ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 ապրիլի 2023 թվականի N 535-Ա

Ղեկավարվելով Հայաստանի Հանրապետության Սահմանադրության 146-րդ հոդվածի 4-րդ մասով և «Զբոսաշրջության և զբոսաշրջային գործունեության մասին» Հայաստանի Հանրապետության օրենքի 4-րդ հոդվածի 1-ին մասի 2-րդ կետով, ինչպես նաև հիմք ընդունելով Հայաստանի Հանրապետության կառավարության 2021 թվականի հուլիսի 29-ի N 1246-Ա որոշման 6-րդ կետը՝ Հայաստանի Հանրապետության Արագածոտնի մարզում «Մայլեռ» լեռնային հանգստավայրի կառուցման ներդրումային ծրագրով նախատեսված` պետության կողմից անհրաժեշտ ենթակառուցվածքը կառուցելու նպատակով Հայաստանի Հանրապետության կառավարությունը որոշում է.

1. Հաստատել՝

1) Հայաստանի Հանրապետության Արագածոտնի մարզի Ապարան համայնքի Եղիպատրուշ բնակավայրի «Մայլեռ» հանգստավայրի ասֆալտապատ ավտոճանապարհի կառուցման ծրագիրը (այսուհետ՝ ծրագիր)՝ համաձայն N 1 հավելվածի.

2) Հայաստանի Հանրապետության Արագածոտնի մարզի Ապարան համայնքի Եղիպատրուշ բնակավայրի «Մայլեռ» հանգստավայրի ասֆալտապատ ավտոճանապարհի ծրագիծը՝ համաձայն N 2 հավելվածի։

2. Սահմանել, որ՝

1) սույն որոշման 1-ին կետում նշված ավտոճանապարհի կառուցման համար նախատեսված հատկացումները ֆինանսավորվում են Հայաստանի Հանրապետության 2023-2024 թվականների պետական բյուջեներով պետական նշանակության ավտոճանապարհների հիմնանորոգման նպատակով հատկացվող միջոցների հաշվին՝ առանց տարեկան չափաքանակի ավելացման.

2) սույն որոշման 1-ին կետում նշված ավտոճանապարհը լինելու է 3 կիլոմետր երկարությամբ և 8 մետր լայնությամբ։

3. Հայաստանի Հանրապետության տարածքային կառավարման և ենթակառուցվածքների նախարարին՝ Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետով հաստատված ծրագրով նախատեսված ավտոճանապարհի կառուցման աշխատանքների իրականացումը:

4. Սահմանել, որ սույն որոշման 1-ին կետում նշված ավտոճանապարհի կառուցման աշխատանքների համար Հայաստանի Հանրապետության պետական բյուջեից նախատեսված հատկացումները կատարվելու են երկու փուլով՝

1) առաջին փուլ՝ ավտոճանապարհի կառուցման նախագծանախահաշվային փաստաթղթերի և դրանց փորձաքննության ծառայությունների ձեռքբերման համար.

2) երկրորդ փուլ՝ շինարարական աշխատանքների իրականացման, տեխնիկական և հեղինակային հսկողության ծառայությունների ձեռքբերման համար։

Հայաստանի Հանրապետության վարչապետ	Ն. ՓաշինՅԱՆ
Երևան

14.04.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ կառավարության 2023 թվականի ապրիլի 13-ի N 535-Ա որոշման

* Շինարարական աշխատանքների մեկնարկը կախված ազդակիր հողերի իրացման ժամկետներից, իսկ շինարարական աշխատանքների ժամկետը կախված է նախագծանախահաշվային փաստաթղթերի հիման վրա շինարարական աշխատանքների համար սահմանվող օրացուցային գրաֆիկից։

** Սույն հավելվածում նշված նոր ճանապարհի կառուցման, ինչպես նաև ազդակիր հողերի իրացման համար ներկայացված ֆինանսական գնահատականը նախնական է, ուստի դրա հստակ արժեքը և համապատասխան գնահատականները պայմանավորված են մի շարք գործոններով, այդ թվում՝ տեղանքով, անհրաժեշտ հողատարածքների ձեռքբերման ծավալներով և այլն, դրանք հնարավոր է հստակեցնել միայն տվյալ ճանապարհի կառուցման նախագծանա- խահաշվային փաստաթղթերի և հողերի փոխհատուցման արժեքների առկայության դեպքում։

Հայաստանի Հանրապետության վարչապետի աշխատակազմի ղեկավար

Ա. Հարությունյան

14.04.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 2 ՀՀ կառավարության 2023 թվականի ապրիլի 13-ի N 535-Ա որոշման

ԾՐԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԱԳԱԾՈՏՆԻ ՄԱՐԶԻ ԱՊԱՐԱՆ ՀԱՄԱՅՆՔԻ ԵՂԻՊԱՏՐՈՒՇ ԲՆԱԿԱՎԱՅՐԻ «ՄԱՅԼԵՌ» ՀԱՆԳՍՏԱՎԱՅՐԻ ԱՍՖԱԼՏԱՊԱՏ ԱՎՏՈՃԱՆԱՊԱՐՀԻ

(հավելվածը խմբ. 07.11.24 N 1767-Ա)

Հայաստանի Հանրապետության վարչապետի աշխատակազմի ղեկավար

Ա. Հարությունյան

14.04.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ