ԵՐԵՎԱՆԻ ՔԱՂԱՔԱՊԵՏ

ՆԵՐՔԻՆ ՉԱՐԲԱԽԻ ՓՈՂՈՑԻ Հ.38 ՀԱՍՑԵՈՒՄ ԳՏՆՎՈՂ ՀՈՂԱՄԱՍԻ ՍԱՀՄԱՆՆԵՐԸ ՃՇՏԵԼՈՒ ԵՎ ՀԱՏԱԿԱԳԻԾ ԹՈՂԱՐԿԵԼՈՒ ՄԱՍԻՆ

Վարչական ակտի ընդունման համար հիմք է հանդիսացել Վլադիկ Գասպարյանի լ/ա Կարեն Մինասյանի դիմումը՝ Ներքին Չարբախի փողոցի հ.38 հասցեում գտնվող հողամասի /խաղողի այգի/ սահմանները ճշտելու և հատակագիծ թողարկելու մասին:

Հարցի քննարկման համար հիմք են հանդիսացել հողի սեփականության իրավունքի հ.037658 պետական ակտը՝ տրված 25.12.1995 թվականին, հողամասի պատկանելու փաստը հաստատելու մասին հ.1001 նոտարական ակտը՝ տրված 19.03.2024 թվականին, ՀՀ կադաստրի կոմիտեի 24.06.2024թ. հ.ԱՏ-24062024-01-0351 տեղեկանքը և 18.10.2024 թվականի ըստ օրենքի ժառանգության իրավունքի h.3436 լրացուցիչ վկայագիրը:

Հարցի ուսումնասիրությունից և տեղագրական հանույթի ճշգրտումից պարզվել է, որ Ներքին Չարբախի հ.38 հասցեի հողամասի փաստացի մակերեսը կազմում է 5200.0քմ:

Քննարկվող հողամասն ընդգրկված չէ հողային օրենսգրքի 60-րդ հոդվածի սահմանափակումների ցանկում և համաձայն ՀՀ կառավարության 2020թ. հունիսի 4-ի հ.1023-Ն որոշմամբ հաստատված հավելվածների՝ գտնվում է 11-րդ գոտում:

Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, քաղաքացիական օրենսգրքի 10-րդ հոդվածի 1-ին մասի 2-րդ կետով, 135-րդ հոդվածով, հողային օրենսգրքի 52-րդ և 59-րդ հոդվածներով, ՀՀ կառավարության 2020թ. հունիսի 4-ի հ.1023-Ն որոշմամբ և հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության հ.Դ-92525-24, հ.Ն/45507-24 և հ.Դ-134847-24 եզրակացությունները.

1. Սահմանել, ըստ օրենքի ժառանգության իրավունքի հ.2611 վկայագրով Վլադիկ Գասպարյանին փոխանցված Ներքին Չարբախի հ.38 հասցեում գտնվող հողամասի /խաղողի այգի/ սահմանները որոշվում են 5200.0քմ մակերեսի համար սահմանված կարգով հաստատված հատակագծով:

2. Ընդունել ի գիտություն, որ սույն որոշումը ենթակա է պետական գրանցման՝ ՀՀ կադաստրի կոմիտեի համապատասխան ստորաբաժանումում:

3. Որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։

4. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության, անշարժ գույքի կառավարման վարչությունների պետերի վրա։

5. Որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Ա.Փամբուխչյանը:

Տ. Ավինյան