ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

9 ապրիլի 2024 թվականի

թիվ 37

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻ ՄԵՋ և ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՄԻԱՍՆԱԿԱՆ ՄԱՔՍԱՅԻՆ ՍԱԿԱԳՆՈՒՄ՝ ԶՏՄԱՆ ԿԱՄ ՀԵՂՈՒԿՆԵՐԻ ՄԱՔՐՄԱՆ ՀԱՄԱՐ ՆԱԽԱՏԵՍՎԱԾ ՓԱԹԹՈՑԱՅԻՆ ՏԵՍԱԿԻ ԹԱՂԱՆԹԱՅԻՆ ՏԱՐՐԵՐԻ ՄԱՍՈՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 42-րդ և 45-րդ հոդվածներին, Եվրասիական տնտեսական միության մաքսային օրենսգրքի 19-րդ հոդվածին համապատասխան՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի խորհրդի 2021 թվականի սեպտեմբերի 14-ի թիվ 80 որոշմամբ հաստատված՝ Եվրասիական տնտեսական միության արտաքին տնտեսական գործունեության միասնական ապրանքային անվանացանկի մեջ և Եվրասիական տնտեսական միության միասնական մաքսային սակագնում կատարել հետևյալ փոփոխությունները՝

ա) Եվրասիական տնտեսական միության՝ Եվրասիական տնտեսական միության արտաքին տնտեսական գործունեության միասնական ապրանքային անվանացանկի 84-րդ խմբի լրացուցիչ ծանոթագրությունները լրացնել հետևյալ բովանդակությամբ 6-րդ ծանոթագրությամբ՝

«6. 8421 99 000 5 ստորաենթադիրքում «զտման կամ հեղուկների մաքրման համար նախատեսված փաթթոցային տեսակի թաղանթային տարրեր» եզրույթը նշանակում է գլանաձև սարքեր, որոնք բաղկացած են՝

- ներսի պլաստմասսե ծակոտկեն խողովակից, որի վրա պարուրաձև ոլորված են թաղանթային տոպրակները,

- ցամաքուրդային (դրենաժային) նյութից, որը գտնվում է թաղանթային տոպրակների միջև և սոսնձված է դրանց երեք կողմերից:

Թաղանթային փաթեթը բաղկացած է երկտակ ծալված թաղանթի շերտից, որն իր ներսում պարունակում է արտամղված ցանց:

Փաթթոցային տեսակի թաղանթային տարրի լայնակի կտրվածքների վրա կարող են տեղադրվել ֆիքսող սկավառակներ և սեղմիչ խցօղակներ:»,

բ) Եվրասիական տնտեսական հանձնաժողովի արտաքին տնտեսական գործունեության միասնական ապրանքային անվանացանկից հանել դիրքեր՝ համաձայն թիվ 1 հավելվածի.

գ) Եվրասիական տնտեսական միության արտաքին տնտեսական գործունեության միասնական ապրանքային անվանացանկի մեջ ընդգրկել ստորաենթադիրքեր՝ համաձայն թիվ 2 հավելվածի.

դ) սահմանել Եվրասիական տնտեսական միության միասնական մաքսային սակագնի ներմուծման մաքսատուրքերի դրույքաչափեր՝ համաձայն թիվ 3 հավելվածի:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի կոլեգիայի նախագահ՝

Բ. Սագինտաև

Հավելված թիվ 1 Եվրասիական տնտեսական հանձնաժողովի կոլեգիայի 2024 թվականի ապրիլի 9-ի թիվ 37 որոշման

ՍՏՈՐԱԵՆԹԱԴԻՐՔ

Եվրասիական տնտեսական միության արտաքին տնտեսական գործունեության միասնական ապրանքային անվանացանկից հանվող

ԱՏԳ ԱԱ ծածկագիրը	Դիրքի անվանումը	Լրացուցիչ չափման միավորը
8421 12 900 7	- - - այլ	-

Հավելված թիվ 2 Եվրասիական տնտեսական հանձնաժողովի կոլեգիայի 2024 թվականի ապրիլի 9-ի թիվ 37 որոշման

ՍՏՈՐԱԵՆԹԱԴԻՐՔԵՐ

Եվրասիական տնտեսական միության արտաքին տնտեսական գործունեության միասնական ապրանքային անվանացանկի մեջ ընդգրկվող

ԱՏԳ ԱԱ ծածկագիրը	Դիրքի անվանումը	Լրացուցիչ չափման միավորը
	- - - այլ՝
8421 99 000 5	- - - - տվյալ խմբին վերաբերող՝ Եվրասիական տնտեսական միության 6-րդ լրացուցիչ ծանոթագրության մեջ նշված՝ ֆիլտրման կամ հեղուկների մաքրման համար նախատեսված փաթթոցային տեսակի թաղանթային տարրեր	-
8421 99 000 6	- - - - այլ	-

Հավելված թիվ 3 Եվրասիական տնտեսական հանձնաժողովի կոլեգիայի 2024 թվականի ապրիլի 9-ի թիվ 37 որոշման

ԴՐՈՒՅՔԱՉԱՓԵՐ

Եվրասիական տնտեսական միության միասնական մաքսային սակագնի ներմուծման մաքսատուրքերի

ԱՏԳ ԱԱ ծածկագիրը	Դիրքի անվանումը	Ներմուծման մաքսատուրքի դրույքաչափ (մաքսային արժեքից տոկոսներով՝ կամ եվրոյով, կամ ԱՄՆ դոլարով)
8421 99 000 5	- - - - տվյալ խմբին վերաբերող՝ Եվրասիական տնտեսական միության 6-րդ լրացուցիչ ծանոթագրության մեջ նշված՝ ֆիլտրման կամ հեղուկների մաքրման համար նախատեսված փաթթոցային տեսակի թաղանթային տարրեր	0
8421 99 000 6	- - - - այլ	0

Պաշտոնական հրապարակման օրը՝ 10 հունվարի 2025 թվական: