ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2010 թվականի ապրիլի 27-ին

«ՊԵՏԱԿԱՆ ՏՈՒՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» Հայաստանի Հանրապետության 1997 թվականի դեկտեմբերի 27-ի ՀՕ-186 օրենքի (այսուհետ` Օրենք) 19-րդ հոդվածի 14-րդ կետում`

1) 14.2-րդ ենթակետը շարադրել հետևյալ խմբագրությամբ`

«14.2 յուրաքանչյուր վայրում մինչև 100 մեքենայացված շահումներով խաղերի սարքավորումների շահագործող շահումով խաղի կազմակերպման համար, այդ թվում`

14.2.1	Երևան քաղաքի վարչական սահմաններից ուղիղ գծով մինչև 15 կիլոմետր հեռավորության վրա գտնվող տարածքներում` տարեկան		բազային տուրքի 150000-ապատիկի չափով
14.2.2	Երևան քաղաքի վարչական սահմաններից ուղիղ գծով 15-ից մինչև 80 կիլոմետր հեռավորության վրա գտնվող տարածքներում` տարեկան		բազային տուրքի 90000-ապատիկի չափով
14.2.4	Երևան քաղաքի վարչական սահմաններից ուղիղ գծով 80 (ներառյալ) կիլոմետրից ավելի հեռավորության վրա գտնվող տարածքներում` տարեկան		բազային տուրքի 50000-ապատիկի չափով».

2) 14.3-րդ ենթակետը շարադրել հետևյալ խմբագրությամբ`

3) «14.3 յուրաքանչյուր վայրում մինչև 40 խաղասեղան շահագործող խաղատան կազմակերպման համար, այդ թվում`

14.3.1	Երևան քաղաքի վարչական սահմաններից ուղիղ գծով մինչև 15 կիլոմետր հեռավորության վրա գտնվող տարածքներում` տարեկան		բազային տուրքի 1200000-ապատիկի չափով
14.3.2	Երևան քաղաքի վարչական սահմաններից ուղիղ գծով 15-ից մինչև 80 կիլոմետր հեռավորության վրա գտնվող տարածքներում` տարեկան		բազային տուրքի 700000-ապատիկի չափով
14.3.3	Երևան քաղաքի վարչական սահմաններից ուղիղ գծով 80 (ներառյալ) կիլոմետրից ավելի հեռավորության վրա գտնվող տարածքներում` տարեկան		բազային տուրքի 400000-ապատիկի չափով»:

Հոդված 2. Օրենքի 19-րդ հոդվածը լրացնել հետևյալ բովանդակությամբ նոր պարբերությունով`

«Յուրաքանչյուր վայրում շահումով խաղերի կազմակերպիչների կողմից 100 և ավելի շահումով մեքենայացված խաղերի սարքավորումներ շահագործելու դեպքում նրանց կողմից վճարվող տարեկան պետական տուրքը սահմանվում է ըստ Երևան քաղաքի վարչական սահմաններից ուղիղ գծով հեռավորության վրա գտնվելու` համապատասխանաբար` սույն հոդվածի 14-րդ կետի 14.2-րդ ենթակետի 14.2.1-14.2.3-րդ ենթակետերով սահմանված տարեկան պետական տուրքերի 1.3-ապատիկը: Յուրաքանչյուր վայրում խաղատների կողմից 40 և ավելի խաղասեղան շահագործելու դեպքում նրանց կողմից վճարվող տարեկան պետական տուրքը սահմանվում է ըստ Երևան քաղաքի վարչական սահմաններից ուղիղ գծով հեռավորության վրա գտնվելու` համապատասխանաբար` սույն հոդվածի 14-րդ կետի 14.3-րդ ենթակետի 14.3.1-14.3.3-րդ ենթակետերով սահմանված տարեկան պետական տուրքերի 1.3-ապատիկը:»:

Հոդված 3. Օրենքի 32-րդ հոդվածը լրացնել հետևյալ բովանդակությամբ նոր պարբերությունով`

«Օրենքի 19-րդ հոդվածի 14-րդ կետի 14.2-րդ ենթակետի 14.2.1-14.2.3-րդ ենթակետերով, ինչպես նաև 14-րդ կետի 14.3-րդ ենթակետի 14.3.1-14.3.3-րդ ենթակետերով սահմանված պետական տուրքի տարեկան գումարի մեկ քառորդ մասը պետական բյուջե է վճարվում յուրաքանչյուր եռամսյակ` մինչև տվյալ եռամսյակի սկզբին նախորդող ամսվա 25-ը ներառյալ:»:

Հոդված 4. Սույն օրենքն ուժի մեջ է մտնում 2013 թվականի հունվարի 1-ից:

Հայաստանի Հանրապետության Նախագահ	Ս. Սարգսյան
2010 թ. մայիսի 18 Երևան ՀՕ-55-Ն