ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 փետրվարի 2025 թվականի N 134-Ն

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1. Ուժը կորցրած ճանաչել Հայաստանի Հանրապետության կառավարության 2008 թվականի մարտի 27-ի «Հայաստանի Հանրապետությունում իրականացվող բժշկական օգնության և սպասարկման տեսակների ցանկը սահմանելու մասին» N 276-Ն որոշման հավելվածի 1-ին կետի 23-րդ ենթակետի «ֆլյուորոգրաֆիկ» վերտառությամբ «բ» և «շարժական ֆլյուորոգրաֆիկ» վերտառությամբ «ժա» պարբերությունները:

2. Հայաստանի Հանրապետության կառավարության 2002 թվականի հունիսի 29-ի «Հայաստանի Հանրապետությունում դեղերի արտադրության, դեղատնային գործունեության, կազմակերպությունների կամ անհատ ձեռնարկատերերի կողմից բժշկական օգնության և սպասարկման իրականացման, դեղերի մեծածախ իրացման, բժշկական արտադրատեսակների արտադրության, բժշկական արտադրատեսակների սպասարկման լիցենզավորման կարգերը և նշված գործունեությունների իրականացման լիցենզիայի ձևերը հաստատելու մասին» N 867 որոշման մեջ կատարել հետևյալ փոփոխությունները`

1) ուժը կորցրած ճանաչել N 12 հավելվածի 1.17.2-րդ «/ՖԼՅՈՒՈՐՈԳՐԱՖԻԿ/» և 1.17.2.1-ին «ՇԱՐԺԱԿԱՆ ՖԼՅՈՒՈՐՈԳՐԱՖԻԿ ԾԱՌԱՅՈՒԹՅՈՒՆ» վերտառությամբ կետերը.

2) ուժը կորցրած ճանաչել N 12 հավելվածի պարզաբանում բաժնի «Ընդհանուր դրույթներ» գլխի 4-րդ պարբերության 12-րդ կետի «բ» ենթակետը «ֆլյուորոգրաֆիկ» վերտառությամբ, 48-րդ կետը` «շարժական ֆլյուորոգրաֆիկ» վերտառությամբ.

3) ուժը կորցրած ճանաչել N 12 հավելվածի պարզաբանում բաժնի «Ընդհանուր դրույթներ» գլխի 5-րդ պարբերության 12-րդ կետի «բ» ենթակետը «ֆլյուորոգրաֆիկ» վերտառությամբ, 47-րդ կետը` «շարժական ֆլյուորոգրաֆիկ» վերտառությամբ.

4) N 13 հավելվածի 101-րդ կետի «N 13 հավելվածի պարզաբանում» բաժնի «Հիվանդանոցներ» գլխի 26-րդ պարբերությունից հանել «ֆլյուորոգրաֆիկ,» և «շարժական ֆլյուորոգրաֆիկ,» բառերը:

3. Սույն որոշումն ուժի մեջ է մտնում պաշտոնական հրապարակումից 3 ամիս հետո:

Հայաստանի Հանրապետության վարչապետ	Ն. Փաշինյան
Երևան

13.02.2025 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ