040.0808.18.12.98

«Վավերացնում եմ»
Հայաստանի Հանրապետության
Նախագահ Ռ. Քոչարյան
18 դեկտեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 դեկտեմբերի 1998 թվականի N 808
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ ԱՏՅԱՆԻ, ՎԵՐԱՔՆՆԻՉ ԵՎ ՏՆՏԵՍԱԿԱՆ ԴԱՏԱՐԱՆՆԵՐԻ ԱՇԽԱՏԱԿԱԶՄԵՐԻ ՀԱՍՏԻՔԱՅԻՆ ՄԻԱՎՈՐՆԵՐԻ ՆՈՐՄԱՏԻՎՆԵՐԸ ՀԱՍՏԱՏԵԼՈՒ ԵՎ ԱՆՀՐԱԺԵՇՏ ՖԻՆԱՆՍԱԿԱՆ ՄԻՋՈՑՆԵՐ ՀԱՏԿԱՑՆԵԼՈՒ ՄԱՍԻՆ

(վերնագիրը փոփ. 29.08.02 N 1363-Ն)

Նկատի ունենալով այն հանգամանքը, որ 1999 թվականի հունվարի 12-ից Հայաստանի Հանրապետությունում գործելու են առաջին ատյանի, վերաքննիչ և տնտեսական դատարաններ, և վերջիններիս նյութատեխնիկական ապահովման միջոցառումների ֆինանսավորման նպատակով, ինչպես նաև «Դատարանակազմության մասին» Հայաստանի Հանրապետության օրենքի 17, 20 և 20.3 հոդվածներին համապատասխան` Հայաստանի Հանրապետության կառավարությունը որոշում է`

(նախաբանը փոփ. 29.08.02 N 1363-Ն)

1. Հաստատել`

ա) Հայաստանի Հանրապետության առաջին ատյանի դատարանների աշխատակազմերի` «Դատարանակազմության մասին» Հայաստանի Հանրապետության օրենքով չնախատեսված հաստիքային միավորների նորմատիվները` համաձայն N 1 հավելվածի.

բ) Հայաստանի Հանրապետության վերաքննիչ դատարանների աշխատակազմերի` «Դատարանակազմության մասին» Հայաստանի Հանրապետության օրենքով չնախատեսված հաստիքային միավորների նորմատիվները` համաձայն N 2 հավելվածի:

(1-ին կետը փոփ. 29.08.02 N 1363-Ն)

2. Հայաստանի Հանրապետության ֆինանսների և էկոնոմիկայի նախարարությանը`

ա) մեկամսյա ժամկետում Հայաստանի Հանրապետության վարչապետի հաստատմանը ներկայացնել առաջարկություն առաջին ատյանի և վերաքննիչ դատարանների աշխատակազմերի աշխատողների` օրենքով չսահմանված պաշտոնային դրույքաչափերի վերաբերյալ.

բ) Հայաստանի Հանրապետության առաջին ատյանի և վերաքննիչ դատարանների գործունեության համար անհրաժեշտ գույք, տնտեսական ապրանքներ ձեռք բերելու և այլ անհրաժեշտ ծախսերի համար 1999 թվականին հնարավորության դեպքում Հայաստանի Հանրապետության արդարադատության նախարարությանը ֆինանսական միջոցներ հատկացնել առաջնահերթ կարգով:

Հայաստանի Հանրապետության վարչապետ

Ա. Դարբինյան

Հավելված N 1 ՀՀ կառավարության 1998 թվականի դեկտեմբերի 18-ի N 808 որոշման

Ն Ո Ր Մ Ա Տ Ի Վ Ն Ե Ր

Հայաստանի Հանրապետության առաջին ատյանի դատարանների աշխատակազմերի` «Դատարանակազմության մասին» Հայաստանի Հանրապետության օրենքով չնախատեսված հաստիքային միավորների

N/N ը/կ	Հաստիքային միավորի անվանումը	Հաստիքային միավորի թիվը
1.	Գրասենյակի պետ	1
2.	Գրասենյակի քարտուղար	յուրաքանչյուր նստավայրում` 1
3.	Գանձապահ	0,5
4.	Ցրիչ	յուրաքանչյուր նստավայրում` 1
5.	Պարետ	յուրաքանչյուր նստավայրում` 1
6.	Հավաքարար	յուրաքանչյուր 500 քմ մաքրվող տարածքի համար` 1 միավոր, բայց 0,5 միավորից ոչ պակաս
7.	Տնտեսության վարիչ	1
8.	Համակարգչի ավագ օպերատոր	1
9.	Աուդիտոր	1

(հավելվածը փոփ. 29.08.02 N 1363-Ն, 26.02.04 N 485-Ն)

Հայաստանի Հանրապետության կառավարության աշխատակազմի ղեկավար

Է. Թադևոսյան

Հավելված N 2 ՀՀ կառավարության 1998 թվականի դեկտեմբերի 18-ի N 808 որոշման

Ն Ո Ր Մ Ա Տ Ի Վ Ն Ե Ր

Հայաստանի Հանրապետության վերաքննիչ եվ տնտեսական դատարանների աշխատակազմերի` «Դատարանակազմության մասին» Հայաստանի Հանրապետության օրենքով չնախատեսված հաստիքային միավորների

N/N ը/կ	Հաստիքային միավորի անվանումը	Հաստիքային միավորի թիվը
1.	Գրասենյակի պետ	1
2.	Գրասենյակի քարտուղար	Երևան քաղաքում յուրաքանչյուր 3 դատավորին` 1 տնտեսական դատարանի յուրաքանչյուր նստավայրում` 1
3.	Գանձապահ	0,5
4.	Ցրիչ	յուրաքանչյուր նստավայրում` 1
5.	Պարետ	յուրաքանչյուր նստավայրում` 1
6.	Հավաքարար	յուրաքանչյուր 500 քմ մաքրվող տարածքի համար` 1 միավոր, բայց 0,5 միավորից ոչ պակաս
7.	Վարորդ	1
8.	Տնտեսության վարիչ	1
9.	Համակարգչի ավագ օպերատոր	1
10.	Աուդիտոր	1

(հավելվածը փոփ. 29.08.02 N 1363-Ն, 26.02.04 N 485-Ն)

Հայաստանի Հանրապետության կառավարության աշխատակազմի ղեկավար

Է. Թադևոսյան