ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
N 36-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2026 ԹՎԱԿԱՆԻ ԲՅՈՒՋԵՏԱՅԻՆ ԳՈՐԾԸՆԹԱՑՆ ՍԿՍԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 21-րդ հոդվածի 1-ին մասին համապատասխան՝ Հայաստանի Հանրապետության 2026 թվականի բյուջետային գործընթացն սկսելու նպատակով`
1. Հաստատել Հայաստանի Հանրապետության 2026 թվականի պետական բյուջեի մշակման գործընթացի` Հայաստանի Հանրապետության 2026-2028 թվականների պետական միջնաժամկետ ծախսերի ծրագրի և Հայաստանի Հանրապետության 2026 թվականի պետական բյուջեի նախագծերի մշակման աշխատանքների իրականացման ժամանակացույցը՝ համաձայն հավելվածի:
2. Սահմանել, որ սույն որոշման իմաստով`
1) բյուջետային հատկացումների գլխավոր կարգադրիչ (այսուհետ՝ ԲԳԿ) են հանդիսանում «Հայաստանի Հանրապետության 2025 թվականի պետական բյուջեի մասին» Հայաստանի Հանրապետության օրենքով նախատեսված բյուջետային հատկացումների գլխավոր կարգադրիչ հանդիսացող Հայաստանի Հանրապետության հանրային իշխանության և տարածքային կառավարման մարմինները.
2) բազային բյուջե է համարվում գոյություն ունեցող միջոցառումների գծով ծախսերը, որոնք ծախսային քաղաքականության անփոփոխ մնալու պայմաններում ճշգրտվել են ընթացիկ տարվան նախորդող բյուջետային տարվա փաստացի կատարողականով և/կամ հայտատուից անկախ ծախսային գործոնների ազդեցությամբ.
3) նոր նախաձեռնություններ են հանդիսանում`
ա. միջոցառումների գծով ծախսերի ընդլայնումները, որոնք ծախսային քաղաքականության փոփոխության արդյունքում ենթադրում են շահառուների նոր շրջանակ,
բ. միջոցառումների գծով ծախսերը, որոնք ծախսային քաղաքականության փոփոխության արդյունքում ենթադրում են նոր ծառայությունների առաջարկներ:
3. Հայաստանի Հանրապետության հանրային իշխանության և տարածքային կառավարման մարմինների ղեկավարներին`
1) սույն որոշման 1-ին կետով հաստատված ժամանակացույցում սահմանված ժամկետներում ապահովել 2026-2028 թվականների միջնաժամկետ ծախսերի ծրագրի և 2026 թվականի բյուջետային ֆինանսավորման հայտերի կազմումը և դրանք Հայաստանի Հանրապետության ֆինանսների նախարարություն ներկայացնելը՝ վերջինիս կողմից տրամադրված մեթոդական ցուցումներին համապատասխան.
2) սույն որոշման հավելվածով հաստատված ժամանակացույցի 20-րդ կետով նախատեսված՝ ՄԺԾԾ նախագծի մշակման աշխատանքների շրջանակներում, տվյալ ոլորտներում շահագրգիռ քաղաքացիական հասարակության կազմակերպությունների հետ, բյուջետային հայտերի շուրջ քննարկումները կարող են կազմակերպել նաև առցանց ձևաչափով․
3) «Հայաստանի Հանրապետության 2026 թվականի պետական բյուջեի մասին» օրենքը Հայաստանի Հանրապետության Ազգային ժողովի կողմից հաստատվելուց հետո`
ա. եռօրյա ժամկետում Հայաստանի Հանրապետության ֆինանսների նախարարություն ներկայացնել Հայաստանի Հանրապետության 2026 թվականի պետական բյուջեով հաստատված հատկացումների եռամսյակային բաշխվածությունը՝ համապատասխան հավելվածներով,
բ. հնգօրյա ժամկետում Հայաստանի Հանրապետության ֆինանսների նախարարություն ներկայացնել 2026 թվականի ընթացքում բյուջետային հատկացումների հաշվին պետության կարիքների համար իրականացվելիք գնումների պլանը.
4) Հայաստանի Հանրապետության 2026 թվականին շինարարական աշխատանքների գծով ծախսերի համար Հայաստանի Հանրապետության ֆինանսների նախարարություն ներկայացնել սահմանված կարգով հաստատված և փորձաքննության դրական եզրակացություն ստացած նախագծանախահաշվային փաստաթղթերը՝ ներառյալ փորձաքննության դրական եզրակացությունը:
4. Առաջարկել Հայաստանի Հանրապետության նախագահի աշխատակազմի ղեկավարին, Հայաստանի Հանրապետության Ազգային ժողովի աշխատակազմի ղեկավար-գլխավոր քարտուղարին, Հայաստանի Հանրապետության սահմանադրական դատարանի նախագահին, Հայաստանի Հանրապետության բարձրագույն դատական խորհրդի նախագահին, Հայաստանի Հանրապետության գլխավոր դատախազին, Հայաստանի Հանրապետության քննչական կոմիտեի նախագահին, Հայաստանի Հանրապետության հակակոռուպցիոն կոմիտեի նախագահին, Հայաստանի Հանրապետության հաշվեքննիչ պալատի նախագահին, Հայաստանի Հանրապետության մարդու իրավունքների պաշտպանին, Հայաստանի Հանրապետության հանրային ծառայությունները կարգավորող հանձնաժողովի նախագահին, Հայաստանի Հանրապետության կենտրոնական ընտրական հանձնաժողովի նախագահին, Հեռուստատեսության և ռադիոյի հանձնաժողովի նախագահին, Մրցակցության պաշտպանության հանձնաժողովի նախագահին, Հանրային հեռարձակողի խորհրդի նախագահին, Կոռուպցիայի կանխարգելման հանձնաժողովի նախագահին և Հայաստանի Հանրապետության կենտրոնական բանկի նախագահին ղեկավարվել սույն որոշման 1-ին կետով հաստատված ժամանակացույցով:
|
Հայաստանի Հանրապետության |
Ն. Փաշինյան |
|
Երևան |
|
16.01.2025 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
|
Հավելված ՀՀ վարչապետի N 36-Ա որոշման |
Ժ Ա Մ Ա Ն Ա Կ Ա Ց ՈՒ Յ Ց
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2026 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄՇԱԿՄԱՆ ԳՈՐԾԸՆԹԱՑԻ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2026-2028 ԹՎԱԿԱՆՆԵՐԻ ՊԵՏԱԿԱՆ ՄԻՋՆԱԺԱՄԿԵՏ ԾԱԽՍԵՐԻ ԾՐԱԳՐԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2026 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՆԱԽԱԳԾԵՐԻ ՄՇԱԿՄԱՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ
|
NN ը/կ |
Կատարողները |
Կատարման ենթակա աշխատանքները և միջոցառումները |
Փաստաթղթերն ստացող հանրային իշխանության մարմինները |
Աշխատանքների և միջոցառումների կատարման սահմանային ժամկետները |
|
1. |
ՀՀ ֆինանսների նախարարություն |
ՀՀ 2026-2028 թվականների պետական միջնաժամկետ ծախսերի ծրագրի (այսուհետ` ՄԺԾԾ) ներառյալ ՀՀ 2026 թվականի պետական բյուջեի նախագծի մշակման շրջանակներում մեթոդական ցուցումների մշակում և ուղարկում` |
մինչև 2025 թ. հունվարի 16-ը | |
|
ա. պետական մարմինների ՄԺԾԾ (ներառյալ բյուջետային ֆինանսավորման) հայտերի կազմման և դրանց ներկայացման, |
ԲԳԿ հանդիսացող մարմիններ (սույն ժամանակացույցում՝ այսուհետ` հայտատու մարմիններ) |
|||
|
բ. ՄԺԾԾ նախագծի (ներառյալ ՀՀ 2026 թվականի պետական բյուջեի) հիմքում դրվող բյուջետային եկամուտների առանձին եկամտատեսակների և ոչ ֆինանսական ակտիվների հետ գործառնություններից մուտքերի կանխատեսումների կազմման և դրանց ներկայացման |
Հայտատու մարմիններ ՀՀ կենտրոնական բանկ |
|||
|
2. |
ՀՀ պետական եկամուտների կոմիտե |
«Ընկերությունների կողմից վճարվող բնապահպանական հարկի նպատակային օգտագործման մասին» ՀՀ օրենքի 1-ին հոդվածում նշված ընկերությունների (այդ թվում՝ Կառավարության 2021 թ. հուլիսի 15-ի N 1149-Ն որոշմամբ սահմանված չափանիշներին համապատասխանող այլ ընկերությունների) կողմից 2022-2024 թթ. արդյունքներով բնապահպանական հարկի՝ նույն հոդվածի համաձայն սահմանված գումարների վերաբերյալ տեղեկատվության ներկայացում |
ՀՀ ֆինանսների նախարարություն ՀՀ տարածքային կառավարման և ենթակառուցվածքների նախարարություն ՀՀ շրջակա միջավայրի նախարարություն |
մինչև 2025 թ. հունվարի 27-ը |
|
3. |
ՀՀ շրջակա միջավայրի նախարարություն |
«Ընկերությունների կողմից վճարվող բնապահպանական հարկի նպատակային օգտագործման մասին» ՀՀ օրենքի 1-ին հոդվածում նշված ընկերություններից յուրաքանչյուրի գործունեության արդյունքում վնասակար ազդեցության ենթարկվող համայնքների ցանկի ներկայացում (այն դեպքում, երբ ընկերության գործունեության արդյունքում վնասակար ազդեցության ենթարկվող համայնքների թիվը մեկից ավելի է, նաև ընկերության կողմից վճարվող բնապահպանական հարկի գումարի` այդ համայնքների միջև բաշխման համամասնությունները և դրանց հաշվարկման սկզբունքները) |
ՀՀ ֆինանսների նախարարություն ՀՀ տարածքային կառավարման և ենթակառուցվածքների նախարարություն ՀՀ մարզպետների աշխատակազմեր |
մինչև 2025 թ. հունվարի 31-ը |
|
4. |
ՀՀ ֆինանսների նախարարություն |
ՀՀ վարչապետի մոտ քննարկումների անցկացման նպատակով 2026-2028 թվականների ՄԺԾԾ հիմնական ցուցանիշների ուղենիշային մեծությունների գնահատականների ներկայացում (ըստ անհրաժեշտության) |
ՀՀ վարչապետի աշխատակազմ |
մինչև 2025 թ. փետրվարի 3-ը |
|
5. |
ՀՀ վարչապետի աշխատակազմ |
2026-2028 թվականների ՄԺԾԾ հիմնական ցուցանիշների ուղենիշային մեծությունների գնահատականների վերաբերյալ քննարկումների իրականացում, դրա հիման վրա ոլորտային ԲԳԿ-ների մասով ծախսային նախնական չափաքանակների վերաբերյալ առաջարկությունների ներկայացում (ըստ անհրաժեշտության) |
ՀՀ ֆինանսների նախարարություն Հայտատու մարմիններ |
մինչև 2025 թ. փետրվարի 7-ը |
|
6. |
ՀՀ ֆինանսների նախարարություն |
2026-2028 թվականների ՄԺԾԾ հիմնական ցուցանիշների ուղենիշային մեծությունների գնահատականների, ոլորտային ԲԳԿ-ների մասով ծախսային նախնական չափաքանակների վերաբերյալ քննարկումների արդյունքներով հայտատու մարմիններին 2026-2028 թվականների ծախսային նախնական կողմնորոշիչ չափաքանակների տրամադրում (ըստ անհրաժեշտության) |
Հայտատու մարմիններ |
մինչև 2025 թ. փետրվարի 13-ը |
|
7. |
Հայտատու մարմիններ |
Ըստ ՀՀ ֆինանսների նախարարության սահմանած ժամանակացույցի` հայտատու մարմինների հետ իրենց բյուջետային ծրագրերի ռազմավարական փաստաթղթերի հետ համապատասխանության, սահմանված նպատակներին հասնելու առաջընթացի, ծրագրերի բովանդակության և կառուցվածքի, դրանց արդյունքային ցուցանիշների, ինչպես նաև դրանց ֆինանսավորման շարունակականության նպատակահարմարության հետ կապված հարցերի շուրջ ՀՀ ֆինանսների նախարարությունում քննարկումների անցկացում |
մինչև 2025 թ. փետրվարի 14-ը | |
|
8. |
Հայտատու մարմիններ |
ՄԺԾԾ նախագծի մշակման աշխատանքների շրջանակներում ոլորտային քաղաքականության հարցերի շուրջ քննարկումների անցկացում իրենց իրավասության ներքո գտնվող ոլորտներում ծրագրերի միջոցառումները կատարող՝ ԲԳԿ չհանդիսացող պետական մարմինների հետ (այսուհետ՝ կատարող մարմիններ) |
մինչև 2025 թ. փետրվարի 20-ը (ըստ ԲԳԿ հանդիսացող պետական մարմինների սահմանած ժամանակացույցի) | |
|
9. |
ՀՀ ֆինանսների նախարարություն |
Համայնքների 2026-2028 թվականների միջնաժամկետ ծախսային ծրագրերի նախագծերի և 2026 թվականի բյուջեների նախագծերի մշակման մեթոդական ցուցումների մշակում և ուղարկում |
ՀՀ տարածքային կառավարման և ենթակառուցվածքների նախարարության միջոցով՝ տեղական ինքնակառավարման մարմիններ |
մինչև 2025 թ. փետրվարի 24-ը |
|
10. |
Հայտատու մարմիններ (յուրաքանչյուրը՝ իրեն վերապահված իրավասության մասով, ընդ որում ՀՀ տարածքային կառավարման մարմինները` ՀՀ տարածքային կառավարման և ենթակառուցվածքների նախարարության հետ համաձայնեցված), ՀՀ կենտրոնական բանկ |
ՄԺԾԾ նախագծի հիմքում դրվող բյուջետային մուտքերի, այդ թվում՝ բյուջետային եկամուտների առանձին եկամտատեսակներից և ոչ ֆինանսական ակտիվների հետ գործառնություններից մուտքերի կանխատեսումների ներկայացում |
ՀՀ ֆինանսների նախարարություն |
մինչև 2025 թ. փետրվարի 26-ը |
|
11. |
Հայտատու մարմիններ |
Օտարերկրյա պետությունների ու միջազգային ֆինանսական կազմակերպությունների և այլ անձանց կողմից Հայաստանի Հանրապետությանը տրամադրված դրամաշնորհների՝ իրենց համակարգում 2026-2028 թվականներին օգտագործման մասին կանխատեսումների կազմում և ներկայացում |
ՀՀ ֆինանսների նախարարություն |
մինչև 2025 թ. փետրվարի 26-ը |
|
12. |
Հայտատու մարմիններ, ՀՀ կենտրոնական բանկ |
ՄԺԾԾ նախագծի հիմքում դրվող մակրոտնտեսական ցուցանիշների կանխատեսման նպատակով՝ իրենց ոլորտի հիմնական ցուցանիշների վերաբերյալ կանխատեսումների ներկայացում |
ՀՀ ֆինանսների նախարարություն |
մինչև 2025 թ. փետրվարի 28-ը |
|
13. |
Հայտատու մարմիններ |
Առաջնորդվելով ՀՀ ֆինանսների նախարարության կողմից տրամադրված մեթոդական ցուցումներով՝ մշակել և ներկայացնել իրենց 2026-2028 թվականների ՄԺԾԾ հայտերը: Հայտերում ծախսային առաջարկները ներկայացվում են ըստ հետևյալ ուղղությունների՝ 1) գոյություն ունեցող միջոցառումների գծով ծախսերը ծախսային քաղաքականության անփոփոխ մնալու պայմաններում՝ ճշգրտված նախորդ բյուջետային տարվա փաստացի կատարողականով և հայտատուից անկախ ծախսային գործոնների ազդեցությամբ (բազային բյուջե). 2) նոր նախաձեռնությունները: Հայտերում ծախսերի գծով առաջարկությունները ներկայացվում են ինչպես ամփոփ՝ ըստ ԲԳԿ-ի, այնպես էլ բացված՝ ըստ տվյալ ոլորտում ծրագրերի միջոցառումներն իրականացնող՝ ԲԳԿ չհանդիսացող կատարող մարմինների) |
ՀՀ ֆինանսների նախարարություն |
1) մինչև 2025 թ. (բազային բյուջեի մասով) 2) մինչև 2025 թ. (ընդլայնումների և նոր նախաձեռնությունների մասով) |
|
14. |
ՀՀ հանրային իշխանության և տարածքային կառավարման մարմիններ` ըստ ՀՀ ֆինանսների նախարարության ներկայացրած հարցումների |
Ըստ ՀՀ ֆինանսների նախարարության կողմից ներկայացված ցանկի` ՄԺԾԾ մշակման համար լրացուցիչ տեղեկատվության տրամադրում |
ՀՀ ֆինանսների նախարարություն |
ըստ ՀՀ ֆինանսների նախարարության հարցումներում նշված պարբերականության (ժամկետների) |
|
15. |
Հայտատու մարմիններ |
Սույն ժամանակացույցի 13-րդ կետի համաձայն հայտատու մարմինների կողմից ՀՀ ֆինանսների նախարարություն ներկայացված՝ 2026-2028 թթ. ՄԺԾԾ հայտի և ըստ անհրաժեշտության այլ պարզաբանող նյութերի հրապարակում հայտատու մարմինների ինտերնետային կայքերում |
մինչև 2025 թ. մարտի 10-ը, փոփոխությունների պարբերաբար թարմացմամբ | |
|
16. |
ՀՀ ֆինանսների նախարարություն |
ՄԺԾԾ նախագծի հիմքում դրվող մակրոտնտեսական ցուցանիշների և հարկաբյուջետային շրջանակների մշակում (քննարկելով ՀՀ կենտրոնական բանկի հետ) և ներկայացում |
ՀՀ կենտրոնական բանկ ՀՀ էկոնոմիկայի նախարարություն ՀՀ պետական եկամուտների կոմիտե |
մինչև 2025 թ. մարտի 28-ը |
|
17. |
ՀՀ ֆինանսների նախարարություն |
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 20-րդ հոդվածի 2-րդ մասին համապատասխան համայնքների 2026-2028 թվականների բյուջեներին ֆինանսական համահարթեցման սկզբունքով պետական բյուջեից հատկացվող դոտացիաների ընդհանուր գումարի նախնական չափերի հաշվարկում և ներկայացում |
ՀՀ տարածքային կառավարման և ենթակառուցվածքների նախարարություն |
մինչև 2025 թ. ապրիլի 1-ը |
|
18. |
ՀՀ ոստիկանություն ՀՀ համայնքներ Այլ մարմիններ (ըստ անհրաժեշտության) |
ՀՀ համայնքների բյուջեներին ՀՀ 2026-2028 թվականների պետական բյուջեից տրամադրվելիք ֆինանսական համահարթեցման դոտացիաների (ըստ անհրաժեշտության նաև համայնքների եկամուտների կորուստների փոխհատուցման) գումարների հաշվարկման մեջ օգտագործվող` համայնքներին վերաբերող ելակետային տվյալների տրամադրում |
ՀՀ տարածքային կառավարման և ենթակառուցվածքների նախարարություն |
ՀՀ տարածքային կառավարման և ենթակառուցվածքների նախարարության սահմանած ժամկետներում |
|
19. |
ՀՀ տարածքային կառավարման և ենթակառուցվածքների նախարարություն |
ՀՀ 2026 թվականի պետական բյուջեից ՀՀ համայնքների բյուջեներին տրամադրվելիք ֆինանսական համահարթեցման դոտացիաների (ըստ անհրաժեշտության նաև համայնքների եկամուտների կորուստների փոխհատուցման) հաշվարկներում օգտագործման համար ստացված` պետական մարմինների կողմից հաշվառվող ելակետային տվյալների մասին տեղական ինքնակառավարման մարմիններ ծանուցումների ուղարկում |
ՀՀ մարզպետների աշխատակազմեր (տեղական ինքնակառավարման մարմիններին տրամադրելու համար) |
նշված տվյալներն ամբողջական ձևով ստանալու օրվանից 10-օրյա ժամկետում |
|
20. |
Հայտատու մարմիններ |
ՄԺԾԾ նախագծի մշակման աշխատանքների շրջանակներում բյուջետային հայտերի շուրջ քննարկումների անցկացում իրենց իրավասության ներքո գտնվող ոլորտներում շահագրգիռ քաղաքացիական հասարակության կազմակերպությունների հետ, քննարկումների արդյունքների վերաբերյալ (ներառյալ ներկայացված դիտողությունները և առաջարկություններն ընդունելու կամ մերժելու վերաբերյալ ամփոփաթերթ) տեղեկատվության հրապարակում հայտատու մարմինների ինտերնետային կայքերում և ներկայացում ՀՀ ֆինանսների նախարարություն |
ՀՀ ֆինանսների նախարարություն |
մինչև 2025 թ. ապրիլի 10-ը |
|
21. |
ՀՀ ֆինանսների նախարարություն |
ՄԺԾԾ նախագծի հիմքում դրվող մակրոտնտեսական ցուցանիշների, հարկաբյուջետային շրջանակների վերաբերյալ առաջարկությունների ներկայացում և համաձայնեցում |
ՀՀ վարչապետի աշխատակազմ |
մինչև 2025 թ. ապրիլի 10-ը |
|
22. |
Հայտատու մարմիններ, ՀՀ ֆինանսների նախարարություն |
Հայտատու մարմինների կողմից ներկայացված ՄԺԾԾ հայտերի շուրջ ՀՀ վարչապետի մոտ քննարկումների անցկացում (ըստ անհրաժեշտության) |
մինչև 2025 թ. մայիսի 6-ը | |
|
23. |
Հայտատու մարմիններ |
ՀՀ վարչապետի մոտ ժամանակացույցի 22-րդ կետով նախատեսված քննարկման արդյունքներով ավարտուն տեսքի բերված` ՄԺԾԾ հայտերի մշակում և ներկայացում (ներառյալ տարածքային կտրվածքով` առանձնացված ըստ Երևան քաղաքի և առանձին մարզերի) |
ՀՀ ֆինանսների նախարարություն |
յուրաքանչյուր քննարկումից հետո՝ երեք աշխատանքային օրվա ընթացքում |
|
24. |
ՀՀ ֆինանսների նախարարություն |
ՄԺԾԾ նախագծի (վերջնական տարբերակի կազմում և ներկայացում |
ՀՀ վարչապետի աշխատակազմ |
մինչև 2025 թ. մայիսի 26-ը |
|
25. |
ՀՀ կառավարություն |
ՄԺԾԾ նախագծի քննարկում և հաստատում |
մինչև 2025 թ. մայիսի 29 -ը | |
|
26. |
ՀՀ տարածքային կառավարման և ենթակառուցվածքների նախարարություն |
2026-2028 թվականների համար ըստ առանձին համայնքների տրամադրվող ֆինանսական համահարթեցման դոտացիաների նախնական գումարների հաշվարկում և հրապարակում ՀՀ տարածքային կառավարման և ենթակառուցվածքների նախարարության ինտերնետային կայքում |
մինչև 2025 թ. մայիսի 30-ը | |
|
27. |
ՀՀ վարչապետի աշխատակազմ |
ՀՀ կառավարության կողմից հաստատված ՄԺԾԾ ներկայացում ՀՀ Ազգային ժողով՝ ի գիտություն |
ՀՀ Ազգային ժողով |
մինչև 2025 թ. հունիսի 3-ը |
|
28. |
Հայտատու մարմիններ, ՀՀ ֆինանսների նախարարություն |
ՄԺԾԾ հիմքում դրված ծախսային հաշվարկ-հիմնավորումների և ըստ անհրաժեշտության այլ պարզաբանող նյութերի հրապարակում հայտատու մարմինների ինտերնետային կայքերում |
մինչև 2025 թ. հունիսի 5-ը | |
|
29. |
«Ընկերությունների կողմից վճարվող բնապահպանական հարկի նպատակային օգտագործման մասին» ՀՀ օրենքի գործողության շրջանակներում ընդգրկված համայնքների ղեկավարներ` ՀՀ տարածքային կառավարման մարմինների միջոցով |
«Ընկերությունների կողմից վճարվող բնապահպանական հարկի նպատակային օգտագործման մասին» ՀՀ օրենքի պահանջների համաձայն ՀՀ համապատասխան համայնքների կողմից ՀՀ շրջակա միջավայրի նախարարության և ՀՀ առողջապահության նախարարության հետ համաձայնեցված և համայնքի ավագանու կողմից հաստատված բնապահպանական ծրագրերը և դրանց գծով ՀՀ 2026 թվականի պետական բյուջեից սուբվենցիաներ ստանալու մասին հայտերը ներկայացնելը |
ՀՀ շրջակա միջավայրի նախարարություն |
մինչև 2025 թ. օգոստոսի 1-ը |
|
30. |
ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտե |
Պետական իշխանության մարմինների տիրապետմանը և օգտագործմանը հանձնված (ամրացված) գույքի շուկայական արժեքին մոտարկված կադաստրային արժեքն ստանալու նպատակով պետական գույքի հաշվառման համակարգից պետական իշխանության մարմինների վարչական շենքերի վերաբերյալ անհրաժեշտ ամբողջական տեղեկատվության տրամադրում |
ՀՀ կադաստրի կոմիտե |
մինչև 2025 թ. օգոստոսի 4-ը |
|
31. |
Հայտատու մարմիններ |
Հայտատու մարմինների 2026 թվականի բյուջետային հայտը՝ ներառյալ 2027-2028 թվականների թարմացված հայտերը, ինչպես նաև 2026 թվականի ծախսերի այլընտրանքային սցենարների ներկայացում՝ ՀՀ ֆինանսների նախարարության ցուցումներին համապատասխան |
ՀՀ ֆինանսների նախարարություն |
մինչև 2025 թ. օգոստոսի 7-ը |
|
32. |
Հայտատու մարմիններ ՀՀ կենտրոնական բանկ |
Իրենց ոլորտի հիմնական ցուցանիշների վերաբերյալ 2026 թվականի և հաստատված ՄԺԾԾ-ի՝ 2027-2028 թվականների թարմացված կանխատեսումների ներկայացում |
ՀՀ ֆինանսների նախարարություն |
մինչև 2025 թ. օգոստոսի 8-ը |
|
33. |
Հայտատու մարմիններ (յուրաքանչյուրը՝ իրեն վերապահված իրավասության մասով, ընդ որում ՀՀ տարածքային կառավարման մարմինները` ՀՀ տարածքային կառավարման և ենթակառուցվածքների նախարարության հետ համաձայնեցված), ՀՀ կենտրոնական բանկ |
ՀՀ 2026 թվականի պետական բյուջեի նախագծի հիմքում դրվող բյուջետային մուտքերի, այդ թվում՝ բյուջետային եկամուտների առանձին եկամտատեսակներից և ոչ ֆինանսական ակտիվների հետ գործառնություններից մուտքերի, ինչպես նաև հաստատված ՄԺԾԾ-ի՝ 2027-2028 թվականների թարմացված կանխատեսումների ներկայացում |
ՀՀ ֆինանսների նախարարություն |
մինչև 2025 թ. օգոստոսի 8-ը |
|
34. |
ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտե |
ՀՀ կադաստրի կոմիտեի կողմից սույն ժամանակացույցի 30-րդ կետով ստացված տվյալների հիման վրա պետական իշխանության մարմինների տիրապետմանը և օգտագործմանը հանձնված (ամրացված) գույքի մոտարկված վարձակալական արժեքն արտացոլող հավելվածի 2026-2028 թվականների կտրվածքով կազմում և ներկայացում |
ՀՀ ֆինանսների նախարարություն |
մինչև 2025 թ. սեպտեմբերի 2-ը |
|
35. |
Հայտատու մարմիններ ՀՀ կենտրոնական բանկ |
ՀՀ կառավարության 2026 թվականի պետական բյուջեի ուղերձի մասը կազմող` 2026 թվականի սոցիալ-տնտեսական զարգացման և հարկաբյուջետային քաղաքականության հիմնական ուղղությունների մասին ՀՀ կառավարության զեկույցի՝ իրենց իրավասությանը վերաբերող համապատասխան հատվածների նախագծերի մշակում, ինչպես նաև հաստատված ՄԺԾԾ-ի 2027-2028 թվականների համար թարմացված հատվածի ներկայացում (մինչև 5 էջի սահմաններում) |
ՀՀ ֆինանսների նախարարություն |
մինչև 2025 թ. սեպտեմբերի 2-ը |
|
36. |
Հայտատու մարմիններ (յուրաքանչյուրը՝ իրեն վերապահված իրավասության մասով) ՀՀ կենտրոնական բանկ |
ՀՀ 2026 թվականի պետական բյուջեի կատարումն ապահովող ՀՀ օրենքների նախագծերի մշակում (ըստ անհրաժեշտության) և ներկայացում |
ՀՀ վարչապետի աշխատակազմ |
մինչև 2025 թ. սեպտեմբերի 2-ը |
|
37. |
ՀՀ արդարադատության նախարարություն ՀՀ տարածքային կառավարման և ենթակառուցվածքների նախարարություն ՀՀ մարզպետների աշխատակազմեր ՀՀ համայնքների ղեկավարներ (յուրաքանչյուր մարմինը` իրեն վերապահված իրավասության մասով) |
«Համայնքի բյուջեի եկամուտները նվազեցնող` Հայաստանի Հանրապետության օրենքների կիրարկման արդյունքում համայնքի բյուջեի եկամուտների կորուստները պետության կողմից փոխհատուցելու կարգի մասին» ՀՀ օրենքի կիրարկման 2026 թվականի գործընթացի իրականացման ապահովում |
ՀՀ ֆինանսների նախարարություն |
«Համայնքի բյուջեի եկամուտները նվազեցնող` ՀՀ օրենքների կիրարկման արդյունքում համայնքի բյուջեի եկամուտների կորուստները պետության կողմից փոխհատուցելու կարգի մասին» ՀՀ օրենքով և ՀՀ ֆինանսների նախարարության կողմից սահմանված ժամկետներում (օրենքով նախատեսված դեպքում) |
|
38. |
ՀՀ ֆինանսների նախարարություն |
ՀՀ 2026 թվականի պետական բյուջեից ՀՀ համայնքներին տրամադրվող ֆինանսական համահարթեցման դոտացիաների գումարների հաշվարկման համար «Համայնքի բյուջեի եկամուտները նվազեցնող` Հայաստանի Հանրապետության օրենքների կիրարկման արդյունքում համայնքի բյուջեի եկամուտների կորուստները պետության կողմից փոխհատուցելու կարգի մասին» ՀՀ օրենքի համապատասխան որոշված կորուստների գումարների հաշվարկում և տրամադրում |
ՀՀ տարածքային կառավարման և ենթակառուցվածքների նախարարություն |
մինչև 2025 թ. սեպտեմբերի 2-ը |
|
39. |
ՀՀ կենտրոնական բանկ |
ՀՀ կենտրոնական բանկի 2026 թվականի կապիտալ ներդրումների ծրագրի և վարչական ծախսերի նախահաշիվների նախագծերը` հիմնավորումների հետ միասին ներկայացում (նաև 2026 թվականի համար բանկի կողմից ծրագրավորվող ցուցանիշների համեմատականը 2025 թվականի համար հաստատված, սպասողական և 2024 թվականի փաստացի համապատասխան ցուցանիշների հետ` ըստ «Հայաստանի Հանրապետության 2025 թվականի պետական բյուջեի մասին» ՀՀ օրենքով հաստատված ծախսային հոդվածների գծով բանկի բացատրագրում նշվող ծախսերի առանձին տարրերի և դրանց նկատմամբ առաջիկա տարվա համար ծրագրավորվող ցուցանիշների փոփոխման բացատրությունը) |
ՀՀ ֆինանսների նախարարություն |
մինչև 2025 թ. սեպտեմբերի 5-ը |
|
40. |
ՀՀ ֆինանսների նախարարություն |
2026-2028 թվականների մակրոտնտեսական ցուցանիշների և հարկաբյուջետային շրջանակների վերանայում (թարմացում) և ներկայացում |
ՀՀ վարչապետի աշխատակազմ |
մինչև 2025 թ. սեպտեմբերի 9-ը |
|
41. |
ՀՀ տարածքային կառավարման և ենթակառուցվածքների նախարարություն |
ՀՀ 2026 թվականի պետական բյուջեից ՀՀ համայնքներին տրամադրվող ֆինանսական համահարթեցման դոտացիաների գումարների հաշվարկում և ներկայացում |
ՀՀ ֆինանսների նախարարություն |
մինչև 2025 թ. սեպտեմբերի 9-ը |
|
42. |
ՀՀ պետական մարմիններ (ՀՀ օրենքներով նախատեսված լինելու դեպքում) |
ՀՀ օրենքների պահանջների համաձայն ՀՀ 2026 թ. պետական բյուջեի նախագծի հետ միասին կամ նշված նախագծի կազմի մեջ ՀՀ Ազգային ժողով ներկայացնելու ենթակա ծրագրերի նախագծերի մշակում և սահմանված կարգով ՀՀ կառավարության հավանությունն ստանալու համար ներկայացում |
ՀՀ վարչապետի աշխատակազմ |
մինչև 2025 թ. սեպտեմբերի 9-ը |
|
43. |
ՀՀ պետական եկամուտների կոմիտե |
2026 թվականի պետական բյուջեի հարկային ծախսերի մեծության գնահատմանը վերաբերող մասերի մշակում, ինչպես նաև հաստատված ՄԺԾԾ-ի՝ 2027-2028 թվականների համար թարմացված գնահատումների ներկայացում |
ՀՀ ֆինանսների նախարարություն |
մինչև 2025 թ. սեպտեմբերի 15-ը |
|
44. |
Հայտատու մարմիններ |
Ապահովել ՀՀ 2026 թվականի պետական բյուջեի կատարումն ապահովող ՀՀ օրենքների նախագծերի ներկայացումը ՀՀ կառավարության քննարկմանը |
ՀՀ վարչապետի աշխատակազմ |
մինչև 2025 թ. սեպտեմբերի 15-ը |
|
45. |
Հայտատու մարմիններ ՀՀ ֆինանսների նախարարություն |
Հայտատու մարմինների՝ 2026 թվականի, ինչպես նաև հաստատված ՄԺԾԾ-ի՝ 2027-2028 թվականների համար թարմացված բյուջետային ֆինանսավորման հայտերի, դրանց գծով առաջարկվող ֆինանսավորման չափերի, մակրոտնտեսական ցուցանիշների, բյուջետային եկամուտների, ծախսերի և դեֆիցիտի կանխատեսումների քննարկում և համաձայնեցում ՀՀ վարչապետի մոտ |
ՀՀ վարչապետի աշխատակազմ |
մինչև 2025 թ. սեպտեմբերի 15-ը |
|
46. |
ՀՀ ֆինանսների նախարարություն |
ՀՀ 2026 թվականի պետական բյուջեի նախագծի մշակում և ներկայացում |
ՀՀ վարչապետի աշխատակազմ |
մինչև 2025 թ. սեպտեմբերի 23-ը |
|
47. |
ՀՀ կառավարություն |
ՀՀ 2026 թվականի պետական բյուջեի նախագծի քննարկում և այն ՀՀ Ազգային ժողով ներկայացնելու մասին որոշման ընդունում |
x |
մինչև 2025 թ. սեպտեմբերի 26-ը |
|
48. |
ՀՀ կենտրոնական բանկ |
ՀՀ 2026 թվականի պետական բյուջեի նախագծի վերաբերյալ ՀՀ կենտրոնական բանկի պաշտոնական եզրակացության ներկայացում |
ՀՀ կառավարություն |
մինչև 2025 թ. սեպտեմբերի 26-ը |
|
49. |
ՀՀ վարչապետի աշխատակազմ |
ՀՀ կառավարության հավանությանն արժանացած ՀՀ 2026 թվականի պետական բյուջեի նախագծի և դրա հետ միասին ՀՀ օրենքների պահանջների համաձայն այլ նյութերի ներկայացում |
ՀՀ Ազգային ժողով |
մինչև 2025 թ. սեպտեմբերի 30-ը |
|
50. |
ՀՀ ֆինանսների նախարարություն |
«Հայաստանի Հանրապետության 2026 թվականի պետական բյուջեի մասին» ՀՀ օրենքի նախագծի (բացառությամբ պետական գաղտնիք պարունակող հարցերի)՝ օրենքով սահմանված կարգով հրապարակում |
ՀՀ 2026 թվականի պետական բյուջեի նախագիծը ՀՀ Ազգային ժողով ներկայացնելու օրվանից եռօրյա ժամկետում | |
|
51. |
ՀՀ ֆինանսների նախարարություն |
ՀՀ 2026 թվականի «Քաղաքացու Բյուջեի նախագծի» նախնական տարբերակի մշակում և տեղադրում ՀՀ ֆինանսների նախարարության ինտերնետային կայքում |
ՀՀ 2026 թվականի պետական բյուջեի նախագիծը ՀՀ Ազգային ժողով ներկայացնելու օրվանից եռօրյա ժամկետում | |
|
52. |
ՀՀ ֆինանսների նախարարություն |
«Հայաստանի Հանրապետության 2026 թվականի պետական բյուջեի մասին» ՀՀ օրենքի նախագծի հանրային քննարկումների արդյունքներով կազմված ամփոփաթերթի և նշված օրենքի նախագծի լրամշակված տարբերակի, ինչպես նաև 2026 թվականի «Քաղաքացու Բյուջեի նախագիծ» լրամշակված տարբերակի տեղադրում ՀՀ ֆինանսների նախարարության ինտերնետային կայքում |
ՀՀ կառավարության կողմից 2026 թվականի պետական բյուջեի նախագծի վերջնական տարբերակը ՀՀ Ազգային ժողով ներկայացնելուն հաջորդող օրը | |
|
53. |
ՀՀ հանրային իշխանության մարմիններ` ըստ ՀՀ ֆինանսների նախարարության ներկայացված ցանկի |
ՀՀ ֆինանսների նախարարության կողմից տրամադրված ձևաչափի համաձայն` 2026 թվականի «Քաղաքացու Բյուջե»-ի (յուրաքանչյուրը՝ իր ոլորտային մասի) ներկայացում |
ՀՀ ֆինանսների նախարարություն |
«Հայաստանի Հանրապետության 2026 թվականի պետական բյուջեի մասին» ՀՀ օրենքը ՀՀ Ազգային ժողովի կողմից ընդունվելուց հետո՝ տասնօրյա ժամկետում |
|
54. |
ՀՀ ֆինանսների նախարարություն |
ՀՀ 2026 թվականի «Քաղաքացու Բյուջե»-ի մշակում և հանրայնացում |
«Հայաստանի Հանրապետության 2026 թվականի պետական բյուջեի մասին» ՀՀ օրենքի պաշտոնական հրապարակումից հետո՝ մեկամսյա ժամկետում | |
|
55. |
ՀՀ տարածքային կառավարման և ենթակառուցվածքների նախարարություն |
ՀՀ համայնքների բյուջեներին ՀՀ 2026 թվականի պետական բյուջեից տրվելիք հատկացումների չափերի մասին ՀՀ տեղական ինքնակառավարման մարմիններին տեղեկությունների (ներառյալ ֆինանսական համահարթեցման դոտացիաների գումարների հաշվարկման մեթոդաբանությունը) տրամադրում |
ՀՀ մարզպետների աշխատակազմեր (տեղական ինքնակառավարման մարմիններին տրամադրելու համար) |
«Հայաստանի Հանրապետության 2026 թվականի պետական բյուջեի մասին» ՀՀ օրենքի պաշտոնական հրապարակումից հետո՝ մեկամսյա ժամկետում |
|
Հայաստանի Հանրապետության |
Ա. Հարությունյան |
|
16.01.2025 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |