ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հոկտեմբերի 2024 թվականի N 1718-Ա

«ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼԸ ՆՎԱԶԵՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՅՔ ԱՄՐԱՑՆԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 113-րդ հոդվածը, «Բաժնետիրական ընկերությունների մաuին» Հայաստանի Հանրապետության oրենքի 36-րդ հոդվածն ու 68-րդ հոդվածի 7-րդ մաuը և «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ և 8-րդ մասերը` Հայաստանի Հանրապետության կառավարությունը որոշում է.

1. Թույլատրել «Հայկական ատոմային էլեկտրակայան» փակ բաժնետիրական ընկերությանը (այսուհետ՝ ընկերություն) սեփականության իրավունքով իրեն պատկանող և Հայաստանի Հանրապետության պաշտպանության նախարարությանը տրամադրված՝ շահագործումից հանված, օգտագործման համար ոչ պիտանի, 37,931,018.08 դրամ շուկայական արժեքով նյութական միջոցներով (այսուհետ՝ գույք)՝ համաձայն հավելվածի, վճարել ընկերության կողմից տեղաբաշխված՝ պետությանը պատկանող համապատասխան թվով հասարակ (սովորական) բաժնետոմսերի՝ Հայաստանի Հանրապետության օրենսդրությամբ սահմանված կարգով ձեռքբերման դիմաց:

2. Ընկերության կողմից ձեռք բերված բաժնետոմuերի մարման միջոցով Հայաuտանի Հանրապետության oրենuդրությամբ uահմանված կարգով՝ համապատասխան չափով նվազեցնել ընկերության կանոնադրական կապիտալը:

3. Հայաuտանի Հանրապետության կողմից ձեռք բերված՝ սույն որոշման 1-ին կետում նշված գույքն ամրացնել Հայաստանի Հանրապետության պաշտպանության նախարարությանը:

4. Սույն որոշման 1-ին կետի համաձայն գույքի առանձնացման ժամանակ հաշվարկվող ավելացված արժեքի հարկը և շահութահարկը վճարել «Հայաuտանի Հանրապետության 2024 թվականի պետական բյուջեի մաuին» Հայաստանի Հանրապետության oրենքի 7-րդ հոդվածի 10-րդ մաuով uահմանված կարգով:

5. Հայաստանի Հանրապետության տարածքային կառավարման և ենթակառուցվածքների նախարարին՝ սույն որոշումն ուժի մեջ մտնելուց հետո վեցամսյա ժամկետում Հայաuտանի Հանրապետության օրենսդրությամբ սահմանված կարգով ապահովել ընկերության կանոնադրական կապիտալի փոփոխումը և դրանով պայմանավորված՝ կանոնադրության մեջ կատարվող փոփոխության պետական գրանցումը:

6. Սահմանել, որ սույն որոշման 5-րդ կետում նշված՝ ընկերության կանոնադրության մեջ փոփոխություններ կատարելիս առաջացող պետական գրանցման ծախսերը ենթակա են իրականացման ընկերության միջոցների հաշվին:

Հայաստանի Հանրապետության վարչապետ	Ն. Փաշինյան
Երևան

31.10.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2024 թվականի հոկտեմբերի 31-ի N 1718-Ա որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆՆ ԱՄՐԱՑՎՈՂ ՆՅՈՒԹԱԿԱՆ ՄԻՋՈՑՆԵՐԻ

NN ը/կ	Նյութական միջոցի անվանումը	Չափի միավորը	Քանակը	Միավորի միջին շուկայական արժեքը	Ընդհանուր շուկայական արժեքը
1.	Կոճափայտ (шпала, 1 հատի չափերն են՝ 0,7մ x 0.15մ x 0.23մ)	հատ	1654	400	661,600
2.	Ցանց մետաղական անկյունակներում հավաքած (1 հատի չափերն են՝ 2.5մ x1.5մ)	հատ	70	5,000	350,000
3.	Ցանց փաթեթով (1 հատի չափերն են՝ 1.5մ x10մ)	հատ	150	20,000	3,000,000
4.	Մետաղական պահարան	հատ	400	5,000	2,000,000
5.	Մետաղական տակառ (бочка, 209 լիտր)	հատ	1700	4,000	6,800,000
6.	Մետաղական երկաթուղային գիծ (рельс)	գծամետր	696	12,723,23	8,855,368.08
7.	Երկտավրե կոնստրուկցիա 3մ x 2մ (1 հատը՝ 350կգ)	հատ	12	50,000	600,000
8.	Բետոնե սյուն (1մ բարձրությամբ)	հատ	150	15,000	2,250,000
9.	Բետոնե շաղախի համար երկաթյա կաղապարներ (щиты для опалубки, 1 հատի չափերն են՝ 3մ x 1.5մ)	հատ	35	23,000	805,000
10.	Բետոնե շաղախի համար երկաթյա կաղապարներ (щиты для опалубки, 3մ x 0.7մ)	հատ	12	10,000	120,000
11.	Օգտագործված պողպատյա հեծան (швеллер)	տոննա	7	450,000	3,150,000
12.	Մետաղական տարա (бак, 1 հատը 7850 կգ)	հատ	4	1,100,000	4,400,000
13.	Մետաղական տարա (бак, 1 հատը 11250 կգ)	հատ	2	1,500,000	3,000,000
14.	Մետաղական տակառ (209 լիտր)	հատ	178	4,000	712,000
15.	Կոճափայտ (шпала) 1.2մ x 0.15մ x 0.23մ	հատ	201	650	130,650
16.	Կոճափայտ (шпала) 0.7մ x 0.15մ x 0.23մ	հատ	50	400	20,000
17.	Կոճափայտ (шпала) 3մ x 0.15մ x 0.23մ	հատ	60	1,700	102,000
18.	Ցանց փաթեթով 1.5մ x10մ	հատ	30	20,000	600,000
19.	Սև մետաղի ջարդոն-մետաղական տնակներ (4 հատ) և մետաղական տարա (1 հատ)	կգ	9360	40	374,400
	Ընդամենը՝				37,931,018.08

Հայաստանի Հանրապետության վարչապետի աշխատակազմի ղեկավար

Ա. Հարությունյան

31.10.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ