ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2020 թվականի փետրվարի 27-ի ««Բարձրագույն մասնագիտական պետական ուսումնական հաստատությունների մասին» Ձև 3-ԳՄ (տարեկան) վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2019 թվականի փետրվարի 19-ի թիվ 17-Ն որոշումն ուժը կորցրած ճանաչելու մասին» թիվ 06-Ն որոշման`

1) վերնագրում, 1-2-րդ կետերում, 2-րդ կետով հաստատված հավելված 2-ի 1- 2-րդ կետերում «մասնագիտական» բառից հետո լրացնել «կրթական ծրագրեր իրականացնող» բառերը,

2) 1-ին կետով հաստատված հավելված 1-ի դիմային էջում և 2-րդ կետով հաստատված հավելված 2-ի 3-րդ կետում «հոկտեմբերի 5-ը» բառերը փոխարինել «դեկտեմբերի 1-ը» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Նախագահ`

Ս. Մնացականյան

Պաշտոնական հրապարակման օրը՝ 29 հոկտեմբերի 2024 թվական: