Հայաստանի Հանրապետության Նախարարների խորհուրդը որոշում է`

1. Հաստատել Հայաստանի Հանրապետության Նախարարների խորհրդին առընթեր ֆիզիկական կուլտուրայի և սպորտի կոմիտեի կենտրոնական ապարատի կառուցվածքը, համաձայն հավելվածի, և սահմանել նրա կենտրոնական ապարատի աշխատողների թվաքանակը` 30 միավոր (առանց շենքը սպասարկող և պահպանող անձնակազմի):

Ապարատի պահպանման ծախսերը կատարել հանրապետական բյուջեի միջոցների հաշվին:

2. Թույլատրել Հայաստանի Հանրապետության Նախարարների խորհրդին առընթեր ֆիզիկական կուլտուրայի և սպորտի կոմիտեին ունենալու նախագահի երկու տեղակալ, որից մեկը` առաջին տեղակալ, և 9 անդամից բաղկացած կոլեգիա:

3. Սահմանել Հայաստանի Հանրապետության Նախարարների խորհրդին առընթեր ֆիզիկական կուլտուրայի և սպորտի կոմիտեի կենտրոնական ապարատի համար մարդատար ավտոմեքենաների պահպանման 4 միավորի լիմիտ:

4. Հայաստանի Հանրապետության էկոնոմիկայի պետական կոմիտեին և Հայաստանի Հանրապետության ֆինանսների նախարարությանը` սույն որոշումից բխող համապատասխան փոփոխություններ կատարել Հայաստանի Հանրապետության 1991 թվականի տնտեսական ու սոցիալական զարգացման պետական ծրագրի և պետական բյուջեի մեջ:

5. Հայաստանի Հանրապետության Նախարարների խորհրդին առընթեր ֆիզիկական կուլտուրայի և սպորտի կոմիտեին` երկամսյա ժամկետում մշակել ու սահմանված կարգով Նախարարների խորհուրդ ներկայացնել կոմիտեի կանոնադրությունը:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահ

Վ. ՄԱՆՈՒԿՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ

ՀԱվելվաԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՐԴԻ 1991 ԹՎԱԿԱՆԻ ապրիլԻ 5-ի N 260 ՈՐՈՇՄԱն