1.

Ծրագրի նպատակը

Իրականացնել միջոցառումներ, սեմինարներ և վերապատրաստման այլ դասընթացներ աուտիզմ և զարգացման այլ խանգարումներ ունեցող անձանց հետ աշխատող մասնագետների որակավորումը բարձրացնելու համար: «Աուտիզմ ազգային հիմնադրամ»-ը հավատարիմ մնալով իր կանոնադրական սկզբունքներին 2024 թվականից սկսած իրականացնում է իրազեկման ծրագրեր՝ ընդգրկելով կրթական տարբեր հաստատություններ՝ սկսած նախադպրոցականից, մինչև բարձրագույն ուսումնական հաստատություններ և կրթօջախներ։ Նպատակը մեկն է՝ ունենալ իրազեկ, կիրթ և ըմբռնող հասարակություն, որը բաց և աջակցող կլինի մեր կողքին ապրող բոլոր այն անձանց նկատմամբ, ովքեր այս կամ այն պատճառով ունեն որոշակի դժվարություններ լիարժեք ներգրավվելու և ապրելու մեր հասարակության մեջ՝ որպես լիիրավ անդամներ։ Երևանում հունվար ամսից մինչ օրս իրականացվել է ավելի քան 17 այց՝ տարբեր կրթական հաստատություններ (մանկապարտեզ, քոլեջ, բուհ), ընդգրկելով 190-ից ավել մասնակից, տարբեր մասնագիտություններով և պաշտոններով։ Իրազեկման ծրագրերը կրելու են շարունակական բնույթ: Աուտիզմ ազգային հիմնադրամը կազմակերպելու է իրազեկման միջոցառումներ, քննարկումներ, վերապատրաստումներ Հայաստանի Հանրապետության բոլոր մարզերում և Երևան քաղաքում: Ծրագիրը նախատեսվում է իրականացնել երկարաժամկետ: Կազմակերպվող հանդիպումների ժամանակ Աուտիզմ ազգային հիմնադրամի շահառուները, նրանց ընտանիքը կիսվելու են իրենց անձնական փորձով, դժվարությունները հաղթահարելու, չհուսահատվելու իրենց բանաձևով: Ծրագրի շրջանակներում նախատեսված քննարկումները կազմակերպվելու են ինչպես հիմնադրամի տարածքում այնպես էլ կրթական այլ հաստատություններում:

2.

Ծրագրի բարեգործական որակման նպատակը

Նախատեսվում է ծրագրի շրջանակներում, օրենքով սահմանված

կարգով օգտվել ՀՀ հարկերի, տուրքերի, պարտադիր վճարների գծով օրենքով սահմանված արտոնություններից:

3.

Բարեգործը

1) ԱՄՆ–ում գործող My Way Autism Fund for Armenia Inc հիմնադրամը (Հասցե` 3648 Fairesta Street, Glendale, CA, United States, California, ՀՎՀՀ` 85-3574590).

2) «Աուտիզմ ազգային հիմնադրամ» (Հասցե` քաղ. Երևան,

Գյուրջյան փողոց 13, ՀՎՀՀ` 00877719):

4.

Ծրագիրը կատարողը

«Աուտիզմ ազգային հիմնադրամ» (Հասցե` քաղ. Երևան,

Գյուրջյան փողոց 13, ՀՎՀՀ` 00877719)

5.

Ծրագրի իրականացման վայրը և բնագավառը

Հայաստանի Հանրապետություն, բնագավառը՝ կրթական

6.

Ծրագրի բյուջեն

36,000,000 դրամ

7.

Բարեգործություն ստացողը

Հայաստանի Հանրապետությունում բնակվող հաշմանդամություն ունեցող անձինք, մասնավորապես աուտիզմ և զարգացման այլ խանգարումներ ունեցող անձինք` երեխաները, դեռահասները, չափահասները, նրանց ընտանիքների անդամները, ինչպես նաև իրազեկման միջոցառումներին, քննարկումներին, վերապատրաստումներին մասնակիցները:

8.

Ծրագրի իրականացման տևողությունը

2024 թվականի հուլիսի 15-ից մինչև 2034 թվականի հուլիսի 15-ը

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

1) Աուտիզմ ազգային հիմնադրամը կազմակերպելու է իրազեկման միջոցառումներ, քննարկումներ, վերապատրաստումներ Հայաստանի Հանրապետության բոլոր մարզերում և Երևան քաղաքում: Ծրագիրը նախատեսվում է իրականացնել 2024 թվականի հուլիսի 15-ից մինչև 2034 թվականի հուլիսի 15-ն ընկած ժամանակահատվածում՝ 16.100.000 դրամի չափով.

2) 2024 թվականի հուլիսի 15-ից մինչև 2024 թվականի հուլիսի 31-ն ընկած ժամանակահատվածում կենտրոնի շահառուների և աշխատակազմի անվնաս և ապահով տեղափոխումը կազմակերպելու նպատակով ձեռք է բերելու մեկ՝ 18 տեղանոց մարդատար մեքենա՝

14.900.000 դրամի չափով: Ծրագրի ավարտից հետո մեքենան շարունակելու է ծառայել Աուտիզմ ազգային հիմնադրամի կողմից իրականացվող ծրագրերի համար և պատկանելու է Աուտիզմ ազգային հիմնադրամին.

3) աուդիտորական ծառայությունների ձեռքբերում՝ նախատեսվում է իրականացնել 2024 թվականի հուլիսի 15-ից մինչև 2034 թվականի հուլիսի 15-ն ընկած ժամանակահատվածում տարեկան

500.000 դրամի չափով (10 տարվա համար՝ 5,000,000 դրամ):

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1) մեկ՝ 18 տեղանոց մարդատար մեքենայի ձեռքբերում արժեքը՝ 14.900.000 դրամ.

2) աուդիտորական ծառայությունների ձեռքբերում՝ տարեկան

500.000 դրամ (10 տարվա համար՝ 5,000,000 դրամ):

11.

Ծրագրի իրականացման հետ կապված կազմակերպական

ծախսերը

Աուդիտորական ծառայությունների ձեռքբերում՝ տարեկան

500.000 դրամ (10 տարվա համար՝ 5,000,000 դրամ):

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Ծրագրի իրականացման ժամանակ նախատեսվում է համագործակցություն Հայաստանի Հանրապետության կրթության, գիտության, մշակույթի և սպորտի, Աշխատանքի և սոցիալական հարցերի նախարարությունների, մարզպետների աշխատակազմերի, համայնքապետարանների, հասարակական կազմակերպու-

թյունների և անհատ բարերարների հետ։

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Ծրագրի արդյունավետության վերահսկողությունը կիրականացվի Աուտիզմ ազգային հիմնադրամի կողմից, ինչպես նաև Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված` բարեգործական ծրագրերը բարեգործական որակելու և գրանցելու կարգի 25-րդ կետով

սահմանված կարգով: