ԿՈԼԵԳԻԱ
Ո Ր Ո Շ ՈՒ Մ
30 մայիսի 2023 թվականի թիվ 75 քաղ. Մոսկվա
ԱՊՐԱՆՔՆԵՐԻ ՀԱՅՏԱՐԱՐԱԳՐԻ ԵՎ ԱՊՐԱՆՔՆԵՐԻ ՀԱՅՏԱՐԱՐԱԳՐԻ ՃՇԳՐՏՄԱՆ ԿԱՌՈՒՑՎԱԾՔԻ ՈՒ ՁԵՎԱՉԱՓԻ ԵՎ ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ՈՒ ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ՈՐՈՇ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 105-րդ հոդվածի 5-րդ կետին և 112-րդ հոդվածի 4-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.
1. Հաստատել կից ներկայացվող՝ ապրանքների հայտարարագրի և ապրանքների հայտարարագրի ճշգրտման կառուցվածքն ու ձևաչափը։
2. Մաքսային միության հանձնաժողովի 2010 թվականի մայիսի 20-ի թիվ 263 որոշմամբ հաստատված՝ «Տրանսպորտային (փոխադրման), առևտրային և (կամ) այլ փաստաթղթեր որպես ապրանքների հայտարարագիր օգտագործելու կարգի մասին» հրահանգի 31 կետի առաջին պարբերության մեջ «Եվրասիական տնտեսական հանձնաժողովի կոլեգիայի 2018 թվականի հունվարի 16-ի թիվ 2 որոշմամբ հաստատված՝ ապրանքների հայտարարագրի և տարանցման հայտարարագրի» բառերը փոխարինել «Եվրասիական տնտեսական հանձնաժողովի կոլեգիայի 2023 թվականի մայիսի 30-ի թիվ 75 որոշմամբ հաստատված՝ ապրանքների հայտարարագրի և ապրանքների հայտարարագրի ճշգրտման» բառերով։
3. Եվրասիական տնտեսական հանձնաժողովի կոլեգիայի 2017 թվականի մայիսի 2-ի թիվ 43 որոշմամբ հաստատված՝ FIFA Ֆուտբոլի աշխարհի 2018 թվականի առաջնության և FIFA Կոնֆեդերացիաների 2017 թվականի գավաթի, UEFA Ֆուտբոլի Եվրոպայի 2020 թվականի առաջնության, UEFA Չեմպիոնների լիգայի 2021/2022 մրցաշրջանի կազմակերպման և անցկացման ժամանակ կամ դրանց նախապատրաստվելու համար մարզական միջոցառումների անցկացման ժամանակ օգտագործելու համար նախատեսված օտարերկրյա ապրանքների մասով ապրանքների հայտարարագիր և տարանցման հայտարարագիր լրացնելու կարգի 2-րդ կետի երկրորդ պարբերության մեջ «Եվրասիական տնտեսական հանձնաժողովի կոլեգիայի 2018 թվականի հունվարի 16-ի թիվ 2 որոշմամբ հաստատված՝ ապրանքների հայտարարագրի և տարանցման հայտարարագրի» բառերը փոխարինել «Եվրասիական տնտեսական հանձնաժողովի կոլեգիայի 2023 թվականի մայիսի 30-ի թիվ 75 որոշմամբ հաստատված՝ ապրանքների հայտարարագրի և ապրանքների հայտարարագրի ճշգրտման» բառերով։
4. Եվրասիական տնտեսական հանձնաժողովի կոլեգիայի 2018 թվականի մայիսի 29-ի «Մաքսային փաստաթղթերի կառուցվածքների և ձևաչափերի առնչությամբ Եվրասիական տնտեսական հանձնաժողովի կոլեգիայի որոշ որոշումներում փոփոխություններ կատարելու մասին» թիվ 89 որոշման 1-ին կետն ուժը կորցրած ճանաչել՝ Եվրասիական տնտեսական հանձնաժողովի կոլեգիայի 2018 թվականի հունվարի 16-ի «Ապրանքների հայտարարագրի ճշգրտման կառուցվածքի և ձևաչափի մասին» թիվ 3 որոշման 2-րդ կետում փոփոխություն կատարելու մասով։
5. Սույն որոշումն ուժի մեջ է մտնում 2025 թվականի ապրիլի 1-ից:
(5-րդ կետը փոփ. ԵՏՀԿ 27.09.23 թիվ 146, ԵՏՀԿ 26.03.24 թիվ 26)
|
Եվրասիական տնտեսական հանձնաժողովի կոլեգիայի նախագահ՝ |
Մ. Մյասնիկովիչ |
|
|
ԿԱՌՈՒՑՎԱԾՔԸ ԵՎ ՁԵՎԱՉԱՓԸ
ապրանքների հայտարարագրի և ապրանքների հայտարարագրի ճշգրտման
Պաշտոնական հրապարակման օրը՝ 10 հունվարի 2024 թվական: