Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետով, 83-րդ հոդվածի 2-րդ մասով, «Հայաստանի Հանրապետության բյուջետային համակարգի մասին» օրենքի 31-րդ և 32-րդ հոդվածներով և հաշվի առնելով Մեղրի համայնքի ղեկավարի առաջարկությունը՝ Մեղրի համայնքի ավագանին

ՈՐՈՇՈՒՄ Է

1. Հաստատել Հայաստանի Հանրապետության Սյունիքի մարզի Մեղրի համայնքի 2025 թվականի բյուջեն`

1) եկամուտների գծով` 2 198 023 200 (երկու միլիարդ մեկ հարյուր իննսունութ միլիոն քսաներեք հազար երկու հարյուր) ՀՀ դրամ,

2) ծախսերի գծով` 2 489 095 000 (երկու միլիարդ չորս հարյուր ութսունինը միլիոն իննսունհինգ հազար) ՀՀ դրամ,

3) դեֆիցիտը (պակասուրդը)` 291 071 800 (երկու հարյուր իննսունմեկ միլիոն յոթանասունմեկ հազար ութ հարյուր) ՀՀ դրամ:

2. Հաստատել համայնքի բյուջեի եկամուտները` համաձայն N1 հավելվածի:

3. Հաստատել համայնքի բյուջեի ծախսերը` ըստ բյուջետային ծախսերի գործառնական դասակարգման` համաձայն N2 հավելվածի:

4. Հաստատել համայնքի բյուջեի ծախսերը՝ ըստ բյուջետային ծախսերի տնտեսագիտական դասակարգման` համաձայն N3 հավելվածի:

5. Հաստատել համայնքի բյուջեի միջոցների տարեվերջի հավելուրդը կամ դեֆիցիտը (պակասուրդը)` համաձայն N4 հավելվածի:

6. Հաստատել համայնքի բյուջեի համայնքի բյուջեի հավելուրդի օգտագործման ուղղությունները կամ դեֆիցիտի (պակասուրդի) ֆինանսավորման աղբյուրները` համաձայն N5 հավելվածի:

7. Հաստատել համայնքի բյուջեի ծախսերը ըստ բյուջետային ծախսերի գործառնական և տնտեսագիտական դասակարգման` համաձայն N6 հավելվածի:

8. Սահմանել, որ ծախսերի ֆինանսավորումը կատարվում է ստացված փաստացի մուտքերի սահմաններում` պահպանելով ծախսերի համամասնությունները:

9. Սահմանել, որ համայնքի ղեկավարի կատարած փոփոխությունների հանրագումարը բյուջետային տարվա ընթացքում չի կարող գերազանցել սույն որոշմամբ սահմանված չափաքանակների 15%-ը:

10. 2025 թվականի բյուջեի եկամուտների գերակատարումը ուղղել հնգամյա ծրագրով նախատեսված ծրագրերի իրականացմանը:

11. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2025 թվականի հունվարի 1-ից ծագող հարաբերությունների վրա։

Կողմ -12 ԱՆԴՐԵԱՍՅԱՆ ԽԱՉԱՏՈՒՐ ԱՆԴՐԵԱՍՅԱՆ ԱՆԱՀԻՏ ԶԱՔԱՐՅԱՆ ԲԱԳՐԱՏ ԳՐԻԳՈՐՅԱՆ ԱՐԹՈՒՐ ՍՏԵՓԱՆՅԱՆ ԱՐԵՎԻԿ ԱՂԱՄԱԼՅԱՆ ԱՆԱՀԻՏ ԹՈՒՄԱՆՅԱՆ ԱՐԱՐԱՏ ՀԱՅՐԱՊԵՏՅԱՆ ԱՐՄԵՆ ՀՈՎՀԱՆՆԻՍՅԱՆ ՄԱՐՈՒՍՅԱ ՄԻՆԱՍՅԱՆ ՇԱՀԵՆ ՄԻՔԱԵԼՅԱՆ ՄԱՐՅԱՄ ՆԱՎԱՍԱՐԴՅԱՆ ՆԱՐԵԿ

Դեմ -0

Ձեռնպահ -0

ՀԱՄԱՅՆՔԻ ՂԵԿԱՎԱՐ`   2024 թվականի դեկտեմբերի 24 ք. Մեղրի

Խ. ԱՆԴՐԵԱՍՅԱՆ

ՄԵՂՐԻ ՀԱՄԱՅՆՔԻ ՂԵԿԱՎԱՐԻ ԲՅՈՒՋԵՏԱՅԻՆ ՈՒՂԵՐՁԸ

Համայնքի բյուջեն տեղական ինքնակառավարման մարմիններին Սահմանադրությամբ և օրենքներով վերապահված լիազորությունների իրականացման համար անհրաժեշտ դրամական միջոցների ձևավորման և ծախսման որոշակի ժամանակահատվածի ֆինանսական ծրագիրն է: 2025 թվականի բյուջեի նախագիծը կազմվել է «Հայաստանի Հանրապետության բյուջետային համակարգի մասին» ՀՀ օրենքի 31-րդ հոդվածով սահմանված կարգով:

Համայնքի 2025 թվականի բյուջեի նախագծի մշակման աշխատանքները կատարվել են ելնելով 2023 թվականի փաստացի կատարողականից, 2024 թվականի պլանավորված ցուցանիշների վերլուծության արդյունքներից, ինչպես նաև համայնքի միջնաժամկետ ծախսերի ծրագրից, որը նպաստում է տվյալ բյուջետային տարվա հիմնախնդիրների լուծման համար անհրաժեշտ ֆինանսական միջոցների պլանավորմանը: Համայնքի բյուջեի նախագիծը կազմվել է բյուջետային համակարգի միասնականությունն ապահովող բյուջետային գործընթացի կազմակերպման համաձայնեցված սկզբունքների, բյուջետային դասակարգման, հաշվառման և հաշվետվության միասնական մեթոդաբանության հիման վրա: Համայնքի գործունեության արդյունավետությունը կախված է բյուջետային գործընթացի ճիշտ կազմակերպումից, բյուջեի եկամուտների արդյունավետ հավաքագրումից և միջոցների նպատակային օգտագործումից:

Ես դիմում եմ համայնքի ավագանուն, աշխատակազմի և համայնքային կազմակերպությունների աշխատակիցներին, բնակիչներին՝ շահագրգիռ և սրտացավ մոտեցում ցուցաբերել համայնքի 2025 թվականի բյուջեի միջոցների գոյացման, դրանց նպատակային և հասցեական օգտագործման, բյուջեի կատարման և վերահսկման համար: Ցանկանում եմ նշել, որ 2025 թվականին պետական բյուջեից Մեղրի խոշորացված համայնքին համահարթեցման սկզբունքով տրվող դոտացիան ավելացել է 91 712 600 (իննսունմեկ միլիոն յոթհարյուր տասներկու հազար վեց հարյուր) ՀՀ դրամով կամ 16.8 տոկոսով, ըստ որի էլ կանխատեսվել են 2025 թվականի բյուջետային տարվա համար համայնքի զարգացման հիմնական ուղղությունները.

1) բարելավել համայնքի ֆինանսական վիճակը՝ ճշտելով անշարժ գույքի հարկի և գույքահարկի բազաները, բարձրացնելով սեփական եկամուտների հավաքագրման մակարդակը և նպատակային օգտագործելով բյուջետային միջոցները.

2) բարձրացնել աշխատակազմի, համայնքային կազմակերպությունների աշխատակիցների վարձատության չափը, որն էլ ավելի գրավիչ կդարձնի, կմոտիվացնի համայնքային հիմնարկներում աշխատանքը, կավելանա աշխատանքի նկատմամբ պատասխանատվության և որակի պահանջը, ինչպես նաև կնպաստի բնակչության կենսամակարդակի որոշակի բարելավմանը.

3) բարձրացնել ՏԻՄ-երի, համայնքապետարանի աշխատակազմի, համայնքային կազմակերպությունների և բնակիչների հետ աշխատանքի արդյունավետությունը.

4) բարձրացնել բնակչությանը և տնտեսվարող սուբյեկտներին մատուցվող համայնքային ծառայությունների և այլ լրացուցիչ ծառայությունների (ըստ համայնքի բնակավայրերի առանձնահատկությունների) մակարդակն ու որակը.

5) իրականացնել համայնքի բնակչության խոցելի խմբերին, բազմազավակ ընտանիքներին, հաշմանդամներին, Արցախից բռնի տեղահանված հայրենակիցներին ֆինանսական և նյութական օգնություն տրամադրելու և աջակցություն ցուցաբերելու միջոցառումներ.

6) Կապիտալ ներդրումներ կատարել Մեղրի և Ագարակ քաղաքներում բազմաբնակարան շենքերի տանիքների, համայնքային 4 հատ փլուզված պատերի վերանորոգման, արևային պանելների ձեռք բերման և տեղադրման, նոր աղբատարների և աղբամանների ձեռքբերման՝ աղբի տեսակավորման հնարավորությամբ, Մեղրի և Ագարակ քաղաքներում զբոսայգիների կանաչապատման, ծաղկապատման ուղղություններով:

7) ճանապարհային տնտեսության բնագավառում կատարել Ագարակ քաղաքի ճանապարհային ենթակառուցվծքների բարեկարգում: Որպես ազդակիր համայնք Մեղրի համայնքին 2025թվականին մասհանված է ռոյալթի՝ 332000000 (երեք հարյուր երեսուներկու միլիոն ) ՀՀ դրամ գումար,իսկ 2024 թվականին՝ 93 652 934 (իննսուներեք միլիոն վեց հարյուր հիսուներեկու հազար ինը հարյուր երեսունչորս) ՀՀ դրամ գումար, որը 2024 թվականի բյուջեով նախատեսվել էր ուղղել Մեղրի քաղաքի մարզադաշտի հիմնանորոգմանը` ծրագրի ընդհանուր արժեքը 128 000 000(մեկ հարյուր քսանութ միլիոն) ՀՀ դրամ,այլ ներդրողների կողմից ավելացնելով 34 347 066 (երեսունչորս միլիոն երեք հարյուր քառասունյոթ հազար վաթսունվեց)ՀՀ դրամ: Ծրագրի չկատարված մասը նախատեսվել է ավարտին հասցնել 2025 թվականին:

8) աշխուժացնել համայնքի մշակութային, մարզական և հասարակական կյանքը, կառուցելով նոր ենթակառուցվածքներ՝ հաշվի առնելով նաև համայնքի համառոտ նկարագիրը, զարգացման ուղղվածությունն ու տեսլականը.

9) իրականացնել համայնքի ղեկավարին օրենքով վերապահված լիազորություններ՝ պաշտպանության, փրկարար ծառայության, արտակարգ իրավիճակների պայմաններում գործողություններ իրականացնելու ոլորտում։

10)

2025 թվականի բյուջեի Մեղրի համայնքի զարգացման հիմնական ուղղությունները միտված են բնակչության կենսամակարդակի բարելավմանը, շրջակա միջավայրի պահպանմանը, համայնքում հարմարավետ ու բարեկեցիկ միջավայրի ստեղծմանը, համայնքային ենթակառուցվածքների արդիականացմանն ու զարգացմանը, ինչպես նաև համայնքի գլխավոր հատակագծին համապատասխան քաղաքաշինական ծրագրերի իրականացմանը:

2. ՀԱՄԱՅՆՔԻ ԲՅՈՒՋԵԻ ԵԿԱՄՈՒՏՆԵՐԻ ԾԱԽՍԵՐԻ ԵՎ ՀԱՎԵԼՈՒՐԴԻ ԿԱՄ ԴԵՖԻՑԻՏԻ (ՊԱԿԱՍՈՒՐԴԻ) ՀԻՄՆԱՎՈՐՈՒՄԸ

1) 2023 թվականի փաստացի ցուցանիշներ՝

Համայնքի 2023 թվականի բյուջեն՝ հաստատված համայնքի ավագանու 2022 թվականի դեկտեմբերի 27- ի N 141-Ն որոշմամբ:

2) 2024 թվականի հաստատված ցուցանիշներ՝

Համայնքի 2024 թվականի բյուջեն՝ հաստատված համայնքի ավագանու 2023 թվականի դեկտեմբերի 27- ի N 137-Ն որոշմամբ:

3) 2025 թվականի կանխատեսվող ցուցանիշներ՝

«Հայաստանի Հանրապետության 2025 թվականի պետական բյուջեի մասին», «Տեղական ինքնակառավարման մասին», «Տեղական տուրքերի և վճարների մասին» օրենքներով:

 3. ՀԱՄԱՅՆՔԻ ԲՅՈՒՋԵԻ ՄՈՒՏՔԵՐԻ, ԾԱԽՍԵՐԻ ԵՎ ՀԱՎԵԼՈՒՐԴԻ ԿԱՄ ԴԵՖԻՑԻՏԻ (ՊԱԿԱՍՈՒՐԴԻ) ՀԱՄԵՄԱՏԱԿԱՆ ՎԵՐԼՈՒԾՈՒԹՅՈՒՆԸ

(հազար դրամ)

Հ/հ	ՄՈՒՏՔԻ ԱՆՎԱՆՈՒՄԸ	2023. փաստ.	2024թ. հաստ.	2025թ. կանխ.	2024թ 2023թ նկատ%	2025թ 2024թ նկատ. %	Տեսակարար կշիռն ընդհանուրի մեջ (%)
							2023թ	2024թ	2025 թ
	ԸՆԴԱՄԵՆԸ ԵԿԱՄՈՒՏՆԵՐ	745 818.0	1425 469.4	2 198 023.2	154.2	75.0	100	100	100
1.	Հարկեր և տուրքեր	135 010.9	139 564.0	155 915.5	103.3	111.7	18.1	9.8	7.1
2.	Գույքային հարկեր անշարժ գույքից	14 495.4	21 462.0	24 619.4	148.1	114.7	1.9	1.5	1,1
3.	Գույքային հարկեր այլ գույքից	101 767.3	99 092.0	109 526.1	97.4	110.5	13.6	7.0	5,0
4.	Տեղական տուրքեր	13 934.4	14 510.0	15 970.0	104.1	110.0	1.8	1.0	0,7
5.	Համայնքի բյուջե վճարվող պետական տուրքեր	4 813.9	4 500.0	5 800.0	93.4	128.9	0.6	0.3	0.3
6.	Պաշտոնական դրամաշնորհներ	342 324.9	902 648.4	1671 569.6	185.2	70.8	45.9	63.3	76.0
7.	Այլ եկամուտներ	268 482.2	383 257.4	370 538.1	96.7	71.7	36.0	26.9	16.9
8.	Ոչ ֆինանսական ակտիվների իրացումից մուտքեր	148 537.2	35 000.0	205 000.0	23.5	585.7	19.9	2.5	9.3
9.	Դեֆիցիտի (պակասուրդի) ֆինանսավորման աղբյուրներ	61 693.26	229 449.1	291 071,8	371.9	114.3	8.3	16.1	13.2

4. ՀԱՄԱՅՆՔԻ ԲՅՈՒՋԵԻ ԾԱԽՍԵՐԻ ՀԱՄԵՄԱՏԱԿԱՆ ՎԵՐԼՈՒԾՈՒԹՅՈՒՆԸ

(հազար դրամ)

Հ/հ	ԾԱԽՍԻ ԱՆՎԱՆՈՒՄԸ	2023թ. փաստ.	2024թ. հաստ.	2025թ. կանխ.	2024թ. 2023թ. նկատ. %	2025թ 2024թ նկատ  %	Տեսակարար կշիռն ընդհանուրի մեջ (%)
							2023թ.	2024թ.	2025 թ.
	ԸՆԴԱՄԵՆԸ ԾԱԽՍԵՐ	822 241.2	1 654 918.5	2 489 095.0	201.3	150.4	100.0	100.0	100.0
1.	Ընդհանուր բնույթի հանրային ծառայություններ	171 042.8	282 352.0	305 880.2	165.1	158,0	20.8	15.,0	12.3
2.	Պաշտպանություն	0.0	1 000.0	0	0,0	0	0,0	0.1	0
3.	Հասարակական կարգ, անվտանգություն և դատական գործունեություն	0.0	1 000.0	0	0,0	0	0,0	0.1	0
4.	Տնտեսական հարաբերություններ	-35 859.0	135 900.0	346 620.0	-378.0	255.0	--4.3	8,9	13.9
5.	Շրջակա միջավայրի պաշտպանություն	138 452.3	164 000.0	166 550.0	118.4	101.5	16.8	13.1	6.7
6.	Բնակարանային շինարարություն և կոմունալ ծառայություն	125 526.7	362 300.0	653 100.0	288.6	180.3	15.3	11.2	26.2
7.	Առողջապահություն	0.0	0.0	0.0	0,0	0,0	0,0	0,0	0,0
8.	Հանգիստ, մշակույթ և կրոն	41 574.6	222 496.2	611 545.0	535.2	274.8	5.0	6.8	24.6
9.	Կրթություն	376694.5	428 957.5	347 290.0	113.9	81.0	45.8	27.3	13.9
10.	Սոցիալական պաշտպանություն	4 748.3	6 000.0	4 000.0	169,7	100,0	0,6	0.5	0.2
11.	Հիմնական բաժիններին չդասվող պահուստային ֆոնդեր	0.0	50 912.7	54 109.8	0,0	106.2	0,0	17.0	2.2

5. ՀԱՄԱՅՆՔԻ ԲՅՈՒՋԵԻ ՄԻՋՈՑՆԵՐԻ ՀԱՇՎԻՆ ՊԱՀՊԱՆՎՈՂ ԲՅՈՒՋԵՏԱՅԻՆ ՀԻՄՆԱՐԿՆԵՐ

1) «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ ՄԵՂՐԻԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄ» ՀԱՄԱՅՆՔԱՅԻՆ ԿԱՌԱՎԱՐՉԱԿԱՆ ՀԻՄՆԱՐԿ

2) «ՄԵՂՐԻ ՀԱՄԱՅՆՔԻ «ԱՐԵՎԻՔ» ԱՐՎԵՍՏԻ ԴՊՐՈՑ» ՀՈԱԿ

3) «ՄԵՂՐԻԻ ՄԱՐԶԱՄՇԱԿՈՒԹԱՅԻՆ ԿԵՆՏՐՈՆ» ՀՈԱԿ

4) «ՄԵՂՐԻ ՀԱՄԱՅՆՔԻ ՄԱՆԿԱՊԱՐՏԵԶ» ՀՈԱԿ

5) «ԱԳԱՐԱԿԻ ՄԱՆԿԱՊԱՐՏԵԶ» ՀՈԱԿ

6) «ՄԵՂՐԻԻ ԿՈՄՈՒՆԱԼ ՏՆՏԵՍՈՒԹՅՈՒՆ, ԲԱՐԵԿԱՐԳՈՒՄ» ՀՈԱԿ

 Բոլոր բյուջետային հիմնարկներում կապված համահարթեցման սկզբունքով տրվող դոտացիայի ավելացման հետ հաստիքացուցակների պաշտոնային դրույքաչափերում կատարվել են ավելացումներ։

2025 թվականին նախատեսված հաստիքային միավորների թիվը կազմում է 70.0 դրույք, 2024 թվականի 69.5-ի փոխարեն, իսկ աշխատավարձի ֆոնդը 197 496.0 հազար ՀՀ դրամ՝ 2023 թվականի 169 272.0 հազար ՀՀ դրամի փոխարեն։

Աշատողների հաստիքային միավորների թիվը 2025 թվականին կազմում է 57,75 դրույք 2024 թվականի 57.5-ի փոխարեն, իսկ աշխատավարձի ֆոնդը 88 308.0 հազար ՀՀ դրամ՝ 80 844.0 հազար ՀՀ դրամի փոխարեն:

2025 թվականին նախատեսվում է աշխատակիցների հատիքային միավորների թիվը կազմում է 34.75 դրույք, 2024 թվականի 33.75-ի փոխարեն, իսկ աշխատավարձի ֆոնդը 44 358.0 հազար ՀՀ դրամ, 2024 թվականի 39 204.0.0հազար ՀՀ դրամի փոխարեն։ Գործարքային հաստիքների համար մնացել է անփոփոխ` աշխատակիցների հատիքային միավոր 8 դրույք, ,իսկ աշխատավարձի ֆոնդը՝ 10 200,0 հազար ՀՀ դրամ:

2025 թվականին նախատեսվում է աշխատակիցների հաստիքային միավորների թիվը՝ 60.835 դրույք՝, 2024 թվականի 56.7 -ի փոխարեն,իսկ աշխատավարձի ֆոնդը՝ 109 351.7 հազար ՀՀ դրամ, 2024 թվականի՝ 96 123.0 հազար ՀՀ դրամի փոխարեն։

2025 թվականին նախատեսվում է աշխատակիցների հատիքային միավորների թիվը 44.66 դրույք, 2024 թվականի 47,51 -ի փոխարեն իսկ աշխատավարձի ֆոնդը` 80 394.0 հազար ՀՀ դրամ՝ 2024 թվականի 89 763,7 հազար ՀՀ դրամի փոխարեն:

2025 թվականին նախատեսվում է աշխատակիցների հատիքային միավորների թիվը 86,5 դրույք, իսկ աշխատավարձի ֆոնդը 219 420.00 հազար ՀՀ դրամ՝ 2023 թվականի 209 040,0 հազար ՀՀ դրամի փոխարեն:

6. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ ՄԵՂՐԻ ՀԱՄԱՅՆՔԻ 2025 ԹՎԱԿԱՆԻՆ ՆԱԽԱՏԵՍՎԱԾ ԿԱՊԻՏԱԼ ԾՐԱԳՐԵՐ

2024 թվականի անավարտ և 2025-2027 թվականների միջնաժամկետ ծախսերի ծրագրով 2025 թվականին նախատեսված կապիտալ ծրագրերն են՝

(հազար դրամ)

հ/հ	Ծրագրի անվանում	Ծրագրի նախնական արժեք
1	Ընդհանուր բնույթի հանրային ծառայությունների համար վարչական սարքավրումների ձեռքբերում	5 000,0
2	Համայնքային 4 հատ պատերի վերանորոգում	37000.0
3	Բազմաբնակարան շենքերի նոր տեղադրված լուսամուտների եզրերի վերանորոգում	3000,0
4	Մեղրի քաղաքի մարզադաշտի վերանորոգում	425652.9
5	Մեղրի և Ագարակ քաղաքների բազմաբնակարան շենքերի տանիքների նորոգում	500000,0
6	Արևային պանելների տեղադրում	8 000,0
7	Նոր աղբատարների և աղբամանների ձեռքբերում՝ աղբի տեսակավորման հնարավորությամբ	20 000,0
8	Մեղրի և Ագարակ քաղաքներում զբոսայգիների կանաչապատում, ծաղկապատում	125441.3
9	Ճանապարհային ենթակառուցվածքների բարեկարգում Ագարակ քաղաքում	500000,0
Ընդամենը ծրագրերի արժեքը		1 624094.2

ՀԱՄԱՅՆՔԻ ՂԵԿԱՎԱՐ`

Խ. ԱՆԴՐԵԱՍՅԱՆ

Հավելվածներ N 1-6 ՀՀ Սյունիքի մարզի Մեղրի համայնքի ավագանու 2024 թվականի դեկտեմբերի 24-ի N 128-Ն որոշման