ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

ԲՈՒՅՍԵՐԻ ԿԱՐԱՆՏԻՆԻ ԱՊԱՀՈՎՄԱՆ ՄԻԱՍՆԱԿԱՆ ԿԱՆՈՆՆԵՐԻ ԵՎ ՆՈՐՄԵՐԻ ՀԱՍՏԱՏՄԱՆ ՄԱՍԻՆ

(վերնագիրը փոփ. ԵՏՀԽ 26.01.24 թիվ 6)

«Սանիտարական, անասնաբուժասանիտարական ևկարանտինային բուսասանիտարական միջոցառումների կիրառման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 12 հավելված) 19-րդ կետին ևԵվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 59-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Հաստատել կից ներկայացվող՝ բույսերի կարանտինի ապահովման միասնական կանոններն ու նորմերը

(1-ին կետը փոփ. ԵՏՀԽ 26.01.24 թիվ 6)

2. Սույն Որոշումն ուժի մեջ է մտնում 2017 թվականի հուլիսի 1-ից:

Եվրասիական տնտեսական հանձնաժողովի խորհրդի անդամներ՝

ՀԱՍՏԱՏՎԱԾ ԵՆ Եվրասիական տնտեսական հանձնաժողովի խորհրդի 2016 թվականի նոյեմբերի 30-ի թիվ 159 որոշմամբ

1. Սույն փաստաթուղթը մշակվել է «Սանիտարական, անասնաբուժասանիտարական ևկարանտինային բուսասանիտարական միջոցառումների կիրառման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 12 հավելված) 19-րդ կետին համապատասխան։

2. Սույն փաստաթղթում կիրառվում են հասկացություններ, որոնք ունեն հետեւյալ իմաստը՝

«վնասակար օրգանիզմ»՝ բույսերի, կենդանիների կամ պաթոգեն ագենտների ցանկացած տեսակ, տարատեսակ կամ կենսատիպ, որը վնասակար է բույսերի կամ բուսական մթերքների համար.

«կարանտինային բուսասանիտարական հետազոտություն»՝ միջոցառում, որն անցկացվում է Եվրասիական տնտեսական միության անդամ պետության՝ բույսերի կարանտինի մասով լիազորված մարմնի կողմից որոշակի սահմանափակ ժամանակահատվածում՝ տվյալ տարածքում, տվյալ վայրերում և (կամ) կարանտինային հսկողության ենթակա արտադրանքի արտադրության (պատրաստման), տեսակավորման, վերամշակման, պահեստավորման և փաթեթավորման տեղամասերում կամ կարանտինային հսկողության ենթակա այլ օբյեկտում, այդ թվում՝ երրորդ երկրների տարածքներում տեղակայված առկա կարանտինային օբյեկտների հայտնաբերման համար.

«կարանտինային օբյեկտի օջախ»՝ կարանտինային օբյեկտի հայտնաբերված մեկուսացված պոպուլյացիա կամ տվյալ գոտում կլիմայավարժված կարանտինային օբյեկտի պոպուլյացիայի թվաքանակի կտրուկ զգալի աճ.

«կարանտինային հսկողության ենթակա օբյեկտի սեփականատեր (օգտագործող)»՝ կարանտինային հսկողության ենթակա օբյեկտի սեփականատեր կամ այլ անձ, որը լիազորված է կարանտինային հսկողության ենթակա օբյեկտի սեփականատիրոջ անունից գործարքներ և(կամ) այլ գործողություններ իրականացնելու համար։

(2-րդ կետը փոփ. ԵՏՀԽ 26.01.24 թիվ 6)

3. Սույն փաստաթղթում օգտագործվող այլ հասկացություններ կիրառվում են «Եվրասիական տնտեսական միության մասին» 2014 թվականի մայիսի 29–ի պայմանագրով, Մաքսային միության մաքսային օրենսգրքով և1951 թվականի դեկտեմբերի 6-ի՝ «Բույսերի կարանտինի ևբույսերի պաշտպանության մասին» միջազգային կոնվենցիայով (այսուհետ՝ Կոնվենցիա) սահմանված իմաստներով։

II. Կարանտինային բուսասանիտարական հետազոտություններ

4. Կարանտինային հսկողության ենթակա օբյեկտները ենթակա են կարանտինային բուսասանիտարական հետազոտությունների հաշվի առնելով սույն փաստաթղթի II¹ բաժնով սահմանված առանձնահատկությունները։

(4-րդ կետը լրաց. ԵՏՀԽ 26.01.24 թիվ 6)

5. Կարանտինային բուսասանիտարական հետազոտություններն անցկացվում են Եվրասիական տնտեսական միության անդամ պետության՝ բույսերի կարանտինի մասով լիազորված մարմնի կողմից (այսուհետ համապատասխանաբար՝ Միություն, անդամ պետություն, լիազորված մարմին)՝ հետեւյալ նպատակներով՝

ա) կարանտինային օբյեկտների վաղ հայտնաբերումը.

բ) կարանտինային օբյեկտների օջախի սահմանների որոշումը (հստակեցումը).

գ) Միության կարանտինային օբյեկտների միասնական ցանկի (այսուհետ՝ միասնական ցանկ) ևԵվրասիական տնտեսական միության մաքսային սահմանին ևմաքսային տարածքում կարանտինային հսկողության ենթակա արտադրանքին ու օբյեկտներին ներկայացվող՝ կարանտինային բուսասանիտարական միասնական պահանջների (այսուհետ՝ կարանտինային բուսասանիտարական միասնական պահանջներ) թարմացում։

6. Կարանտինային բուսասանիտարական հետազոտություններն անցկացվում են լիազորված մարմնի կողմից հաստատվող պլանի համաձայն։

7. Կարանտինային հսկողության ենթակա օբյեկտների կարանտինային բուսասանիտարական հետազոտությունների անցկացման միջոցառումների պլանավորումը որոշվում է՝

ա) անդամ պետության վարչատարածքային բաժանմամբ.

բ) կարանտինային օբյեկտի և(կամ) վնասակար օրգանիզմի բնույթով.

գ) կարանտինային օբյեկտներով ախտահարված տեր-բույսերի (մշակովի ևվայրի աճող) տարածմամբ.

դ) կարանտինային օբյեկտի ներթափանցման ևտարածման հնարավոր ուղիներով.

ե) կարանտինային հսկողության ենթակա արտադրանքի պահման, արտադրության, վերամշակման, իրացման ևուտիլիզացման վայրերով.

զ) հավաքված բերքի կուտակման վայրերով.

է) մշակաբույսերի օգտագործվող սորտերով։

8. Կարանտինային բուսասանիտարական հետազոտությունների անցկացման միջոցառումները պլանավորելիս ևկազմակերպելիս հատուկ ուշադրություն են պահանջում՝

ա) արտադրության վայրերը ևտեղամասերը, որոնք նախատեսված են սերմնանյութի ևտնկանյութի աճեցման համար.

բ) ներմուծվող սերմնանյութի ևտնկանյութի օգտագործմամբ իրականացված ցանքսերը ևտնկումները։

9. Կարանտինային բուսասանիտարական հետազոտությունների անցկացման ժամանակը որոշվում է՝

ա) կարանտինային օբյեկտների զարգացման ցիկլով.

բ) կարանտինային օբյեկտներով ախտահարված բույսերի զարգացման փուլերով.

գ) կարանտինային օբյեկտների օջախների տեղայնացման ևվերացման ծրագրերի իրականացման ժամանակով։

10. Կարանտինային բուսասանիտարական հետազոտություններն անցկացվում են կարանտին բուսասանիտարական հետազոտությունների անցկացման մեթոդիկաներին համապատասխան։

11. Կարանտինային բուսասանիտարական հետազոտությունների արդյունքները ձեւակերպվում են անդամ պետությունների օրենսդրությանը համապատասխան ևհիմք են հանդիսանում անդամ պետությունների տարածքների կարանտինային բուսասանիտարական վիճակը որոշելու համար։

12. Կարանտինային հսկողության ենթակա օբյեկտների սեփականատերերը (օգտագործողները) պարտավոր են անցկացնել կարանտինային հսկողության ենթակա օբյեկտների՝ կարանտինային օբյեկտների առկայության մասով հետազոտություն ևդրանց հայտնաբերման դեպքում տեղեկացնել այդ մասին այն անդամ պետության լիազորված մարմնին, որի տարածքում են գտնվում կարանտինային հսկողության ենթակա այդ օբյեկտները։

13. Կարանտինային օբյեկտների հայտնաբերման ևդրանց դեմ պայքարի, ինչպես նաևդրանց օջախների տեղայնացման ու վերացման միջոցառումներն իրականացվում են անդամ պետությունների օրենսդրությամբ նախատեսված միջոցների հաշվին։

14. Լիազորված մարմինները յուրաքանչյուր տարի իրենց պետությունների տարածքների կարանտինային բուսասանիտարական վիճակի մասին տեղեկատվություն են փոխանակում, ինչպես նաևնշված տեղեկատվությունը ներկայացնում են Եվրասիական տնտեսական հանձնաժողով՝ «Ինտերնետ» տեղեկատվական-հեռահաղորդակցական ցանցում՝ Միության պաշտոնական կայքում հրապարակելու համար։

II¹. Երրորդ երկրներից Միության մաքսային տարածք ներմուծվող սերմնանյութի և տնկանյութի արտադրության (պատրաստման), տեսակավորման, պահեստավորման և փաթեթավորման վայրերի և (կամ) տեղամասերի կարանտինային բուսասանիտարական հետազոտություններ

(բաժինը լրաց. ԵՏՀԽ 26.01.24 թիվ 6)

14¹. Երրորդ երկրներից Միության մաքսային տարածք ներմուծվող սերմնանյութի և տնկանյութի արտադրության (պատրաստման), տեսակավորման, պահեստավորման և փաթեթավորման վայրերի և (կամ) տեղամասերի կարանտինային բուսասանիտարական հետազոտությունները (այսուհետ՝ տվյալ բաժնում՝ վայրեր և (կամ) տեղամասեր) անցկացվում են երրորդ երկրի լիազորված մարմնի և (կամ) վայրերի, և (կամ) տեղամասերի տիրոջ (սեփականատիրոջ) հետ փոխադարձ պայմանավորվածությամբ՝ համապատասխան տարածքում աճեցվող սերմնանյութի և տնկանյութի բուսասանիտարական վիճակը որոշելու նպատակով։

Երրորդ երկրի լիազորված մարմնի հետ փոխադարձ պայմանավորվածությամբ, ինչպես նաև այնպիսի տեխնածին, բնական, կլիմայական, սանիտարահամաճարակաբանական և այլ բնույթի արտակարգ իրավիճակի առաջացման դեպքում, որը թույլ չի տալիս հետազոտությունն անցկացնել առկա ձևաչափով, կարանտինային բուսասանիտարական հետազոտությունն անցկացվում է հեռավար ռեժիմով՝ տեսակապի համակարգի օգտագործմամբ։

14². Երրորդ երկրի տարածքում տեղակայված վայրերի և (կամ) տեղամասերի կարանտինային բուսասանիտարական հետազոտություններն անցկացվում են հետևյալ գործոնների հիման վրա՝

ա) տվյալ վայրերի և (կամ) տեղամասերի համար լիազորված մարմնի կողմից ավելի վաղ սահմանված՝ գործող ժամանակավոր կարանտինային բուսասանիտարական միջոցի առկայություն.

բ) տվյալ վայրերից և (կամ) տեղամասերից սերմնանյութի և տնկանյութի՝ Միության մաքսային տարածք ներմուծման պլանավորում.

գ) Միության մաքսային տարածք ներմուծման համար պլանավորվող կարանտինային հսկողության ենթակա արտադրանքի համար բնորոշ կարանտինային օբյեկտի տարածման հայտնաբերում։

14³. Երրորդ երկրի տարածքում տեղակայված վայրերի և (կամ) տեղամասերի կարանտինային բուսասանիտարական հետազոտությունն անցկացվում է Միության մաքսային տարածք սերմնանյութի կամ տնկանյութի ներմուծման գործում շահագրգիռ անձի դիմումի կամ երրորդ երկրի լիազորված մարմնի դիմումի առկայության դեպքում։

14⁴. Միության մաքսային տարածք սերմնանյութի կամ տնկանյութի ներմուծման գործում շահագրգիռ անձի և (կամ) երրորդ երկրի լիազորված մարմնի կողմից կարանտինային բուսասանիտարական հետազոտության անցկացման համար լիազորված մարմնին տրամադրվում է հետևյալ տեղեկատվությունը՝

ա) արտադրողի (արտահանողի) անվանումը (իրավաբանական անձի անվանումը կամ այդ թվում՝ որպես անհատ ձեռնարկատեր գրանցված ֆիզիկական անձի ազգանունը, անունը, հայրանունը (առկայության դեպքում).

բ) արտադրողի (արտահանողի) գրանցման կամ հաշվառման (անհատական, նույնականացման) համարը, որը տրվում է իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման ժամանակ, հեռախոսի համարը և էլեկտրոնային փոստի հասցեն.

գ) գտնվելու վայրի հասցեն (իրավաբանական անձի հասցեն)՝ իրավաբանական անձի համար, կամ ազգանունը, անունը, հայրանունը (առկայության դեպքում), բնակության վայրը՝ որպես անհատ ձեռնարկատեր գրանցված ֆիզիկական անձի համար.

դ) վայրերի և (կամ) տեղամասերի հասցեները, այդ վայրերի և (կամ) տեղամասերի մակերեսի չափը.

ե) Միության տարածք ներմուծման համար պլանավորվող մշակաբույսերի տեսակների, սորտերի և (կամ) հիբրիդների վերաբերյալ տեղեկություններ (նշելով պատվաստակալի ձևը, եթե կիրառելի է).

զ) նախորդ և ընթացիկ բուսաճական շրջաններում անցկացված բուսասանիտարական ստուգումների և դրանց արդյունքների վերաբերյալ տեղեկություններ (ներառյալ սերմնանյութի և տնկանյութի նմուշների (փորձանմուշների) լաբորատոր հետազոտությունների մասին տվյալները).

է) վայրերի և (կամ) տեղամասերի ընթացիկ բուսասանիտարական վիճակի վերաբերյալ տեղեկություններ։

14⁵. Սույն փաստաթղթի 14⁴-րդ կետին համապատասխան՝ ստացված տեղեկատվության հիման վրա՝ լիազորված մարմնի կողմից՝

ա) պլանավորվում է կարանտինային բուսասանիտարական հետազոտության անցկացումը.

բ) ձևավորվում և երրորդ երկրի լիազորված մարմին է ներկայացվում վայրերի և (կամ) տեղամասերի կարանտինային բուսասանիտարական հետազոտության անցկացման պլանը, որը ներառում է սերմնանյութի և տնկանյութի վերցվող նմուշների (փորձանմուշների) քանակի ու ծավալի վերաբերյալ տեղեկությունները.

գ) կարող է նախապատրաստվել հաշվետվություն՝ առանց վայրերի և (կամ) տեղամասերի կարանտինային բուսասանիտարական հետազոտության անցկացման։

14⁶. Սույն փաստաթղթի 14⁴ կետի համաձայն ներկայացված տեղեկատվության ոչ բավարար լինելու դեպքում կարանտինային բուսասանիտարական հետազոտություն պլանավորած լիազորված մարմինը երրորդ երկրի լիազորված մարմնից կարող է պահանջել կարանտինային բուսասանիտարական հետազոտություն անցկացնելու համար անհրաժեշտ լրացուցիչ տեղեկատվություն։ Այդպիսի տեղեկատվությունը կարող է ներկայացվել երրորդ երկրի լիազորված մարմինը՝ կարանտինային բուսասանիտարական հետազոտության անցկացման ժամանակ։

14⁷. Կարանտինային բուսասանիտարական հետազոտություն պլանավորած լիազորված մարմինը, ոչ ուշ, քան երրորդ երկրի պլանավորված մուտքից կամ նշված հետազոտությունը հեռավար ռեժիմով անցկացնելու օրվանից 20 օրացուցային օր առաջ (այն դեպքում, երբ երրորդ երկրի հետ ավելի կարճ ժամանակահատված սահմանված չէ), անդամ պետությունների մյուս լիազորված մարմիններին տեղեկացնում է առաջիկա միջոցառման մասին՝ կցելով համապատասխան հետազոտության անցկացման պլանը, և հարցում է կատարում այդ հետազոտությանը մասնակցության համար թեկնածությունների առնչությամբ։

Կարանտինային բուսասանիտարական հետազոտության անցկացման ամսաթիվն ու ժամը լիազորված մարմինների կողմից համաձայնեցվում են յուրաքանչյուր վայրի և (կամ) տեղամասի համար։

14⁸. Առաջիկա կարանտինային բուսասանիտարական հետազոտության մասին տեղեկացված լիազորված մարմինները ոչ ուշ, քան առաջիկա միջոցառման մասին պաշտոնական տեղեկատվությունն ստանալու օրվանից 5 աշխատանքային օրվա ընթացքում, կարանտինային բուսասանիտարական հետազոտություն պլանավորած լիազորված մարմին ուղարկում են տեղեկատվություն այդ հետազոտությանը մասնակցելու մասին՝ նշելով մասնակիցների թեկնածությունները կամ դրան մասնակցությունը մերժելու մասին։

14⁹. Կարանտինային բուսասանիտարական հետազոտություն անցկացնելու համար ձևավորվում է հանձնաժողով (այսուհետ՝ հետազոտության անցկացման հարցերով հանձնաժողով) հետևյալ կազմով՝

անդամ պետությունների կողմից՝ կարանտինային բուսասանիտարական հետազոտություն պլանավորած լիազորված մարմնի, այլ շահագրգիռ անդամ պետությունների լիազորված մարմինների ներկայացուցիչներ.

երրորդ երկրից՝ դրա լիազորված մարմնի առնվազն 1 ներկայացուցիչ, ինչպես նաև վայրի և (կամ) տեղամասի առնվազն 1 ներկայացուցիչ։

Կարանտինային բուսասանիտարական հետազոտությունն առկա ձևաչափով անցկացնելու դեպքում հետազոտության անցկացման հարցերով հանձնաժողովի անդամների գործուղումն իրականացվում է այն լիազորված մարմինների միջոցների հաշվին, որոնց աշխատակիցն են իրենք։

Կարանտինային բուսասանիտարական հետազոտությունը հեռավար ռեժիմով անցկացնելու դեպքում երրորդ երկրի՝ հետազոտության անցկացման հարցերով հանձնաժողովի անդամների կողմից հնարավորինս մանրամասն ցուցադրվում է հետազոտության անցկացման վայրերի և (կամ) տեղամասերի ընդհանուր վիճակը։

Համատեղ կարանտինային բուսասանիտարական հետազոտությանը չմասնակցած լիազորված մարմինը համապատասխան վայրի և (կամ) տեղամասի կարանտինային բուսասանիտարական հետազոտությունը կարող է անցկացնել ինքնուրույն՝ սույն փաստաթղթի 14² կետի համաձայն։

14¹⁰. Հետազոտության անցկացման հարցերով հանձնաժողովի անդամները պետք է իրենց մոտ ունենան կապարակնիքներ և (կամ) եզակի համարներով հատուկ տարա, որոնք բացառում են սերմնանյութի և տնկանյութի նմուշները (փորձանմուշները) գաղտնի փոխելու և կարանտինային օբյեկտներով երկրորդ անգամ վարակվելու (ախտահարվելու), ժամանակից շուտ դրանք բացելու հնարավորությունը, ինչպես նաև նմուշներ (փորձանմուշներ) վերցնելու համար անհրաժեշտ նյութեր ու գործիքներ։

14¹¹. Հետազոտության անցկացման հարցերով հանձնաժողովի անդամները երրորդ երկրից հանձնաժողովի անդամներին հրահանգավորում են, թե ինչ եղանակով պետք է վերցվեն սերմնանյութի ու տնկանյութի, ինչպես նաև, անհրաժեշտության դեպքում՝ այն սուբստրատի նմուշները (փորձանմուշները), որում այն աճեցվում է։

14¹². Սերմնանյութի ու տնկանյութի նմուշներ (փորձանմուշներ) վերցնելու գործընթացը, այն սկսելու պահից մինչև նմուշների (փորձանմուշների) փաթեթավորման և պիտակավորման պահը, անցկացվում է անդամ պետություններից՝ հետազոտության անցկացման հարցերով հանձնաժողովի անդամների հսկողության ներքո։

Կարանտինային բուսասանիտարական հետազոտությունը հեռավար ռեժիմով անցկացնելու դեպքում երրորդ երկրի՝ հետազոտության անցկացման հարցերով հանձնաժողովի անդամների կողմից նմուշներ (փորձանմուշներ) վերցնելը պետք է հստակորեն տեսանելի լինի մոնիտորի էկրանին. նմուշները (փորձանմուշները) պետք է մշտապես գտնվեն կադրի մեջ՝ նմուշներ (փորձանմուշներ) վերցնելու պահից մինչև դրանց պիտակավորումը ։

Կարանտինային բուսասանիտարական հետազոտության ընթացքում վերցվում են սերմնանյութի ու տնկանյութի, ինչպես նաև, անհրաժեշտության դեպքում՝ այն սուբստրատի 2 նմուշ (փորձանմուշ), որում այն աճեցվում է։

Եթե կարանտինային բուսասանիտարական հետազոտություն անցկացնելիս անդամ պետությունների՝ հետազոտության անցկացման հարցերով հանձնաժողովի անդամների կողմից խմբաքանակի մեջ նկատվել է կարանտինային օբյեկտներով վնասման հատկանիշներ ունեցող բույս, ապա հանձնաժողովն իրավունք ունի պահանջելու վերցնել այդ բույսի նմուշը (փորձանմուշը)։

Յուրաքանչյուր նմուշի (փորձանմուշի) համար հավելվածով սահմանված ձևով պիտակ է լրացվում։

Վերցված նմուշները (փորձանմուշները) փաթեթավորվում, պիտակավորվում և փոխադրվում են Եվրասիական տնտեսական հանձնաժողովի կոլեգիայի 2016 թվականի մայիսի 10-ի թիվ 41 որոշմամբ հաստատված՝ Կարանտինային բուսասանիտարական միջոցառումների լաբորատոր ապահովման կարգին համապատասխան։

14¹³. Սերմնանյութի և տնկանյութի վերցված նմուշները (փորձանմուշները) ուղարկվում են կարանտինային բուսասանիտարական փորձաքննություն անցկացնելու համար, այդ թվում՝ մեկ նմուշ (փորձանմուշ)՝ այն անդամ պետության կարանտինային բուսասանիտարական (փորձարկման) լաբորատորիա, որի լիազորված մարմինն անցկացնում է կարանտինային բուսասանիտարական հետազոտությունը, կամ (նախնական պայմանավորվածությամբ) ցանկացած անդամ պետության կարանտինային բուսասանիտարական (փորձարկման) լաբորատորիա, իսկ երկրորդ նմուշը (փորձանմուշը)՝ երրորդ երկրի լիազորված մարմնի լաբորատորիա։

14¹⁴. Սերմնանյութի և տնկանյութի վերցված նմուշների (փորձանմուշների) կարանտինային բուսասանիտարական հետազոտության և լաբորատոր փորձաքննության արդյունքների հիման վրա՝ անդամ պետության օրենսդրությանը համապատասխան և հաշվի առնելով հետազոտության անցկացման հարցերով հանձնաժողովի բոլոր անդամների կարծիքները, այդ հետազոտությունը և լաբորատոր փորձաքննությունն անցկացրած լիազորված մարմնի կողմից, կարանտինային բուսասանիտարական հետազոտության ավարտի օրվանից 60 օրացուցային օրվա ընթացքում, կազմվում է հաշվետվություն՝ նշելով վայրերի և (կամ) տեղամասերի ու դրանց տարածքում աճեցվող սերմնանյութի և տնկանյութի կարանտինային բուսասանիտարական վիճակը։

Նշված հաշվետվությունն ուղարկվում է կարանտինային բուսասանիտարական հետազոտությանը մասնակցած անդամ պետությունների լիազորված մարմիններ, իսկ հաշվետվության քաղվածքը՝ Միության մաքսային տարածք սերմնանյութի և տնկանյութի ներմուծման գործում շահագրգիռ անձին և երրորդ երկրի լիազորված մարմին։

Միության մաքսային տարածք ներմուծման ժամանակ սերմնանյութի և տնկանյութի խմբաքանակների՝ կարանտինային օբյեկտներով վարակման փաստի հաստատման դեպքում ձեռնարկվում են համապատասխան միջոցներ՝ Մաքսային միության հանձնաժողովի 2010 թվականի հունիսի 18-ի թիվ 318 որոշմամբ հաստատված՝ «Եվրասիական տնտեսական միության մաքսային սահմանին կարանտինային բուսասանիտարական հսկողություն (վերահսկողություն) իրականացնելու կարգի մասին» հիմնադրույթի համաձայն։

14¹⁵. Միության մաքսային տարածք սերմնանյութի և տնկանյութի ներմուծման գործում շահագրգիռ անձի նախաձեռնությամբ կամ երրորդ երկրի լիազորված մարմնի դիմումի հիման վրա՝ կարող են անցկացվել վայրերի և (տեղամասերի) կրկնակի կարանտինային բուսասանիտարական հետազոտություններ։

III. Կարանտինային հսկողության ենթակա արտադրանքի ևօբյեկտների վարակազերծումը

15. Անդամ պետությունների տարածքներում կարանտինային հսկողության ենթակա արտադրանքի ևօբյեկտների վարակազերծման (այսուհետ՝ վարակազերծում) աշխատանքների իրականացման նպատակներն են՝

ա) Միության մաքսային տարածքի կարանտինային բուսասանիտարական անվտանգության ապահովումը.

բ) անդամ պետությունների տարածքներում կարանտինային օբյեկտների ինտրոդուկցիայի ևտարածման կանխումը

գ) Միության մաքսային տարածքից կարանտինային հսկողության ենթակա արտադրանքի արտահանման ժամանակ Կոնվենցիայի, ներմուծող երկրների ևբույսերի կարանտինի ոլորտում անդամ պետությունների միջազգային պայմանագրերի պահանջների կատարումը.

դ) վարակազերծում անցկացնելիս մարդկանց առողջությանը սպառնացող վտանգները նվազագույնին հասցնելը ևշրջակա միջավայրը պահպանելը։

16. Վարակազերծումն անցկացվում է անդամ պետության օրենսդրության պահանջներին համապատասխան՝ կարանտինային օբյեկտները ոչնչացնելու, հեռացնելու, ստերիլիզացնելու (վերարտադրողական կարողությունից զրկելու) կամ քիմիական, ֆիզիկական, կենսաբանական, մեխանիկական, ջերմային կամ այլ մեթոդներով կենսունակությունից զրկելու նպատակով։

17. Վարակազերծումն անցկացվում է վարակազերծում անցկացնելու իրավունք ունեցող կազմակերպությունների կողմից՝ այն անդամ պետության օրենսդրությանը համապատասխան, որի տարածքում անցկացվում է վարակազերծումը։

18. Լիազորված մարմինն իրականացնում է այն կազմակերպությունների գործունեության նկատմամբ հսկողություն, որոնց թույլ է տրվել անցկացնել վարակազերծման աշխատանքներ։

19. Անդամ պետություններում հաշվառվում են այն կազմակերպությունները, որոնց թույլ է տրվել անցկացնել վարակազերծման աշխատանքներ։

20. Կարանտինայինի ենթակա օբյեկտներում կարանտինային օբյեկտների հայտնաբերման դեպքում կարանտինի ենթակա այդ օբյեկտները ենթակա են վարակազերծման՝ անդամ պետությունների օրենսդրությանը համապատասխան։

IV. Բուսասանիտարական հավաստագրում

21. Անդամ պետության բուսասանիտարական հավաստագրման համակարգը ձեւավորվում է այդ պետության օրենսդրությանը համապատասխան։

22. Արտահանող անդամ պետության լիազորված մարմինը պետք է ունենա արտակարգ լիազորություններ՝ բուսասանիտարական հավաստագրման համակարգի ստեղծման ևդրա գործունեության ապահովման, բուսասանիտարական հավաստագրերի տրամադրման մասով, ինչպես նաևպետք է ունենա իր պետության օրենսդրության պահանջների կատարումն ապահովող կառավարման համակարգ։

23. Լիազորված մարմինը պետք է ապահովի բուսասանիտարական հավաստագրման համակարգի գործունեությունը՝ կարանտինի ենթակա արտադրանքի՝ ներմուծող երկրների բուսասանիտարական պահանջներին, իսկ մեկ անդամ պետության տարածքից մյուս անդամ պետության տարածք կարանտինի ենթակա արտադրանքի տեղափոխման դեպքում՝ կարանտինային բուսասանիտարական միասնական պահանջներին համապատասխանությունը հաստատելու համար։

24. Լիազորված մարմինը տրամադրում է արտահանվող կամ վերաարտահանվող ևմեկ անդամ պետության տարածքից մյուս անդամ պետության տարածք տեղափոխվող՝ կարանտինի ենթակա արտադրանքի մասով բուսասանիտարական հավաստագրեր, որոնցով հաստատվում է այդ արտադրանքի համապատասխանությունը ներմուծող երկրի պահանջներին կամ կարանտինային բուսասանիտարական միասնական պահանջներին։

25. Լիազորված մարմնի աշխատակիցները պետք է ունենան հմտություններ ևտեխնիկական որակավորում՝ բուսասանիտարական հավաստագրերի ձեւակերպման ևտրամադրման գործառույթների իրականացման համար։ Արտահանող անդամ պետության լիազորված մարմնի աշխատակիցներին պետք է հասանելի լինի ներմուծող երկրի բուսասանիտարական պահանջների մասին պաշտոնական տեղեկատվությունը։ Լիազորված մարմնի աշխատակիցները չպետք է անձնական շահագրգռվածություն ունենան բուսասանիտարական հավաստագրման արդյունքների հարցում։

26. Արտահանող անդամ պետության լիազորված մարմինը պատասխանատվություն է կրում բուսասանիտարական հավաստագրման բոլոր ընթացակարգերի վերաբերյալ փաստաթղթերի վարման ևհաշվառման համակարգ ստեղծելու ևպահպանելու մասով։ Լիազորված մարմնում պետք է առկա լինեն բոլոր նշված ընթացակարգերի վերաբերյալ ղեկավար ձեռնարկներ ևհրահանգներ, ինչպես նաևայն պետք է ապահովի բուսասանիտարական հավաստագրերի տրամադրմանը նախորդող բոլոր գործողությունների հաշվառումը։

27. Լիազորված մարմինները տեղեկացնում են միմյանց կարանտինի ենթակա արտադրանքի փոխադարձ մատակարարումների, ինչպես նաևերրորդ երկրկների հետ արտահանման-ներմուծման գործառնությունների ժամանակ խախտումների հայտնաբերման դեպքերի մասին։

28. Լիազորված մարմնի կառավարման համակարգով պետք է հնարավոր լինի՝

ա) որոշել բուսասանիտարական հավաստագրման համակարգի գործունեության համար պատասխանատու աշխատակցին կամ կառուցվածքային ստորաբաժանումը

բ) սահմանել լիազորված մարմնի՝ բուսասանիտարական հավաստագրման համար պատասխանատու աշխատակիցների ծառայողական պարտականությունները.

գ) սահմանել բուսասանիտարական հավաստագրման համար պատասխանատու աշխատակիցների կողմից համապատասխան տեղեկատվություն ստանալու ուղիները.

դ) լիազորված մարմին աշխատանքի ընդունել համապատասխան որակավորում ևհմտություններ ունեցող աշխատակիցներ և(կամ) նրանց տալ բուսասանիտարական հավաստագրման համակարգի գործունեության համար անհրաժեշտ լիազորությունները.

ե) ապահովել բուսասանիտարական հավաստագրման համակարգի գործունեության կատարելագործման հարցերով դասընթացների սիստեմատիկ անցկացումը։

29. Բուսասանիտարական հավաստագրման համակարգի գործունեությունն ապահովելու նպատակով լիազորված մարմինը պետք է իրականացնի հետեւյալ գործառույթները՝

ա) ներմուծող երկրների բուսասանիտարական պահանջների մասին տեղեկատվության մշակումը, պահպանումը ևթարմացումը՝ բուսասանիտարական հավաստագրում իրականացնելու նպատակով ևհամապատասխան տեղեկատվությունը լիազորված մարմնի աշխատակիցներին հասանելի դարձնելը.

բ) կարանտինի ենթակա արտադրանքի զննում, նմուշառում ևվերլուծություն կատարելը՝ բուսասանիտարական հավաստագրման հետ կապված նպատակներով.

գ) կարանտինային օբյեկտների ևկարգավորվող ոչ կարանտինային վնասակար օրգանիզմների հայտնաբերումը ևնույնականացումը.

դ) հետազոտությունների ևմոնիթորինգի անցկացումը, ինչպես նաևհսկողության իրականացումը՝ բուսասանիտարական հավաստագրերում նշված՝ կարանտինի ենթակա արտադրանքի՝ ներմուծող երկրների բուսասանիտարական պահանջներին համապատասխանությունը հաստատելու նպատակով.

ե) բուսասանիտարական հավաստագրերի ձեւակերպումն ու տրամադրումը.

զ) բուսասանիտարական հավաստագրման ընթացակարգերի կիրառման ևանցկացման ճշտության ստուգումը.

է) անհամապատասխանության մասին ծանուցումների ուսումնասիրումը ևճշգրտող միջոցների կիրառումը (անհրաժեշտության դեպքում).

ը) տրամադրված բուսասանիտարական հավաստագրերի պատճենների ևայլ փաստաթղթերի պահպանումը.

թ) բուսասանիտարական հավաստագրման համակարգերի արդյունավետության վերլուծությունը.

ժ) լիազորված մարմնի աշխատակիցների ուսուցումը.

ժա) համապատասխան ընթացակարգերի միջոցով կարանտինի ենթակա արտադրանքի բուսասանիտարական անվտանգության ապահովումը բուսասանիտարական հավաստագրում անցկացնելուց հետո՝ մինչևարտադրանքի արտահանումը։

30. Բուսասանիտարական հավաստագրման ընթացակարգերի իրականացման նպատակով որոշակի գործառույթների կատարումը (բացառությամբ բուսասանիտարական հավաստագրերի ձեւակերպման ևտրամադրման գործառույթների) կարող է վերապահվել լիազորված մարմնին ենթակա կազմակերպություններին։

31. Բուսասանիտարական հավաստագիրը տրամադրվում է ներմուծող երկրների բուսասանիտարական պահանջներին համապատասխան։

32. Արտահանող անդամ պետության լիազորված մարմինը պետք է ունենա ներմուծող երկրների բուսասանիտարական պահանջների մասին պաշտոնական ակտուալ տեղեկատվություն, որը տրամադրվում է Կոնվենցիայով սահմանված կարգով։

33. Լիազորված մարմինը պետք է ապահովված լինի բուսասանիտարական հավաստագրման ընթացակարգերի անցկացման համար անհրաժեշտ սարքավորումներով, տեխնիկական միջոցներով, նյութերով ևգործիքներով։

34. Լիազորված մարմինը պետք է ունենա բուսասանիտարական հավաստագրման անցկացվող ընթացակարգերի փաստաթղթավորման ևտվյալների հաշվառման համակարգ (ներառյալ բուսասանիտարական հավաստագրման ընթացակարգերին վերաբերող փաստաթղթերի պահպանումն ու որոնումը)։ Այդ համակարգը պետք է ապահովի բուսասանիտարական հավաստագրերի հետագծելիությունը։

35. Լիազորված մարմնում պետք է առկա լինեն բուսասանիտարական հավաստագրման բոլոր ընթացակարգերի վերաբերյալ ղեկավար ձեռնարկներ ևհրահանգներ՝ ներառյալ

ա) Միության իրավունքի մաս կազմող՝ Եվրասիական տնտեսական հանձնաժողովի ակտերին ևբույսերի կարանտինի ոլորտում միջազգային իրավունքին համապատասխան՝ բուսասանիտարական հավաստագրման հետ կապված կոնկրետ գործողությունները կատարելը.

բ) ներմուծող երկրի՝ բույսերի կարանտինի ևպաշտպանության հարցերով ազգային կազմակերպությունից ստացված՝ անհամապատասխանության մասին ծանուցումներն ուսումնասիրելը, այդ թվում՝ նշված կազմակերպության հարցմամբ այդ ուսումնասիրության արդյունքների վերաբերյալ հաշվետվությունը ներկայացնելը.

գ) անվավեր կամ կեղծված բուսասանիտարական հավաստագրերը ներկայացնելու դեպքերի ուսումնասիրությունը։

36. Լիազորված մարմինը պետք է ապահովի բուսասանիտարական հավաստագրման հետ կապված բոլոր ընթացակարգերի վերաբերյալ տվյալների պահպանումը։ Բոլոր բուսասանիտարական հավաստագրերի պատճենները պետք է պահվեն լիազորված մարմնում՝ դրանց վավերականության հաստատման ևսահմանված ժամանակահատվածում, բայց ոչ պակաս, քան 1 տարվա ընթացքում դրանց հետագծելիությունն ապահովելու համար։

37. Լիազորված մարմիններն ապահովում են բուսասանիտարական հավաստագրման հետ կապված ընթացակարգերի փաստաթղթավորման համակարգերի միատեսակությունը ևօգտագործում են տվյալների մշակման, պահման ևորոնման պաշտպանված համակարգեր։

38. Պաշտոնական հաղորդագրություններն ուղարկվում են լիազորված մարմնի՝ Կոնվենցիային համապատասխան սահմանված կոնտակտային անձի հասցեին ևնշված կոնտակտային անձի կողմից՝ այլ անձանց հասցեին։ Լիազորված մարմինը կարող է նշանակել այլ կոնտակտային անձանց, որոնք պատասխանատու են բուսասանիտարական հավաստագրման հետ կապված կոնկրետ հարցերի և(կամ) միջոցառումների համար (օրինակ՝ անհամապատասխանության մասին ծանուցումների մասով)։

39. Ներմուծող անդամ պետության լիազորված մարմինը պետք է արտահանող երկրի՝ բույսերի կարանտինի ու պաշտպանության հարցերով ազգային կազմակերպություն ներկայացնի իր պետության բուսասանիտարական պահանջների մասին տեղեկատվություն պարզ ու հստակ ձեւով (արտահանող երկրի՝ բույսերի կարանտինի ու պաշտպանության հարցերով ազգային կազմակերպության պաշտոնական կոնտակտային հասցեի միջոցով)։ Նշված տեղեկատվությունը կարող է նաևտարածվել բույսերի կարանտինի ու պաշտպանության հարցերով տարածաշրջանային կազմակերպությունների միջոցով կամ հրապարակվել «Ինտերնետ» տեղեկատվական-հեռահաղորդակցական ցանցում՝ միջազգային բուսասանիտարական կայքէջում Միավորված Ազգերի Կազմակերպության պարենի ևգյուղատնտեսության կազմակերպության պաշտոնական լեզուներից որեւէ մեկով (նախընտրելի է անգլերենով կամ ռուսերենով):

40. Արտահանող անդամ պետության լիազորված մարմինը պետք է կապ պահպանի ներմուծող երկրի՝ Կոնվենցիային համապատասխան սահմանված կոնտակտային անձի հետ՝ այդ երկրի բուսասանիտարական պահանջները ճշտելու ևհաստատելու համար։

41. Եթե բուսասանիտարական հավաստագրման ավարտից հետո արտահանող անդամ պետության լիազորված մարմնին հայտնի է դառնում, որ արտահանվող բեռը չի համապատասխանում ներմուծող երկրի բուսասանիտարական պահանջներին, ապա լիազորված մարմինը պետք է ամենասեղմ ժամկետներում այդ մասին տեղեկացնի ներմուծող երկրի՝ բույսերի կարանտինի ևպաշտպանության հարցերով ազգային կազմակերպության կոնտակտային անձին, որը սահմանվել է Կոնվենցիային համապատասխան, կամ ներմուծող երկրի՝ բույսերի կարանտինի ևպաշտպանության հարցերով ազգային կազմակերպության կողմից նշանակված այլ կոնտակտային անձի, որը պատասխանատու է բուսասանիտարական միջոցների կիրառման հետ կապված կոնկրետ հարցերի և(կամ) միջոցառումների համար։

42. Կարանտինի ենթակա արտադրանքի ներմուծման ժամանակ անհամապատասխանություն (խախտում) հայտնաբերելիս ներմուծող անդամ պետության լիազորված մարմինը ծանուցումներ է ուղարկում արտահանող երկրի՝ բույսերի կարանտինի ևպաշտպանության հարցերով ազգային կազմակերպությանը՝ ներմուծող անդամ պետության օրենսդրությամբ ևբույսերի կարանտինի ոլորտում միջազգային իրավունքով սահմանված կարգով։

V. Անդամ պետությունների տարածքներում կարանտինային օբյեկտների միասնական ցանկի ձեւավորումը և դրանց կարգավորումը

43. Միասնական ցանկը ձեւավորվում է լիազորված մարմինների առաջարկությունների հիման վրա։

44. Վնասակար օրգանիզմը միասնական ցանկի մեջ ներառելու համար հիմք կարող են լինել այն լիազորված մարմնի կողմից անցկացված՝ բուսասանիտարական ռիսկի վերլուծության արդյունքները, որն առաջարկել է վնասակար օրգանիզմի ներառումը միասնական ցանկի մեջ։

Ընդ որում, միասնական ցանկի մեջ վնասակար օրգանիզմի ներառումն առաջարկած լիազորված մարմինը ներկայացնում է բուսասանիտարական ռիսկի կրճատ վերլուծություն (տեղեկատվություն՝ վնասակար օրգանիզմի սիստեմատիկայի, մորֆոլոգիայի, հայտնաբերման ու նույնականացման առանձնահատկությունների, դրա կենսաբանության, վնասաբերության և հասցվող վնասի, կարանտինային հսկողության ենթակա արտադրանքի վնասման ախտանիշների, տարածման հնարավոր ուղիների և տվյալ օրգանիզմի դեմ բուսասանիտարական միջոցառումների վերաբերյալ)։

Մեկ այլ անդամ պետության լիազորված մարմնի հարցմամբ՝ միասնական ցանկի մեջ վնասակար օրգանիզմի ներառումն առաջարկած լիազորված մարմինը ծանոթացման նպատակով ներկայացնում է բուսասանիտարական ռիսկի վերլուծության ամբողջական տեքստը՝ պահպանելով իր անդամ պետության օրենսդրության պահանջները՝ սահմանափակ հասանելիության տեղեկատվության հետ վարվելու կարգի մասով։

(44-րդ կետը խմբ. ԵՏՀԽ 26.01.24 թիվ 6)

45. Վնասակար օրգանիզմը ներառվում է միասնական ցանկում այն դեպքում, երբ լիազորված մարմնի անցկացրած բուսասանիտարական ռիսկի վերլուծության արդյունքներով անդամ պետություններից մեկի տարածքի (կամ դրա մի մասի) համար այն ստանում է կարանտինային օբյեկտի կարգավիճակ։

46. Միասնական ցանկում ներառված կարանտինային օբյեկտների դեմ պայքարի համալիր միջոցների մշակումն ու կիրառումը լիազորված մարմնի իրավասության սահմաններում են։

47. Անդամ պետությունների սահմանակից տարածքներում միասնական ցանկում ներառված կարանտինային օբյեկտի հայտնաբերման դեպքում այդ անդամ պետությունների լիազորված մարմինները ձեռնարկում են համատեղ գործողություններ՝ դրա կարգավորման համալիր միջոցների կազմակերպման ուղղությամբ։

48. Լիազորված մարմինը, որն իր պետութան տարածքում հայտնաբերել է միասնական ցանկում ներառված՝ նախկինում բացակայող կարանտինային օբյեկտ, տեղեկացնում է այդ ևձեռնարկվող միջոցների մասին այլ անդամ պետությունների լիազորված մարմինններին։

49. Անդամ պետությունների տարածքների կարանտինային բուսասանիտարական վիճակի մասին տեղեկատվությունը տեղադրվում է «Ինտերնետ» տեղեկատվական-հեռահաղորդակցական ցանցում՝ լիազորված մարմինների պաշտոնական կայքերում, ինչպես նաևՄիության պաշտոնական կայքում։

ՀԱՎԵԼՎԱԾ Եվրասիական տնտեսական հանձնաժողովի խորհրդի 2016 թվականի նոյեմբերի 30-ի թիվ 159 որոշման

(ձև)

ՊԻՏԱԿ (LABEL)

երրորդ երկրներից Միության մաքսային տարածք ներմուծվող՝ սերմնանյութի և տնկանյութի արտադրության (պատրաստման), տեսակավորման, պահեստավորման և փաթեթավորման վայրերի և (կամ) տեղամասերի կարանտինային բուսասանիտարական հետազոտության անցկացման ժամանակ վերցված նմուշի (փորձանմուշի)» (for selecting sample (specimen) during quarantine phytosanitary examination of places and (or) sites of production (manufacturing), sorting, warehousing and packaging of seed and planting material imported into the Union’s customs territory from third countries)

Ձեռնարկության անվանումը, արտադրության (պատրաստման), տեսակավորման, պահեստավորման և փաթեթավորման վայրերի և (կամ) տեղամասերի հասցեները, դրանց մակերեսի չափերը (Company name, addresses of places and (or) sites of production (manufacturing), sorting, warehousing and packaging, size of their area)

___________________________________________________________________________

Արտադրանքի կամ մնացորդների, բույսի մասի և այլնի անվանումը (Product (or sweeping, plant part, etc.) name)

___________________________________________________________________________

Նմուշ (փորձանմուշ) վերցնելու վայրը (Sample’s location (specimen’s location))

___________________________________________________________________________

(դաշտի, տեղամասի, ջերմոցի, պահեստի, բլոկի և այլնի համարը) (number of field, plot, greenhouse, warehouse, unit, etc.)

Նմուշ (փորձանմուշ) վերցնելու պայմանները (տվյալների առկայության դեպքում) (Sample’s conditions (specimen’s conditions) (if the data are available))

___________________________________________________________________________

(ջերմաստիճանը, խոնավությունը, քիմիական մշակումը և այլն) (temperature, humidity, chemical treatment, etc.)

Նմուշի (փորձանմուշի) ծավալը (քաշը, հատը) (Sample’s volume (specimen’s volume) (weight, quantity in pcs.))

___________________________________________________________________________

Կապարակնիքի, սեյֆ փաթեթի կամ հատուկ տարայի համարը (Number of seal, safe package or special container)

___________________________________________________________________________

Լրացուցիչ տեղեկատվություն (Additional information)

___________________________________________________________________________

Երրորդ երկրի լիազորված մարմնի ներկայացուցիչը (Representative of third country’s authorized authority)

______________________________________

(ստորագրությունը) (signature)

Արտադրության (պատրաստման), տեսակավորման, պահեստավորման և փաթեթավորման վայրի և (կամ) տեղամասի ներկայացուցիչը (Representative of places and (or) sites of production (manufacturing), sorting, warehousing and packaging)

______________________________________

(ստորագրությունը) (signature)

Հանձնաժողովի անդամները (Board members)՝

______________________________________

(ստորագրությունը) (signature)

______________________________________

(ստորագրությունը) (signature)

______________________________________

(ստորագրությունը) (signature)

Նմուշ (փորձանմուշ) վերցնելու ամսաթիվը (Date of selecting sample (specimen))

«___» ___________ 20 __ թ.

(հավելվածը լրաց. ԵՏՀԽ 26.01.24 թիվ 6)

(կանոնները փոփ., լրաց., խմբ. ԵՏՀԽ 26.01.24 թիվ 6)

Պաշտոնական հրապարակման օրը՝ 22 հունիսի 2022 թվական: