Basic information
Number
N 113-Ա
Type
Որոշում
Act type
Հիմնական ակտ (01.10.2004-մինչ օրս)
Status
Գործում է
Source
ՀՀԳՏ 2004.09.20/21(169) Հոդ.284
Enactment organisation
Հանրային ծառայությունները կարգավորող հանձնաժողով
Enactment date
16.09.2004
Signing organisation
Հանրային ծառայությունները կարգավորող հանձնաժողովի նախագահ
Signing date
16.09.2004
Effective date
01.10.2004

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

 

16 սեպտեմբերի 2004 թ.
ք. Երևան 

N 113-Ա

 

Ո Ր Ո Շ ՈՒ Մ

 

ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՆԱԿԱՆ ՄԵՆԱՇՆՈՐՀՆԵՐԻ ԿԱՐԳԱՎՈՐՄԱՆ ՀԱՆՁՆԱԺՈՂՈՎԻ 2003 ԹՎԱԿԱՆԻ ՆՈՅԵՄԲԵՐԻ 28-Ի N 81-Ա ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

Հիմք ընդունելով «Էներգետիկայի մասին» Հայաստանի Հանրապետության օրենքի 17-րդ հոդվածի 1-ին մասի զ) կետը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության էներգետիկայի կարգավորող հանձնաժողովի 2002 թվականի նոյեմբերի 20-ի «Հաշվարկային կենտրոն» փակ բաժնետիրական ընկերության կողմից էլեկտրաէներգետիկական շուկային ծառայության մատուցման սակագին սահմանելու մասին» N 81-Ա որոշման 2-րդ կետում`

ա) «Հայէներգո» փակ բաժնետիրական ընկերությունը» բառերը փոխարինել «Հայաստանի էլեկտրական ցանցեր» փակ բաժնետիրական ընկերությունը» բառերով.

բ) «չափով» բառից հետո ավելացնել «` 2004 թվականի հոկտեմբերի 1-ից հետո մատուցված ծառայության համար» բառերը:

2. Հայաստանի Հանրապետության բնական մենաշնորհների կարգավորման հանձնաժողովի 2003 թվականի դեկտեմբերի 23-ի «Էլեկտրաէներգետիկական համակարգի օպերատոր» փակ բաժնետիրական ընկերության կողմից էլեկտրաէներգետիկական շուկային ծառայության մատուցման սակագին սահմանելու մասին» N 91-Ա որոշման 2-րդ կետում`

ա) «Հայէներգո» փակ բաժնետիրական ընկերությունը» բառերը փոխարինել «Հայաստանի էլեկտրական ցանցեր» փակ բաժնետիրական ընկերությունը» բառերով.

բ) «չափով» բառից հետո ավելացնել «` 2004 թվականի հոկտեմբերի 1-ից հետո մատուցված ծառայության համար» բառերը:

3. Ուժը կորցրած ճանաչել Հայաստանի Հանրապետության բնական մենաշնորհների կարգավորման հանձնաժողովի 2003 թվականի նոյեմբերի 28-ի «Հայաստանի էլեկտրական ցանցեր» փակ բաժնետիրական ընկերության սակագնային մարժայի և «Հայէներգո» փակ բաժնետիրական ընկերության կողմից «Հայաստանի էլեկտրական ցանցեր» փակ բաժնետիրական ընկերությանը վաճառվող էլեկտրական էներգիայի սակագնի սահմանման մասին» N 81-Ա որոշումը:

4. Սահմանել, որ «Հաշվարկային կենտրոն», «Էլեկտրաէներգետիկական համակարգի օպերատոր» և «Բարձրավոլտ էլեկտրացանցեր» փակ բաժնետիրական ընկերությունների կողմից 2004 թվականի հոկտեմբերի 1-ից հետո էլեկտրաէներգետիկական շուկային մատուցած ծառայությունների համար վճարում է «Հայաստանի էլեկտրական ցանցեր» փակ բաժնետիրական ընկերությունը` գործող սակագների համաձայն:

5. Սույն որոշումն ուժի մեջ է մտնում 2004 թվականի հոկտեմբերի 1-ից:

 

ՀՀ հանրային ծառայությունները
կարգավորող հանձնաժողովի
նախագահ`		 Ռ. Նազարյան