ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հունվարի 2025 թվականի N 52-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ԴԵԿՏԵՄԲԵՐԻ 29-Ի N 2335-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի դեկտեմբերի 29-ի «Գործուղման մեկնած աշխատողների գործուղման ծախսերի չափերի հաշվարկման և հատուցման վճարման կարգը, հատուցման համար կատարվող վճարումների նվազագույն և առավելագույն չափերը, օտարերկրյա պետություններ ուսման կամ ծառայության գործուղված Հայաստանի Հանրապետության պաշտպանության նախարարության համակարգի զինծառայողի և նրա ընտանիքի անդամների, օտարերկրյա պետությունում գործող դիվանագիտական ծառայության մարմին ծառայության մեկնող դիվանագետի և նրա ընտանիքի անդամների` Հայաստանի Հանրապետությունից օտարերկրյա պետություն մեկնելու կամ օտարերկրյա պետությունից Հայաստանի Հանրապետություն վերադառնալու տրանսպորտային ծախսերի, ինչպես նաև օտարերկրյա պետությունում բնակարանի համար դրամական փոխհատուցման կարգերն ու չափերը հաստատելու մասին» N 2335-Ն որոշման (այսուհետ՝ որոշում) մեջ կատարել հետևյալ փոփոխությունները՝

1) որոշման 1-ին կետի «բ» պարբերությունը շարադրել հետևյալ խմբագրությամբ.

«բ) Հայաստանի Հանրապետության տարածքում գործուղման մեկնած աշխատողների գործուղման ծախսերի նվազագույն չափը և պետական ու համայնքային բյուջեների միջոցներից հատկացվող գործուղման ծախսերի նվազագույն և առավելագույն չափերը` համաձայն N 2 հավելվածի.».

2) որոշման N 1 հավելվածի՝

ա. 10-րդ կետը շարադրել հետևյալ խմբագրությամբ.

«10. Ոչ պետական և ոչ համայնքի բյուջեներից ֆինանսավորման դեպքում Հայաստանի Հանրապետության տարածքում գործուղման դեպքում գործուղման ծախսերի` սույն որոշման N 2 հավելվածով, իսկ օտարերկրյա պետություններ գործուղման դեպքում ցանկով նախատեսված չափերը համարվում են նվազագույն չափեր:»,

բ. 3-րդ գլխի վերնագիրը, 21-րդ և 22-րդ կետերը շարադրել հետևյալ խմբագրությամբ.

«III. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՒՂՎՈՂ ԱՇԽԱՏՈՂՆԵՐԻ ԳՈՐԾՈՒՂՄԱՆ ԾԱԽՍԵՐԻ ՀԱՏՈՒՑՈՒՄԸ

21. Հայաստանի Հանրապետության տարածքում գործուղման մեկնած աշխատողին գործուղում մեկնելուց առաջ օրապահիկը վճարվում է ամբողջությամբ, գիշերավարձը և ճանապարհածախսը` սույն կարգով սահմանված նվազագույն գումարի չափով: Պետական և համայնքի բյուջեների միջոցներից հատկացվող օրապահիկի ծախսերի չափը` 5000 դրամը, համարվում է նվազագույն, որը նաև առավելագույն է: Գործուղումից վերադառնալուց և աշխատանքի ներկայանալուց հետո գործուղման ծախսերը հաստատող փաստաթղթերը ներկայացվելու դեպքում 5 աշխատանքային օրվա ընթացքում հատուցման ենթակա է համարվում գիշերավարձի և ճանապարհածախսի գումարի տարբերությունը, բայց ոչ ավելի, քան սույն կարգով սահմանված առավելագույն չափը:

22. Հայաստանի Հանրապետության տարածքում գործուղվող աշխատողի համար ճանապարհածախսի նվազագույն չափ է համարվում աշխատանքի հիմնական վայրից դեպի գործուղման վայր հասնելու համար անհրաժեշտ գործող միջմարզային կամ միջպետական ավտոբուսային երթուղիների սակագները: Պետական և համայնքային բյուջեների միջոցներից ֆինանսավորման դեպքում առավելագույն չափ է համարվում միկրոավտոբուսային համապատասխան երթուղու սակագինը:».

3) որոշման N 2 հավելվածը շարադրել հետևյալ խմբագրությամբ.

«Հավելված N 2 ՀՀ կառավարության 2005 թվականի դեկտեմբերի 29-ի N 2335-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՒՂՎՈՂ ԱՇԽԱՏՈՂՆԵՐԻ ԳՈՐԾՈՒՂՄԱՆ ԾԱԽՍԵՐԻ ՉԱՓԵՐԸ

Օրապահիկի ծախսերի չափը (դրամ) Գիշերավարձի չափը (դրամ) նվազագույնը առավելագույնը (պետական և համայնքային բյուջեների միջոցներից) հատկացվող ծախսերի)     ՀՀ տարածք Երևան 5000 5000 20000 25000

».

4) որոշման N 7 հավելվածի աղյուսակի 1-ին, 2-րդ, 4-րդ, 5-րդ, 6-րդ, 9-րդ, 12-րդ, 20-րդ, 23-րդ, 27-րդ, 28-րդ, 31-րդ, 34-րդ, 36-րդ, 37-րդ, 39-րդ, 46-րդ, 48-րդ, 54-րդ, 55-րդ, 56-րդ և 57-րդ կետերը շարադրել հետևյալ խմբագրությամբ.

«

1. Ամերիկայի Միացյալ Նահանգներ (Վաշինգտոն) $ 3,400 $ 3,200 2. Ամերիկայի Միացյալ Նահանգներ (Նյու Յորք) $ 4,000 $ 3,800

»,

«

4. Ավստրիայի Հանրապետություն (Վիեննա) € 2,000 € 1,800 5. Արաբական Միացյալ Էմիրություններ (Աբու Դաբի) $ 2,300 $ 2,100 6. Արաբական Միացյալ Էմիրություններ (Դուբայ) $ 2,400 $ 2,200

»,

«

9. Բելգիայի Թագավորություն (Բրյուսել) € 2,100 € 1,900

»,

«

12. Գերմանիայի Դաշնային Հանրապետություն (Բեռլին) € 2,100 € 1,900

»,

«

20. Իտալիայի Հանրապետություն (Հռոմ) € 2,600 € 2,400

»,

«

23. Լեհաստանի Հանրապետություն (Վարշավա) € 1,500 € 1,300

»,

«

27. Հնդկաստանի Հանրապետություն (Դելի) $ 1,700 $ 1,500 28. Հունաստանի Հանրապետություն (Աթենք) € 1,900 € 1,700

»,

«

31. Մեծ Բրիտանիայի և Հյուսիսային Իռլանդիայի Միացյալ Թագավորություն (Լոնդոն) £2,700 £2,500

»,

«

34. Նիդերլանդների Թագավորություն (Ամստերդամ, Հաագա) € 2,100 € 1,900

»,

«

36. Շվեյցարիայի Համադաշնություն (Ժնև) 3,800 CHF 3,600 CHF 37. Չեխիայի Հանրապետություն (Պրահա) € 1,800 € 1,600

»,

«

39. Ռումինիայի Հանրապետություն (Բուխարեստ) € 1,200 € 1,000

»,

«

46. Վատիկան € 2,600 € 2,400

»,

«

48. Վրաստան (Թբիլիսի) $ 1,100 $ 900

»,

«

54. Ֆրանսիայի Հանրապետություն (Փարիզ) € 2,800 € 2,600 55. Ֆրանսիայի Հանրապետություն (Ստրասբուրգ) € 1,700 € 1,500 56. Ֆրանսիայի Հանրապետություն (Լիոն) € 1,500 € 1,300 57. Ֆրանսիայի Հանրապետություն (Մարսել) € 1,500 € 1,300

»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
Երևան

16.01.2025 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 16 հունվարի 2025 թվական: