ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 943-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2018 ԹՎԱԿԱՆԻ ՀՈՒՆԻՍԻ 11-Ի N 702-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը և ղեկավարվելով «Կառավարչական իրավահարաբերությունների կարգավորման մասին» օրենքի 9-րդ հոդվածի 1-ին մասի 1-ին կետով և 21-րդ հոդվածով՝

1․Հայաստանի Հանրապետության վարչապետի 2018 թվականի հունիսի 11-ի «Հայաստանի Հանրապետության պետական եկամուտների կոմիտեի կանոնադրությունը հաստատելու մասին» N 702-Լ որոշմամբ (այսուհետ` որոշում) հաստատված Պետական եկամուտների կոմիտեի կառուցվածքում կատարել հետևյալ փոփոխությունները՝

1) ստեղծել հիմնական կառուցվածքային ստորաբաժանում հանդիսացող Միջազգային հարկման վարչություն․

2) Հետաքննության և օպերատիվ հետախուզության վարչությունից առանձնացման եղանակով ստեղծել Խաղային գործունեության վերահսկողության վարչություն:

2. Որոշմամբ հաստատված հավելվածում կատարել հետևյալ փոփոխությունները և լրացումները՝

1) 11-րդ կետի 15-րդ ենթակետը շարադրել հետևյալ խմբագրությամբ․

«15) օրենքով նախատեսված ոչ առևտրային կազմակերպությունների գործունեության կազմակերպման ոլորտում վերահսկողության իրականացումը․»․

2) 11-րդ կետը լրացնել հետևյալ բովանդակությամբ նոր՝ 15․1-ին ենթակետով.

«15.1) խաղային գործունեության ոլորտում օրենքով իրեն վերապահված լիազորությունների իրականացում․».

3) 11-րդ կետը լրացնել հետևյալ բովանդակությամբ նոր՝ 16․1-ին ենթակետով․

«16․1) միջազգային հարկման ստանդարտների ներդրում և կատարելագործում․»․

4) 12-րդ կետի 33-րդ ենթակետը շարադրել հետևյալ խմբագրությամբ․

«33) խաղային գործունեության և օպերատորի գործունեության նկատմամբ օրենքով սահմանված վերահսկողության իրականացումը.»․

5) 12-րդ կետի 40-րդ ենթակետի և 28-րդ կետի 27-րդ ենթակետի վերջում «:» կետադրական նշանը փոխարինել «.» կետադրական նշանով․

6) 12-րդ կետը լրացնել հետևյալ բովանդակությամբ նոր՝ 41-րդ ենթակետով.

«41) միջազգային պայմանագրերով և հարկային օրենսդրությամբ միջազգային հարկման ոլորտում իր իրավասությունների շրջանակներում միջազգային ստանդարտների ներդրումը, կատարելագործումը և նշված ոլորտում հսկողության իրականացումը։».

7) 28-րդ կետը լրացնել հետևյալ բովանդակությամբ նոր՝ 28-րդ և 29-րդ ենթակետերով.

«28) Միջազգային հարկման վարչություն․»․

«29) Խաղային գործունեության վերահսկողության վարչություն։»։

3. Սույն որոշումն ուժի մեջ է մտնում հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
Երևան

22.10.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ