ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2010 թվականի դեկտեմբերի 22-ին
«ՀԱՍՏԱՏԱԳՐՎԱԾ ՎՃԱՐՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Հաստատագրված վճարների մասին» Հայաստանի Հանրապետության 1998 թվականի հուլիսի 7-ի ՀՕ-236 օրենքի (այսուհետ` Օրենք) 3-րդ հոդվածը լրացնել «, բացառությամբ «Արտոնագրային վճարների մասին» Հայաստանի Հանրապետության օրենքով սահմանված կարգով արտոնագրային վճար վճարող համարվող անհատ ձեռնարկատերերը» բառերով:
Հոդված 2. Օրենքի 11-րդ հոդվածում`
1) 1-ին կետից հանել «22 հոդվածի 3-րդ կետի «ա» ենթակետով, 25 հոդվածի 2-րդ կետի «ա» և «բ» ենթակետերով, 25.1 հոդվածի 2-րդ մասի «ա» ենթակետով, 31 հոդվածի 2-րդ կետով,» բառերը.
2) ուժը կորցրած ճանաչել 2-րդ կետը:
Հոդված 3. Օրենքի 13-րդ հոդվածում`
1) ուժը կորցրած ճանաչել 2-րդ կետի առաջին պարբերությունը, 4-րդ և 5-րդ կետերը.
2) 3-րդ կետի «15-ը ներառյալ» բառերը փոխարինել «20-ը ներառյալ» բառերով.
3) 3-րդ կետի «22 հոդվածի 3-րդ կետի «ա» ենթակետով, 25.1 հոդվածի 2-րդ մասի «ա» ենթակետով և 33 հոդվածի 2-րդ կետի «ա» ենթակետով» բառերը փոխարինել «33 հոդվածի 2-րդ կետի «ա» ենթակետով և 53 հոդվածի 2-րդ կետով» բառերով».
4) 6-րդ կետից հանել «և 28 հոդվածի երկրորդ մասով» բառերը և «15-ը ներառյալ» բառերը փոխարինել «20-ը ներառյալ» բառերով:
Հոդված 4. Օրենքի 53-րդ հոդվածի 2-րդ կետի «ամսական» բառը փոխարինել «եռամսյակային» բառով, իսկ «800» թիվը` «2400» թվով:
Հոդված 5. Սույն օրենքն ուժի մեջ է մտնում 2011 թվականի հունվարի 1-ից:
|
Հայաստանի Հանրապետության |
Ս. Սարգսյան |
|
2010 թ. դեկտեմբերի 28 |