատեսակների զինծառայողների պաշտոնային դրույքների համեմատ 30 տոկոսով ավելի՝ միայն թռչող անձնակազմի համար:

3. Ուսումնական հաստատությունների զինվորական ամբիոնների պրոֆեսորադասախոսական կազմի պաշտոնային դրույքները հավասարեցվում են գումարտակի և նրա կառուցվածքի մեջ մտնող հրամանատարական կազմի պաշտոնային դրույքներին։

4. Ենթասպայական անձնակազմի պաշտոնային դրույքները սահմանվում են ջոկի հրամանատարի պաշտոնային դրույքի չափով։ Տնտեսական և նրան հավասարեցված անձնակազմի պաշտոնային դրույքներն անձնակազմի մյուս աշխատողների պաշտոնային դրույքների համեմատ սահմանվում են 150 ռուբլով պակաս։

Հայաստանի Հանրապետության կառավարության գործերի կառավարչի պաշտոնակատար

Հ. ՔՈԹԱՆՅԱՆ

ՀԱՎԵԼՎԱԾ N 2 ՀՀ կառավարության 1992 թ. հոկտեմբերի 14-ի N 511 որոշման

Զինվորական կոչումները	Զինվորական կոչման դրույքաչափերը (ռուբլիներով)
1	2
Կրտսեր սերժանտ	750
Սերժանտ	900
Ավագ սերժանտ	1050
Ավագ	1200
Ենթասպա	1500
Ավագ ենթասպա	1650
Կրտսեր լեյտենանտ	2250
Լեյտենանտ	2550
Ավագ լեյտենանտ	2850
Կապիտան	3150
Մայոր	3450
Փոխգնդապետ	3750
Գնդապետ	4050
Գեներալ-մայոր	4800
Գեներալ-լեյտենանտ	5250
Գեներալ-գնդապետ	5700

Ծանոթություն: Կրտսեր հրամանատարական կազմի զինվորական կոչումների դրույքաչափերը չեն տարածվում ժամկետային զինծառայողների վրա:

Հայաստանի Հանրապետության կառավարության գործերի կառավարչի պաշտոնակատար

Հ. ՔՈԹԱՆՅԱՆ

ՀԱՎԵԼՎԱԾ N 3 ՀՀ կառավարության 1992 թ. հոկտեմբերի 14-ի N 511 որոշման

Զինվորական կոչումները	Դրամական բավարարման չափերը (ռուբլիներով)
1	2
Շարքային	240
Եֆրեյտոր	250
Կրտսեր սերժանտ	260
Սերժանտ	280
Ավագ սերժանտ	290
Ավագ	300