Հայկական ՍՍՀ անտառային օրենսդրության 29 հոդվածին համապատասխան Հայկական ՍՍՀ Մինիստրների խորհուրդը որոշում է.

1. Հաստատել Հայկական ՍՍՀ անտառային տնտեսության պետական կոմիտեի տնօրինության տակ գտնվող I խմբի անտառների ըստ պաշտպանականության կարգերի բաշխումը, որը համաձայնեցվել է ՍՍՀՄ անտառային տնտեսության պետական կոմիտեի հետ, համաձայն հավելվածի*):

2. Հայկական ՍՍՀ անտառային տնտեսության պետական կոմիտեին (ընկ. Հ. Ավագյանին)` եռամսյա ժամկետում նախապատրաստել և անհրաժեշտ տպաքանակով նյութեր հրատարակել անտառներն ըստ պաշտպանականության կարգերի բաշխելու մասին:

3. Ուժը կորցրած ճանաչել Հայկական ՍՍՀ Մինիստրների սովետի 1974 թ. հունվարի 11-ի «Անտառային տնտեսության պետական կոմիտեի անտառների կատեգորիաները փոփոխելու մասին» N 5 և 1976 թ. սեպտեմբերի 29-ի «Հանրապետության քաղաքները, արդյունաբերական կենտրոնները և կուրորտները շրջապատող անտառային զանգվածները կուրորտային անտառների և կանաչ գոտիների կատեգորիաներին փոխադրելու մասին» N 529 որոշումները:

______________________

*) Հավելվածը չի բերվում:

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴԻ նախագահ

Ֆ. ՍԱՐԳՍՅԱՆ

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴԻ ԳՈՐԾԵՐԻ ԿԱՌԱՎԱՐԻՉ

Հ. ՎԱՐԴԱՆՅԱՆ