ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2010 թվականի դեկտեմբերի 8-ին

«ՀԱՍՏԱՏԱԳՐՎԱԾ ՎՃԱՐՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Հաստատագրված վճարների մասին» Հայաստանի Հանրապետության 1998 թվականի հուլիսի 7-ի ՀՕ-236 օրենքի 10-րդ հոդվածում`

1) 6-րդ մասը լրացնել հետևյալ բովանդակությամբ նոր նախադասությունով. «Դիմումի ձևը հաստատում է վերադաս հարկային մարմինը:».

2) 7-րդ մասը լրացնել հետևյալ բովանդակությամբ նոր նախադասությունով. «Դիմումի ձևը հաստատում է վերադաս հարկային մարմինը:»:

Հոդված 2. Օրենքի 15-րդ հոդվածում`

1) 1-ին մասից հանել «հաշվապահական հաշվեկշիռ և ֆինանսական արդյունքների մասին հաշվետվություն,» բառերը.

2) 2-րդ մասից հանել «շահութահարկի և» բառերը:

Հոդված 3. Սույն օրենքն ուժի մեջ է մտնում 2011 թվականի հունվարի 1-ից: