1.

Ծրագրի նպատակը

Աջակցել Հայաստանի Հանրապետության Տավուշի, Գեղարքունիքի, Սյունիքի, Արագածոտնի մարզերում և Երևան քաղաքում կարիքավոր ընտանիքներին, այդ թվում՝ Լեռնային Ղարաբաղից տեղահանված անձանց՝ տրամադրելով սոցիալ-հոգեբանական և տնտեսական աջակցություն, ապահովելով մշտական եկամտի աղբյուր և զարգացնելով տարբեր օժանդակ հմտություններ։

2.

Ծրագիրը բարեգործական որակելու նպատակը

Օրենքով սահմանված կարգով օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով նախատեսված արտոնություններից:

3.

Բարեգործը

1) «Վորլդ Վիժն» ԱՄՆ-ի աջակցող գրասենյակ

հասցե՝ 34834 Weyerhaeuser Way So. Federal Way, WA 98001

2) «Վորլդ Վիժն» Գերմանիայի աջակցող գրասենյակ

հասցե՝ World Vision Deutschland e.V. Am Houiller Platz 4 61381

Friedrichsdorf

3) «Միացյալ Ազգերի Զարգացման Ծրագիր»

հասցե՝ Պետրոս Ադամյան 14, Երևան 0010, Հայաստան

4.

Ծրագիրը կատարողը

«Վորլդ Վիժն Ինթերնեյշնլ» միջազգային բարեգործական կազմակերպության հայաստանյան մասնաճյուղ (Հասցե` քաղաք Երևան, Ռոմանոս Մելիքյան փողոց 1, ՀՎՀՀ՝ 02528755)

5․

Ծրագրի իրականացման վայրը և բնագավառը

Հայաստանի Հանրապետություն, բնագավառը՝ սոցիալական

6

Ծրագրի բյուջեն

372,000,000 դրամ

7.

Բարեգործություն ստացողը

Բարեգործություն ստացողներն են Վորլդ Վիժն Ինթերնեյշնլ միջազգային բարեգործական կազմակերպության հայաստանյան մասնաճյուղի Երևանի, Տավուշի,Գեղարքունիքի, Սյունիքի,

Արագածոտնի մարզերի զարգացման ծրագրերում ընդգրկված կարիքավոր ընտանիքները և Լեռնային Ղարաբաղից տեղահանված անձինք։

8.

Ծրագրի իրականացման

տևողությունը

2024 թվականի փետրվարի 19-ից մինչև 2026 թվականի հունվարի 31-ը:

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Հաշվետու ժամանակահատվածում սույն ծրագրի շրջանակներում նախատեսվում են հետևյալ միջոցառումները․

1) «Հասանելի համայնքային սոցիալական ծառայություններ» մոդելը, որն իրականացվում է Հայաստանի Հանրապետության բոլոր մարզերում և Երևանում, որի նպատակն է աջակցել տեղական ինքնակառավարման համակարգում համայնքի սոցիալական աշխատողի ինստիտուտի ներդրման և զարգացման գործընթացին, աջակցել համայնքներին, որպեսզի վերջիններս կարողանան հայտնաբերել, կանխել և հասցեագրել իրենց սոցիալական խնդիրները:

Բյուջե՝ 200,000,000 դրամ, ժամկետ՝ 2024 թվականի փետրվարի 19-ից մինչև 2026 թվականի հունվարի 31-ը:

1․1. Մասնագիտական վերապատրաստում 95 համայնքային սոցիալական աշխատողի համար.

1․2. Առանձնացնել համայնքներում ծայրահեղ կարիքավոր երեխաներին/ընտանիքներին` տնտեսական դիմակայունության բարձրացման ծրագրի միջոցով աջակցություն տրամադրելու համար։ (Ծրագրի շահառու են Տարածքային Զարգացման Ծրագրերում ընդգրկված համայնքների 305 ընտանիքներ):

2) «Ապահով տուն՝ Վարդենիս և Կապան համայնքների ամենախոցելի երեխաների պաշտպանություն` համայնքների դիմակայունության ամրապնդման և կենսակերպի բարելավման միջոցով» մոդելի նպատակն է աջակցել Հայաստանի Գեղարքունիքի և Սյունիքի մարզերի Վարդենիս և Կապան համայնքների ամենախոցելի ընտանիքների և երեխաների դիմակայունության ամրապնդմանն ու կենսակերպի բարելավմանը։

Բյուջե՝ 120,000,000 դրամ, ժամկետ՝ 2024 թվականի փետրվարի 19-ից մինչև 2026 թվականի հունվարի 31-ը:

2․1. Քարտեզագրման և սոցիալական գնահատման արդյունքում ընտրված 200 ընտանիքների կենցաղային պարագաների տրամադրում - 24,000,000 դրամ.

2․2. 80 ընտանիքների տնտեսական բարելավման աջակցության տրամադրում՝ ըստ հմտությունների և մասնագիտության - 14,000,000 դրամ.

2․3. 80 անձանց համար մասնագիտական դասընթացների կազմակերպում ընտրված ոլորտներում - 4,000,000 դրամ.

2․4. 150 ամենախոցելի երեխաների ներգրավում «երեխայակենտրոն միջավայր» խմբակներին Վորլդ Վիժնի կենտրոններում և համայնքային դպրոցներում - 20,000,000 դրամ.

2․5. Հոգեբանական մոդուլի մշակում և շահառու երեխաների մոտ 80 ծնողների ընդգրկում դրական ծնողավարման, արտակարգ իրավիճակներում պահվածքի, տնտեսության վարման, ֆինանսական գրագիտության թեմաներով դասընթացներում - 3,000,000 դրամ.

2․6. Համայնքային ծրագրերի իրականացում՝ ուղղված քաղաքացիական պաշտպանությանը և արտակարգ իրավիճակներին - 16,000,000 դրամ:

3) «Կանանց հզորացում տնտեսական զարգացման համար» մոդելի շրջանակներում աջակցել սոցիալապես անապահով կանանց՝ իրենց հնարավորությունների բացահայտմամբ, տնտեսական հնարավորությունների ու համապատասխան տեղեկատվության կիրառմամբ դառնալու ինքնազբաղ կամ միանալու ֆորմալ աշխատաշուկային, ինչպես նաև մասնակցելու տեղական որոշումների կայացմանը։ Ծրագրի շահառուները Գեղարքունիքի և Շիրակի մարզերի խոշորացված համայնքների կանայք են։

Բյուջե՝ 52,000,000 դրամ, ժամկետ՝ 2024 թվականի փետրվարի 19-ից մինչև 2026 թվականի հունվարի 31-ը.

3․1. 400 շահառուի դասընթացների (թեմաները՝ համայնքների խոշորացում, մասնակցություն, առաջնորդություն, գենդերային բյուջետավարում, գենդերային վերլուծություն) համար, ընդհանուր բյուջեն կազմում է 24,000,000 դրամ.

3․2. Համայնքային ծրագրերի համար, այդ թվում՝ խաղահրապարակներ, շրջիկ տիկնիկային թատրոն, կանգառներ, ճանապարհային նշաններ, փողոցների անվանական ցուցանակներ, կոյուղու ջրագիծ, ջեռուցման համակարգերի տեղադրում և այլն - 18,000,000 դրամ.

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

Ծրագրի իրականացման շրջանակներում ձեռք բերվող ապրանքներն ու ծառայությունները և դրանց արժեքները:

1) Գրասենյակային պարագաներ (գրենական պարագաներ և մաքրող նյութեր, հիգիենայի պարագաներ) - շուրջ 12,500,000 դրամ

2) Վառելիքի ձեռքբերում՝ ծրագրի իրականացման նպատակով - շուրջ 13,000,000 դրամ.

3) Ավտոտրանսպորտային միջոցների տեխնիկական սպասարկում- շուրջ 3,000,000 դրամ.

4) Կորպորատիվ VPN և Ինտերնետ ծառայություն - շուրջ 2,000,000 դրամ.

5) Հետվճարային հեռախոսակապի ծառայություն- շուրջ 5,500,000 դրամ.

6) Հյուրանոցային ծառայությունների ձեռքբերում- շուրջ 10,500,000 դրամ.

7) Տաքսի ծառայություն - շուրջ 4,500,000 դրամ.

8) Տպագրական ծառայություններ- շուրջ 9,500,000 դրամ.

9) Էլեկտրական էներգիայի մատակարարում - շուրջ 8,700,000 դրամ.

10) Բնական գազի մատակարարում - շուրջ 5,100,000 դրամ.

11) Խմելու ջրի մատակարարում և ջրահեռացման ծառայությունների մատուցում- շուրջ 1,200,000 դրամ.

12) Կենցաղային ապրանքներ և պարագաներ - շուրջ 24,000,000 դրամ:

11.

Ծրագրի իրականացման հետ կապված կազմակերպական ծախսերը

Ծրագրի իրականացման հետ կապված կազմակերպական ծախսերը ներառում են կոմունալ վճարներ Երևանի գրասենյակի համար.

1) Էլեկտրական էներգիայի մատակարարում - շուրջ 8,700,000 դրամ.

2) Բնական գազի մատակարարում - շուրջ 5,100,000 դրամ.

3) Խմելու ջրի մատակարարում և ջրահեռացման ծառայությունների մատուցում- շուրջ 1,200,000 դրամ.

4) Գրասենյակային պարագաներ (գրենական պարագաներ և մաքրող նյութեր, հիգիենայի պարագաներ) - շուրջ 12,500,000 դրամ:

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Ներկայացված ծրագրի իրականացման շրջանակներում «Վորլդ Վիժն Ինթերնեյշնլ» միջազգային բարեգործական կազմակերպության հայաստանյան մասնաճյուղը համագործակցում է տեղական ինքնակառավարման մարմինների, համայնքային սոցաշխատողների, մանկապարտեզների, եկեղեցիների, ոստիկանության, համայնքներում գործող դպրոցների, Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայության կենտրոնների հետ, ինչպես նաև առաջնորդվում է e-soc.am առաջնային կարիքների ներկայացման հարթակում գրանցված ընտանիքների տվյալներով։

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ լիազորված մարմնին: