ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

Ո Ր Ո Շ ՈՒ Մ

Ղեկավարվելով «Բաժնետիրական ընկերությունների մասին» օրենքի 15-րդ, 18-րդ, 20-րդ հոդվածներով և 67-րդ հոդվածի 1-ին մասի 1-ին և 2-րդ կետերով, «Երևան քաղաքում տեղական ինքնակառավարման մասին» օրենքի 12-րդ հոդվածի 1-ին մասի 14-րդ և 23-րդ կետերով`

Երևան քաղաքի ավագանին որոշում է.

 1. «Թիվ 19 պոլիկլինիկա» փակ բաժնետիրական ընկերությունն անվանափոխել «Մալաթիա-Սեբաստիա առողջության կենտրոն» փակ բաժնետիրական ընկերության:

2. Հաստատել «Թիվ 19 պոլիկլինիկա» փակ բաժնետիրական ընկերության կանոնադրության փոփոխությունը՝ համաձայն հավելվածի:

3. «Մալաթիա-Սեբաստիա» մանկական առողջության կենտրոն փակ բաժնետիրական ընկերությունը վերակազմակերպել՝ միացնելով «Թիվ 19 պոլիկլինիկա» փակ բաժնետիրական ընկերությանը (անվանափոխված՝ «Մալաթիա-Սեբաստիա առողջության կենտրոն» փակ բաժնետիրական ընկերություն):

4. Սահմանել, որ «Մալաթիա-Սեբաստիա» մանկական առողջության կենտրոն փակ բաժնետիրական ընկերության իրավահաջորդը «Թիվ 19 պոլիկլինիկա» փակ բաժնետիրական ընկերությունն է (անվանափոխված՝ «Մալաթիա-Սեբաստիա առողջության կենտրոն» փակ բաժնետիրական ընկերություն), վերջինիս են անցնում միացված իրավաբանական անձի իրավունքներն ու պարտականությունները` փոխանցման ակտին համապատասխան:

5. Առաջարկել Երևանի քաղաքապետին` սահմանված կարգին համապատասխան ապահովել «Մալաթիա-Սեբաստիա» մանկական կենտրոն փակ բաժնետիրական ընկերության վերակազմակերպման գործընթացի իրականացումը՝ այդ թվում՝ միացման պայմանագրի և փոխանցման ակտի հաստատումը:

Հավելված Կազմված է 18.12.2024թ. և բաղկացած է 2 թերթից Տպագրված է ընդամենը 4 օրինակ   ՕՐԻՆԱԿ _____

Հ Ա Ս Տ Ա Տ Վ Ա Ծ  Է   Երևան քաղաքի ավագանու 24.12.2024թ. թիվ 255-Ա որոշմամբ   Երևանի քաղաքապետ՝ ՏԻԳՐԱՆ ԱՎԻՆՅԱՆ

Գ Ր Ա Ն Ց Վ Ա Ծ  Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԻՐԱՎԱԲԱՆԱԿԱՆ ԱՆՁՆԱՑ ՊԵՏԱԿԱՆ ՌԵԳԻՍՏՐԻ ԿՈՂՄԻՑ 25.01.2002թ. գրանցման համար` 222.120.00027 հարկ վճարողի հաշվառման համար՝ 01806173 21.05.2010թ. գրանցված կանոնադրության Թիվ ——— փոփոխությունը գրանցված է իրավաբանական անձանց պետական ռեգիստրի կողմից “_____”_____________ 2024 թ.   Աշխատակից՝ ____________________ _________________

«ԹԻՎ 19 ՊՈԼԻԿԼԻՆԻԿԱ» 

Կ Ա Ն Ո Ն Ա Դ Ր ՈՒ Թ Յ ՈՒ Ն

(փոփոխություն)

2024 թ.

1. «ԹԻՎ 19 ՊՈԼԻԿԼԻՆԻԿԱ» փակ բաժնետիրական ընկերության կանոնադրության (այսուհետ՝ Կանոնադրություն) մեջ կատարել հետևյալ փոփոխությունները.

1) Կանոնադրության տիտղոսաթերթի վրա «ԹԻՎ 19 ՊՈԼԻԿԼԻՆԻԿԱ» բառերը փոխարինել «ՄԱԼԱԹԻԱ-ՍԵԲԱՍՏԻԱ ԱՌՈՂՋՈՒԹՅԱՆ ԿԵՆՏՐՈՆ» բառերով.

2) Կանոնադրության 1․1-ին կետում ««ԹԻՎ 19 ՊՈԼԻԿԼԻՆԻԿԱ» փակ բաժնետիրական ընկերությունը (հետագայում ընկերություն)» բառերը փոխարինել «ՄԱԼԱԹԻԱ-ՍԵԲԱՍՏԻԱ ԱՌՈՂՋՈՒԹՅԱՆ ԿԵՆՏՐՈՆ» փակ բաժնետիրական ընկերությունը (նախկին անվանումը՝ «ԹԻՎ 19 ՊՈԼԻԿԼԻՆԻԿԱ» փակ բաժնետիրական ընկերություն, հետագայում՝ Ընկերություն)» բառերով.

3) Կանոնադրության 1.7-րդ կետը շարադրել հետևյալ խմբագրությամբ՝

«1.7. Ընկերության ֆիրմային անվանումն է՝

հայերեն լրիվ՝ «ՄԱԼԱԹԻԱ-ՍԵԲԱՍՏԻԱ ԱՌՈՂՋՈՒԹՅԱՆ ԿԵՆՏՐՈՆ» փակ բաժնետիրական ընկերություն

կրճատ՝ «ՄԱԼԱԹԻԱ-ՍԵԲԱՍՏԻԱ ԱԿ» ՓԲԸ

ռուսերեն լրիվ՝ Закрытое Акционерное Общество '' ЦЕНТР ЗДОРОВЬЯ МАЛАТИЯ-СЕБАСТИЯ ''

կրճատ` ЗАО '' ЦЗ МАЛАТИЯ-СЕБАСТИЯ''

անգլերեն լրիվ՝ “MALATIA-SEBASTIA HEALTH CENTER” Closed joint-stock company

կրճատ՝ “MALATIA-SEBASTIA HC” Closed J-S Company»:

2. Սույն փոփոխությունը հանդիսանում է «ԹԻՎ 19 ՊՈԼԻԿԼԻՆԻԿԱ» փակ բաժնետիրական ընկերության 21.05.2010 թվականին գրանցված կանոնադրության բաղկացուցիչ մասը: