ԵՐԵՎԱՆԻ ՔԱՂԱՔԱՊԵՏ

ԲՈՒԶԱՆԴԻ ՓՈՂՈՑԻ Հ.1/3 ՀԱՍՑԵՈՒՄ ԳՏՆՎՈՂ ՇԵՆՔԻ ՆԿՈՒՂԱՅԻՆ ՀԱՐԿԻ 708.7ՔՄ ՄԱԿԵՐԵՍՈՎ ՏԱՐԱԾՔԸ ԵՆԹԱՎԱՐՁԱԿԱԼՈՒԹՅԱՆ ՏԱԼՈՒ ԹՈՒՅԼՏՎՈՒԹՅԱՆ ՄԱՍԻՆ

 Վարչական ակտի ընդունման համար հիմք է հանդիսացել Հովհաննես Ավագյանի դիմումը՝ Բուզանդի փողոցի հ.1/3 հասցեում, վարձակալության իրավունքով իրեն տրամադրված՝ շենքի նկուղային հարկի 708.7քմ մակերեսով տարածքը /անշարժ գույքի նկատմամբ իրավունքների պետական գրանցման հ.17072023-01-0127 վկայական, գաղտնաբառ՝ R2ELYVHGVUYJ/ ենթավարձակալության տալու թույլտվության մասին:

 Նշված տարածքը մինչև 01.06.2028թ. վարձակալության իրավունքով տրամադրվել է Հովհաննես Ավագյանին, որի հիման վրա 19.04.2017թ. կնքվել է հ.3249 ոչ բնակելի տարածքի վարձակալության պայմանագիրը և 06.07.2023թ. հ.8808 համաձայնագիրը:

 Հաշվի առնելով ոչ բնակելի տարածքի վարձակալության պայմանագրի 2.3 կետի 2.3.1 ենթակետը, ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, Հայաստանի Հանրապետության քաղաքացիական օրենսգրքի 620-րդ հոդվածով, Երևան քաղաքի ավագանու 2024 թվականի դեկտեմբերի 24-ի N 259-Ն որոշման հավելվածով.

 1. Թույլատրել Հովհաննես Ավագյանին՝ Բուզանդի փողոցի հ.1/3 հասցեում գտնվող շենքի նկուղային հարկի 708.7քմ մակերեսով տարածքը տալ ենթավարձակալության:

 2. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով՝ Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։

 3. Որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի անշարժ գույքի կառավարման վարչության պետի վրա։

 4. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Ա.Փամբուխչյանը:

Տ. Ավինյան