ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 դեկտեմբերի 2024 թվականի N 1991-Լ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2022 թվականի հունիսի 9-ի «Հայաստանի Հանրապետության սահմանամերձ բնակավայրերում ընտանիքների բնակարանային մատչելիության ապահովման պետական աջակցության 2022-2025 թվականների ծրագիրը հաստատելու մասին» N 842-Լ որոշման մեջ կատարել հետևյալ լրացումները և փոփոխությունը՝

1) որոշման վերնագրի, 1-ին կետի, 2-րդ կետի 1-ին ենթակետի, հավելվածի վերնագրի, հավելվածի 1-ին, 2-րդ կետերի, 3-րդ կետի 1-ին նախադասության և 4-րդ ենթակետի, 4-րդ, 5-րդ, 6-րդ, 7-րդ, 10-րդ և 23-րդ կետերի «սահմանամերձ» բառից հետո լրացնել «և առանձին» բառերով.

2) հավելվածի 3-րդ կետի 2-րդ ենթակետը «գ» պարբերությունից հետո լրացնել հետևյալ բովանդակությամբ նոր՝ «դ» և «ե» պարբերություններով.

«դ. առանձին բնակավայրերի դեպքում՝ քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ՝ 13 տարին չլրացած երեխա և Հայաստանի Հանրապետության քաղաքացիություն ունեցող ամուսիններ, որոնք ծրագրին դիմելու օրվա դրությամբ նախորդ 1 տարվա ընթացքում հաշվառված չեն եղել Երևան քաղաքում,

ե. առանձին բնակավայրերի դեպքում՝ քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ՝ 13 տարին չլրացած երեխա և Հայաստանի Հանրապետության քաղաքացիություն ունեցող ամուսիններ, որոնցից առնվազն մեկն ուսուցչի պահանջները բավարարող անձ է.».

3) հավելվածի 3-րդ կետը 4-րդ ենթակետից հետո լրացնել հետևյալ բովանդակությամբ նոր՝ 5-րդ ենթակետով.

«5) առանձին բնակավայր՝ Վայոց ձորի մարզի Վայք համայնքի Գոմք բնակավայր։».

4) հավելվածի 11.2-րդ կետը «շահառուները» բառից հետո լրացնել «(ամուսիններից առնվազն մեկը)» բառերով.

5) հավելվածի 24-րդ կետում «2000» թիվը փոխարինել «2400» թվով։

2. Հայաստանի Հանրապետության կառավարության 2022 թվականի հոկտեմբերի 6-ի «Հայաստանի Հանրապետության սահմանամերձ բնակավայրերում ընտանիքների բնակարանային մատչելիության ապահովման պետական աջակցության 2022-2025 թվականների ծրագրի իրականացման կարգը հաստատելու և Հայաստանի Հանրապետության կառավարության 2022 թվականի հունիսի 9-ի N 842-Լ որոշման մեջ լրացումներ և փոփոխություններ կատարելու մասին» N 1562-Լ որոշման մեջ կատարել հետևյալ լրացումները՝

1) որոշման վերնագրի, որոշման 1-ին, 2-րդ, 4-րդ կետերի, N 1 հավելվածի վերնագրի, N 1 հավելվածի 1-ին կետի, 2-րդ կետի 1-ին ենթակետի, N 2 հավելվածի վերնագրի, N 2 հավելվածի 1-ին կետի, 2-րդ կետի 1-ին և 3-րդ ենթակետերի, N 1 ձևի վերնագրի «սահմանամերձ» բառից հետո լրացնել «և առանձին» բառերով.

2) N 1 հավելվածի 2-րդ կետի 3-րդ ենթակետը և N 2 հավելվածի 2-րդ կետի 2-րդ ենթակետը «գյուղական» բառից հետո լրացնել «և առանձին» բառերով.

3) N 1 հավելվածի 2-րդ կետի 5-րդ ենթակետի և N 2 հավելվածի 2-րդ կետի 4-րդ ենթակետի «գ» պարբերությունից հետո լրացնել հետևյալ բովանդակությամբ նոր՝ «դ» և «ե» պարբերություններով.

«դ. առանձին բնակավայրերի դեպքում՝ քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ՝ 13 տարին չլրացած երեխա և Հայաստանի Հանրապետության քաղաքացիություն ունեցող ամուսիններ, որոնք ծրագրին դիմելու օրվա դրությամբ նախորդ 1 տարվա ընթացքում հաշվառված չեն եղել Երևան քաղաքում,

ե. առանձին բնակավայրերի դեպքում՝ քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ՝ 13 տարին չլրացած երեխա և Հայաստանի Հանրապետության քաղաքացիություն ունեցող ամուսիններ, որոնցից առնվազն մեկն ուսուցչի պահանջները բավարարող անձ է.».

4) N 1 հավելվածի 2-րդ կետի 9-րդ ենթակետից հետո լրացնել հետևյալ բովանդակությամբ նոր՝ 10-րդ ենթակետով.

«10) առանձին բնակավայր՝ Վայոց ձորի մարզի Վայք համայնքի Գոմք բնակավայր։».

5) N 1 հավելվածի 3-րդ կետից հետո լրացնել հետևյալ բովանդակությամբ նոր՝ 3.1-ին կետով.

«3.1. Ուսուցչի պահանջները բավարարող պոտենցիալ շահառուները ծրագրում ընդգրկվելու համար դիմում են Հայաստանի Հանրապետության աշխատանքի և սոցիալական հարցերի նախարարություն (այսուհետ՝ նախարարություն)՝ ներկայացնելով քաղաքացիական կացության ակտերի գրանցման մարմիններում գրանցված ամուսնության մեջ գտնվող ամուսինների անձը հաստատող փաստաթղթերը, ամուսնության վկայականը, երեխայի (երեխաների) ծննդյան վկայականը, ուսուցչի պահանջները բավարարելու վերաբերյալ փաստաթուղթը։ Ստացված տեղեկատվության հիման վրա նախարարությունը 5 աշխատանքային օրվա ընթացքում ստանում է Հայաստանի Հանրապետության կրթության, գիտության, մշակույթի և սպորտի նախարարության հաստատումը շահառուի կարգավիճակ շնորհելու վերաբերյալ՝ հիմք ընդունելով տվյալ բնակավայրում պոտենցիալ շահառուի մասնագիտական պահանջարկը։ Հաստատումն ստանալուց հետո 3 աշխատանքային օրվա ընթացքում ծրագրի պայմաններին և պահանջներին համապատասխանողներին շնորհվում է շահառուի կարգավիճակ։ Կարգավիճակ ստացած շահառուները դիմում են գործընկեր կազմակերպություն հիփոթեքային վարկավորման համար։».

6) N 2 հավելվածի 2-րդ կետի 7-րդ ենթակետից հետո լրացնել հետևյալ բովանդակությամբ նոր՝ 8-րդ ենթակետով.

«8) առանձին բնակավայր՝ Վայոց ձորի մարզի Վայք համայնքի Գոմք բնակավայր։»։

3. Հայաստանի Հանրապետության կառավարության 2024 թվականի հունիսի 27-ի «Հայաստանի Հանրապետության կառավարության 2022 թվականի հունիսի 9-ի N 842-Լ և Հայաստանի Հանրապետության կառավարության 2022 թվականի հոկտեմբերի 6-ի N 1562-Լ որոշումներում փոփոխություններ և լրացումներ կատարելու մասին» N 1065-Լ որոշման 4-րդ կետը «վերանորոգման վարկի» բառերից հետո լրացնել «կամ կառուցապատման վարկի հերթական փուլի» բառերով։

4. Սահմանել, որ սույն որոշման 1-ին կետի 5-րդ ենթակետով սահմանված փոփոխությունը՝ շահառուների թվի հավելումը, տարածվում է բացառապես՝

1) 2024 թվականի սեպտեմբերի 1-ի դրությամբ շինարարության թույլտվություն ստացած շահառուների վրա.

2) Տավուշի մարզի Բաղանիս, Բերքաբեր, Կիրանց, Ոսկեպար և Վայոց ձորի մարզի Գոմք բնակավայրերում անհատական բնակելի տուն կառուցելու (կառուցապատումը շարունակելու) նպատակով դիմած շահառուների վրա։ Ընդ որում, Ոսկեպար և Բաղանիս բնակավայրերից յուրաքանչյուրում նախատեսվում է աջակցություն տրամադրել մինչև 50 շահառուի, Բերքաբեր և Կիրանց բնակավայրերից յուրաքանչյուրում՝ մինչև 40 շահառուի, Գոմք բնակավայրում՝ մինչև 30 շահառուի, որից 5-ը բացառապես ուսուցչի պահանջները բավարարող շահառուների համար։

5. Սույն որոշումն ուժի մեջ է մտնում հրապարակմանը հաջորդող օրվանից։

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

18.12.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ