ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2009 թվականի նոյեմբերի 18-ին
«ՄԱՔՍԱՅԻՆ ԾԱՌԱՅՈՒԹՅԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Մաքսային ծառայության մասին» Հայաստանի Հանրապետության 2002 թվականի հուլիսի 3-ի ՀՕ-402-Ն օրենքի 1-ին հոդվածը «Հանրապետության մաքսային ծառայության» բառերից հետո լրացնել «, որպես պետական ծառայության հատուկ տեսակ,» բառերով, «կարգավիճակի,» բառից հետո` «մաքսային ծառայության առանձնահատկությունների,» բառերով:
Հոդված 2. Oրենքի 6-րդ հոդվածը լրացնել հետևյալ բովանդակությամբ 4-րդ մասով`
«4. Մաքսային ծառայությունը կազմակերպվում է ռոտացիայի սկզբունքով: Մաքսային մարմինների կամ մաքսային մարմնի ստորաբաժանումների մաքսային ծառայողները տեղափոխվում են մեկ մաքսային մարմնից մյուսը կամ մաքսային մարմնի մի ստորաբաժանումից մեկ այլ ստորաբաժանում` Հայաստանի Հանրապետության կառավարության սահմանած կարգով:»:
Հոդված 3. Օրենքի 14-րդ հոդվածը լրացնել հետևյալ բովանդակությամբ 3.1-րդ մասով`
«3.1. Մաքսային ծառայության ժամանակավոր թափուր պաշտոն առաջանալու դեպքում (հղիության և ծննդաբերության արձակուրդ, պարտադիր զինվորական ծառայության զորակոչում), ինչպես նաև մաքսային ծառայողի կողմից իր ծառայողական պարտականությունները կատարելու ժամանակավոր անհնարինության և օրենքով նախատեսված այլ դեպքերում այդ պաշտոնը կարող են զբաղեցնել մաքսային ծառայության կադրերի ռեզերվում գտնվող և տվյալ պաշտոնի նկարագրին բավարարող անձինք, որոնց հետ կնքվում է ժամկետային աշխատանքային պայմանագիր, իսկ դրա անհնարինության դեպքում հաշվի առնելով սույն օրենքի 8-րդ, 9-րդ հոդվածների և 49-րդ հոդվածի 1-ին մասի պահանջները` մեկ այլ անձի հետ ժամկետային աշխատանքային պայմանագիր կնքելով:»:
Հոդված 4. Օրենքի 15-րդ հոդվածում`
1) 1-ին մասի երրորդ պարբերությունը լրացնել «, բացի վերադաս մաքսային մարմնի վարչության պետի և մաքսատան պետի պաշտոն զբաղեցնող անձանցից» բառերով.
2) 9-րդ մասը շարադրել հետևյալ խմբագրությամբ`
«9. Ատեստավորումն անցկացվում է հետևյալ եղանակներով`
1) փաստաթղթային.
2) թեստավորման և հարցազրույցի միջոցով, իսկ վերադաս մաքսային մարմնի oպերատիվ ստորաբաժանումներում ծառայություն անցնողների համար նաև ֆիզիկական պատրաստվածության, զենքի և հատուկ միջոցների տիրապետման գծով` ատեստավորման հանձնաժողովի սահմանած կարգով:».
3) լրացնել հետևյալ բովանդակությամբ 9.1-րդ և 9.2-րդ մասերով`
«9.1. Այն մաքսային ծառայողները, որոնք ունեն զբաղեցրած պաշտոնի ենթախմբի համար նախատեսված առավելագույն հատուկ կոչում, ենթակա են փաստաթղթային ատեստավորման:
Փաստաթղթային ատեստավորումն անցկացվում է ծառայողական բնութագրի հիման վրա` հարցազրույցի միջոցով: Հարցազրույցն անցկացվում է մաքսային ծառայության տվյալ պաշտոնի նկարագրի դրույթների շրջանակներում` նրանց գործնական կարողություններն ստուգելու նպատակով:
Ատեստավորման հանձնաժողովը յուրաքանչյուր մաքսային ծառայողի համար քվեարկության է դնում սույն մասի չորրորդ պարբերության 1-ին կետով նախատեսված որոշումը, որը հանձնաժողովի քվեարկությանը մասնակցած անդամների ձայների մեծամասնությամբ չընդունվելու դեպքում ընդունված է համարվում սույն մասի չորրորդ պարբերության 2-րդ կետով նախատեսված որոշումը:
Փաստաթղթային ատեստավորման արդյունքի հիման վրա ատեստավորման հանձնաժողովն ընդունում է հետևյալ որոշումներից մեկը`
1) համապատասխանում է զբաղեցրած պաշտոնին.
2) ենթակա է ատեստավորման թեստավորման և հարցազրույցի միջոցով:
9.2. Թեստավորման և հարցազրույցի միջոցով ատեստավորման ենթակա են այն մաքսային ծառայողները`
1) որոնք փաստաթղթային ատեստավորման ենթակա չեն.
2) որոնց վերաբերյալ ատեստավորման հանձնաժողովն ընդունել է սույն հոդվածի 9.1-րդ մասի չորրորդ պարբերության 2-րդ կետում նշված որոշումը:
Թեստերը կազմում, հարցազրույցն անցկացնում և արդյունքները գնահատում է ատեստավորման հանձնաժողովը` սույն oրենքի 13-րդ հոդվածի 4-րդ մասով սահմանված կարգով:».
4) 12-րդ մասը լրացնել հետևյալ բովանդակությամբ 4-րդ և 5-րդ կետերով`
«4) զբաղեցրած պաշտոնին մաքսային ծառայողի համապատասխանության մասին.
5) մաքսային ծառայողին զբաղեցրած պաշտոնից իջեցնելու մասին:»:
Հոդված 5. Օրենքի 17-րդ հոդվածի 1-ին մասը «վերադաս մաքսային» բառերից հետո լրացնել «մարմնի» բառով:
Հոդված 6. Օրենքի 18-րդ հոդվածի 1-ին մասը «մաքսային ծառայության գեներալ-մայոր,» տողից առաջ լրացնել «մաքսային ծառայության գեներալ-լեյտենանտ,» տողով:
Հոդված 7. Օրենքի 19-րդ հոդվածի 1-ին մասի «Մաքսային ծառայության գեներալ-մայորի հատուկ կոչումը» բառերը փոխարինել «Մաքսային ծառայության գեներալ-լեյտենանտի և մաքսային ծառայության գեներալ-մայորի հատուկ կոչումները» բառերով:
Հոդված 8. Օրենքի 21-րդ հոդվածը լրացնել հետևյալ բովանդակությամբ 5-րդ մասով`
«5. Մաքսային ծառայողի վարքագծի (էթիկայի) կանոնները խախտելու կամ ծառայողական պարտականությունները պարբերաբար չկատարելու կամ ոչ պատշաճ կատարելու համար մաքսային ծառայողին հերթական հատուկ կոչման ներկայացնելը կարող է պատճառաբանված մերժվել` ծառայողական քննություն անցկացնող հանձնաժողովի եզրակացության հիման վրա:»:
Հոդված 9. Օրենքի 23-րդ հոդվածի 1-ին մասը լրացնել հետևյալ բովանդակությամբ 10-րդ և 11-րդ կետերով`
«10) աշխատանքի, վարձատրության, առողջության պաշտպանության, անվտանգ և անհրաժեշտ աշխատանքային պայմանների ապահովվածության.
11) սոցիալական և իրավական պաշտպանության ու ապահովության:»:
Հոդված 10. Օրենքի 24-րդ հոդվածի 1-ին մասում`
1) 1-ին կետը «կատարումը» բառից հետո լրացնել «, ինչպես նաև տիրապետել մասնագիտական և ծառայողական պարտականությունների կատարման համար անհրաժեշտ այլ գիտելիքների» բառերով.
2) 6-րդ կետը «հետաքննության» բառից հետո լրացնել «և նախաքննության» բառերով.
3) լրացնել հետևյալ բովանդակությամբ 9-րդ կետով`
«9) պահպանել մաքսային ծառայողի վարքագծի (էթիկայի) կանոնները, որոնք հաստատվում են վերադաս մաքսային մարմնի ղեկավարի կողմից:»:
Հոդված 11. Օրենքի 25-րդ հոդվածի 1-ին մասը լրացնել հետևյալ բովանդակությամբ 8-րդ և 9-րդ կետերով`
«8) հոնորար ստանալ ծառայողական պարտականությունների կատարումից բխող հրապարակումների կամ ելույթների համար.
9) որպես պետության ներկայացուցիչ` գույքային գործարքներ կնքել սույն հոդվածի 3-րդ մասում նշված անձանց հետ, բացառությամբ Հայաստանի Հանրապետության oրենսդրությամբ նախատեսված դեպքերի:»:
Հոդված 12. Օրենքի 32-րդ հոդվածի 1-ին մասը «պայմանագրով» բառից հետո լրացնել «, բացառությամբ սույն օրենքի 6-րդ հոդվածի 4-րդ մասով սահմանված դեպքի» բառերով:
Հոդված 13. Օրենքի 37-րդ հոդվածում`
1) երրորդ պարբերությունը շարադրել հետևյալ խմբագրությամբ`
«Մաքսային մարմնի կամ մաքսային ծառայողի գործողությունները կամ անգործությունը կարող են գանգատարկվել վերադաս մաքսային մարմնի գանգատարկման հանձնաժողովին կամ բողոքարկվել դատարան:».
2) լրացնել հետևյալ բովանդակությամբ նոր պարբերություններով`
«Մաքսային մարմնի կամ մաքսային ծառայողի գործողությունների, անգործության, ինչպես նաև մաքսային ծառայությանն առնչվող վեճերի լուծման նպատակով վերադաս մաքսային մարմնում մշտապես գործում է գանգատարկման հանձնաժողով:
Վերադաս մաքսային մարմնի գանգատարկման հանձնաժողովը (այսուհետ` Գանգատարկման հանձնաժողով) վերադաս մաքսային մարմնի ղեկավարի կողմից ձևավորվող, վերադաս մաքսային մարմնում մշտապես գործող մարմին է, որը բաղկացած է նախագահից և վեց անդամից, որոնք իրենց աշխատանքը հանձնաժողովում համատեղում են զբաղեցրած մաքսային ծառայության պաշտոնների հետ: Գանգատարկման հանձնաժողովի որոշումներն իրավազոր են, եթե դրանց կայացմանը մասնակցել է առնվազն հինգ անդամ: Որոշումներն ընդունվում են բաց քվեարկությամբ, պարզ մեծամասնության ձևով:
Գանգատարկման հանձնաժողովին դիմում-գանգատ ներկայացրած անձը համապատասխան նիստի անցկացման վայրի և ժամանակի մասին նախապես ծանուցվում է: Գանգատարկման հանձնաժողովի նիստին կարող են մասնակցել դիմում-գանգատ ներկայացրած անձը և (կամ) վերջինիս լիազորած անձը: Դիմում-գանգատները վերադաս մաքսային մարմնի կողմից քննության են առնվում, որոնց վերաբերյալ դիմում-գանգատի ընդունման օրվանից հետո` 30 օրվա ընթացքում, ընդունվում են որոշումներ: Առանձին դեպքերում վերադաս մաքսային մարմնի ղեկավարի որոշմամբ նշված ժամկետը կարող է երկարաձգվել մինչև 15 օրով, որի մասին իրազեկվում է դիմումատուն: Գանգատարկման հանձնաժողովի նիստի ավարտից հետո գանգատարկման հանձնաժողովը դիմում-գանգատ ներկայացնողին ուղարկում է դիմում-գանգատի վերաբերյալ հանձնաժողովի կայացրած որոշումը:
Գանգատարկման հանձնաժողովի աշխատակարգը և անհատական կազմը սահմանում է վերադաս մաքսային մարմնի ղեկավարը:»:
Հոդված 14. Օրենքը լրացնել հետևյալ բովանդակությամբ 37.1-րդ հոդվածով.
| «Հոդված 37.1. | Քրեական գործերով որպես մեղադրյալ ներգրավված մաքսային ծառայողի պաշտոնական լիազորությունների կասեցումը |
Քրեական գործերով որպես մեղադրյալ ներգրավված մաքսային ծառայողի պաշտոնական լիազորությունները կասեցվում են հիմնական աշխատավարձի պահպանմամբ մինչև մեղադրանքի հանվելը:
Մեղադրանքի հանվելու դեպքում մաքսային ծառայողի պաշտոնական լիազորությունների կասեցումը վերացվում է:»:
Հոդված 15. Օրենքի 41.1-րդ հոդվածի 5-րդ մասի աղյուսակում «Մաքսային ծառայության հատուկ կոչումը» սյունակը «Մաքսային ծառայության գեներալ-մայոր» տողից առաջ լրացնել «Մաքսային ծառայության գեներալ-լեյտենանտ» տողով, իսկ հաջորդ սյունակը` «35» թվով:
Հոդված 16. Օրենքի 45-րդ հոդվածում`
1) 1-ին մասի 1-ին կետը «մինչև 500.000 դրամ» բառերից հետո լրացնել «և (կամ) իջեցվում պաշտոնից» բառերով, 2-րդ կետը «մինչև 1000.000 դրամ» բառերից հետո` «և (կամ) իջեցվում պաշտոնից» բառերով, իսկ 3-րդ կետի «և (կամ) ազատվում են» բառերը փոխարինել «և (կամ) իջեցվում պաշտոնից կամ ազատվում» բառերով.
2) 2-րդ մասի 1-ին կետը «նկատողություն» բառից հետո լրացնել «և (կամ) իջեցվում հատուկ կոչումից» բառերով.
3) 3-րդ մասի «2-րդ և 4-րդ կետերով» բառերը փոխարինել «2-րդ, 4-րդ, 8-րդ և 9-րդ կետերով» բառերով.
4) 4-րդ մասի 3-րդ կետը «կոչումից» բառից հետո լրացնել «կամ իջեցվում պաշտոնից» բառերով:
Հոդված 17. Օրենքի 46-րդ հոդվածի 1.1-րդ մասում`
1) 1-ին կետը «իրավախախտում» բառից հետո լրացնել «կամ վարքագծի (էթիկայի) կանոնների խախտում» բառերով.
2) 2-րդ կետը «իրավախախտման» բառից հետո լրացնել «կամ վարքագծի (էթիկայի) կանոնների խախտման» բառերով.
3) 3-րդ կետը «իրավախախտում» բառից հետո լրացնել «կամ վարքագծի (էթիկայի) կանոնների խախտում» բառերով:
Հոդված 18. Օրենքի 46.1-րդ հոդվածի 1-ին մասի 8-րդ կետը «լիազորությունները» բառից հետո լրացնել «` հիմնական աշխատավարձի պահպանմամբ» բառերով:
Հոդված 19. Օրենքի 48-րդ հոդվածի 2-րդ մասում`
1) 10-րդ կետը «ծառայողական կարգապահական» բառերից հետո լրացնել «և վարքագծի (էթիկայի)» բառերով.
2) լրացնել հետևյալ բովանդակությամբ 18-րդ կետով`
«18) oրենքով սահմանված կարգով իր եկամուտների հայտարարագիրը չներկայացնելը:»:
Հոդված 20. Օրենքը լրացնել հետևյալ բովանդակությամբ 48.2-րդ հոդվածով.
|
«Հոդված 48.2. |
Մաքսային ծառայողին զբաղեցրած պաշտոնից իջեցնելու հիմքերը |
1. Մաքսային ծառայողին զբաղեցրած պաշտոնից իջեցնելու հիմքերն են`
1) ատեստավորման արդյունքում սույն oրենքի 15-րդ հոդվածի 12-րդ մասի 5-րդ կետով սահմանված դեպքը.
2) սույն oրենքի 44-րդ հոդվածի 1-ին մասի 5-րդ կետով նախատեսված կարգապահական պատասխանատվության ենթարկվելը.
3) սույն oրենքի 45-րդ հոդվածով նախատեսված պաշտոնից իջեցնելու դեպքերը:»:
Հոդված 21. Օրենքի 51-րդ հոդվածում`
1) 1-ին մասը լրացնել հետևյալ բովանդակությամբ 4-րդ կետով`
«4) մաքսային ծառայության թափուր պաշտոն զբաղեցնելու համար անցկացված մրցույթում օրենքով սահմանված կարգով հաղթող ճանաչված, սակայն պաշտոնի չնշանակված անձինք:».
2) 2-րդ մասի երկրորդ պարբերությունը շարադրել հետևյալ խմբագրությամբ`
«Մաքսային ծառայության կադրերի ռեզերվում մաքսային ծառայողները գտնվում են մինչև`
1) սույն oրենքի 49-րդ հոդվածի 1-ին մասում նշված ժամկետի լրանալը.
2) սույն օրենքի 13-րդ հոդվածի 1-ին մասի երկրորդ պարբերությամբ, 14-րդ հոդվածի 1-ին մասի երկրորդ պարբերությամբ և 14-րդ հոդվածի 3.1-րդ մասով սահմանված կարգով մաքսային ծառայության թափուր պաշտոնի նշանակվելը.
3) Հայաստանի Հանրապետության քաղաքացիության դադարումը.
4) սույն օրենքի 9-րդ և 25-րդ հոդվածների պահանջների խախտման հիմքերի առաջացումը.
5) մաքսային ծառայության կադրերի ռեզերվից դուրս գալու մասին քաղաքացու դիմումի հիման վրա վերադաս մաքսային մարմնի ղեկավարի կողմից համապատասխան որոշման ընդունումը:»:
Հոդված 22. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Ս. Սարգսյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|